2 Vafumeli 24:3 - Bhiblia Yo Sawuleka

³ Kha ditshuri madingano ni kuruma ka Mkoma, eto ti mahekile ditikoni ka Judha, a nga mthavisa masoni kwakwe ngu mhaka ya sionho sa Manasi, sotshe sile a nga si maha,

2 Vafumeli 24:3 Referans Kwoze

2 Vafumeli 18:25

Se konkuwa u alakanya ku ani ni kwelete ka wukhalo wuwa kutalwa, ni si nga ni Mkoma kani? Mkoma a ni gete ku khene: Kwelela u ya lwisa ditiko dile.

Mika 2:10

Khukhani mi tsula, nguko kha ku na mbi va hawa wukhalo wa kuhumula kwanu; ngu mhaka ya wukanganyisi wu hoxotako, ina, wu hoxotako kudotho-kudotho.

Amosi 3:6

Ina ku nga pekwa mpundu didhoropani vathu va si dhudhumeli ngu kuthava kani? Ina ku nga humelela wubihi didhoropani, na wu sa mahwa ngu Mkoma kani?

Isaya 45:7

Ani na maha kuwonekela ni va nga txidema; ani na vanga kudikha, ni va nga dikhombo; ani Mkoma, na maha totshe tiya.

2 Makronika 25:16

Se ku to maheka taku, mbimo yile a nga txi womba-womba nayo, a to mxamula a txi khene: Va kuvekile kuva didhota da mfumeli kani? Malala, u lava kudawelwa txani kani? Sekoko mprofeti a to khukha a txi khene: Na ti wona ti to Txizimu txi navete ku kulovisa ngu mhaka ya timhaka tiya u nga timaha; khwa engisa dipswi dangu.

2 Makronika 24:24

Hambi ku va Siriya va ngata ni dibutho da vathu vavadotho, Mkoma a to ningela manzani kwawe, dibutho da vathu vavangi, nguko va lekile Mkoma Txizimu txa vatate vawe. Jowasi a to pekwa ngu Txizimu ngu diwoko da Vasiriya.

Joxuwa 23:15

Se kufana ni kuwa ma nga maheka otshe mapswi ale amanene a nga ma womba kwanu ene Mkoma, Txizimu txanu, nga toneto kambe Mkoma a na mi wuyisela sotshe sile so biha, kala kuza a txi mi fuvisa ka ditiko diya da dinene, adi Mkoma, Txizimu txanu, a nga mi ninga.

Dhewuteronome 29:28

Mkoma a va rurisile ditikoni kwawe ngu kuhenya, ni txiviti, ni kuhenya ka hombe, e va vinza ka dimwani ditiko, nga ti hi ti wonako nyamsi.”

Dhewuteronome 28:63

Ngu toneto, kufana ni kuwa Mkoma a nga txi tsaka ngu ku mi mahela ta tinene, ni ku mi andisa, kufana ni toneto, a na tsaka kambe ngu kuva mi txi loviswa, mi txi fuva; nanu mi na dulwa mi txi humiswa ka ditiko di mi yelako kuya di teka.

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Genesisi 50:20

Kubiha kuwa mi nga pimisa ku ni mahela, ngu kuxuva ka Txizimu, ku hindukile ku txi maha wunene, kasiku ti txi woneka ti nyamsi ti mahekako, i ku kuhulukisa wutomi wa vathu votala.

Jeremiya 32:31

Nguko adiya didhoropa di vhilusile kuhenya kwangu ni txiviti txangu kukhukhela ditshikwedo va ngadi aka kala nyamsi kuwa; kuva ni txi na di thavisa masoni kwangu.

Jeremiya 52:28

Avava ngu vona vathu va Nebhukodhonosori a nga va yisa wukhumbini ngu dilembe da wutxhanu ni mambidi da kufuma kwakwe: 3.023 wa Vajudha.

Ezekhiyele 24:6

Ngu kumaha keto, Mkoma a khene: Dikhombo ka didhoropa do theketa mnoha, ka khadi yo nzihala, eyo kunzihala ka kona ku si thavekiko! Thavisa txitxuwu txa nyama ka yona tximwetxo ngu tximwetxo, u nga wise txilo.

2 Vafumeli 17:18

Ngu mhaka yeto, Mkoma a to henyela Israyeli, e mthavisa masoni kwakwe; kha ka sala ni wammweyo, hahanze ka lihunzu la ka Judha.

2 Vafumeli 17:20

Ngu kumaha keto, Mkoma a to nyenya yotshe mbewu ya ka Israyeli, e va tsindaveta, ni ku va ningela manzani ka vakhozisi, kala kuza e va thavisa masoni kwakwe.

2 Vafumeli 17:23

Kala kuza Mkoma e thavisa Israyeli masoni kwakwe, nga kule a nga nga womba ngu sithumi sakwe, i ku vaprofeti; a tekisilweto Israyeli e tsuliswa Asiriya, emo a manekako kona kala ka ditshiku da nyamsi.

2 Vafumeli 21:16

Kambe kupinda eto, Manasi a theketile ngutu mnoha wa vo mbi na mnandu, wu tata Jerusalema, kukhukhela magwito kala kumwani magwito, eza e onhisa Judha, ngu kumaha wubihi masoni ka Mkoma.

2 Vafumeli 24:20

Se ti mahisile tiya ngu mhaka ya txiviti txa Mkoma txitimwi ka Jerusalema ni ka Judha, eza e va nyenya masoni kwakwe; se Zedhekiya a to wukela mfumeli wa Bhabhilona.

Ezekhiyele 22:3

U txi khawe: Mkoma Txizimu a khene: Dikhombo ka didhoropa di di theketako mnoha hagari ka dona, kasi ku yi na hoke mbimo ya kona! Di ti mahelako sithombe sa kutinyenyezisa!