2 Vafumeli 24:1 - Bhiblia Yo Sawuleka

¹ Ka masiku a Jehoyakimi, ku to humelela Nabhukodhonozori, mfumeli wa Bhabhilona, e xoma yimbi yo wukela Jehoyakimu e mmaha khumbi yakwe mndani ka malembe mararu; msana keto a to phemberuka e m'wukela.

2 Vafumeli 24:1 Referans Kwoze

Dhaniyeli 1:1

Ka dilembe da wuraru da kufuma ka Jehoyakimi, mfumeli wa Judha, Nebhukodhonosori mfumeli wa Bhabhilona, a toya randela Jerusalema.

Jeremiya 25:1

Dipswi diya di nga ta ka Jeremiya xungetano ngu vathu va ka Judha ngu dilembe da wumune da kufuma ka Jehoyakimu, mwana Josiya, mfumeli wa ka Judha, i nga ti dilembe do khata da kufuma ka Nebhukodhonosori, mfumeli wa Bhabhilona.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Jeremiya 46:2

Xungetano ni Egipta, kasi kupeka yimbi ya Faro-Neko, mfumeli wa Egipta, a nga txi maneka hafuhi ni mnambo wa Ewufrate kona Karkemixe, wule a nga pekwa ngu Nebhukodhonosori, mfumeli wa Bhabhilona, ka dilembe da wumune da kufuma ka Jehoyakimi, mwana Josiya, mfumeli wa Judha.

2 Vafumeli 17:5

Nguko mfumeli wa Asiriya a to fumela dotshe ditiko kala kuya hoka Samariya, e di randela malembe mararu.

Jeremiya 35:1

Di tile dipswi ka Jeremiya ngu ka Mkoma, ka masiku a Jehoyakimi, mwana Josiya, mfumeli wa ka Judha, di txi kha dona:

Jeremiya 35:11

Ku to maheka taku, mbimo yile Nebhukodhonosori, mfumeli wa Bhabhilona, a nga ta ka ditiko diya, hi ti khathu: Ngonani, hiya Jerusalema, hi thava yimbi ya Vakaldheya, ni yimbi ya Vasiriya; ngukonaho hi na ya zumba Jerusalema.

Jeremiya 36:1

Ngu dilembe da wumune da Jehoyakimi, mfumeli wa ka Judha, dipswi da Mkoma di to ta ka Jeremiya, di txi kha dona:

Jeremiya 45:1

Dipswi di a nga womba Jeremiya mprofeti, ka Bharuke, mwana Neriya, a to bhala mapswi ale mu ka dibhuku, ma txi wombwa ngu Jeremiya, ka dilembe da wumune da kufuma ka Jehoyakimu, mwana Josiya, mfumeli wa ka Judha, a txi khene:

Jeremiya 50:17

Nvuta yo mwalala ngene Israyeli; tingonyamo ti mtutumisile. Mfumeli wa Asiriya ngene a nga khata ku m'vhandamulela; se ngu magwito Nebhukodhonosori, mfumeli wa Bhabhilona, a to mfunya marambu.

Ezekhiyele 21:14

Awe koko mwanana wa m'thu, profeta, u txi bhwabhwatela; nguko ditxhari hambi ka wuraru di na wila; ditxhari do thola vathu, di txi va thola ve fa, di na wulela kala tinyumbani kwawe.

Dhaniyeli 1:2

Se Mkoma a to ningela Jehoyakimi, mfumeli wa Judha, manzani ka Nebhukodhonosori, e ningela kambe ni siya sokari sa Nyumbani ka Txizimu. Se Nebhukodhonosori a to si teka e tsula naso ditikoni ka Sinari eya si wuletisa nyumbani ka txizimu txakwe, e si veka kumweko nyumbani ka thomba ya txizimu txakwe.

2 Vafumeli 24:20

Se ti mahisile tiya ngu mhaka ya txiviti txa Mkoma txitimwi ka Jerusalema ni ka Judha, eza e va nyenya masoni kwakwe; se Zedhekiya a to wukela mfumeli wa Bhabhilona.

2 Makronika 36:1

Sekoko vathu va ditikoni va to teka Jowakazi, mwana Josiya va txi maha mfumeli ka wukhalo wa tate wakwe kona Jerusalema.

Ezra 4:12

Ti zive awe mfumeli taku Vajudha vale va nga khukha ngu kheyo kwako veta kwathu Jerusalema, se va aka ngu kanu didhoropa, ni kuwusa maguma a kona, ni kululamisa sitsaniso sa kona.

Isaya 36:5

Ani na sikota kuwomba tiya: Txikungo txako, ni mtamo wako wa kuya yimbini, mapswi o mbi na txilo; se konkuwa koko u themba mani, aku u ni wukelako kani?

Ezekhiyele 19:8

Sekoko vathu va matiko a hombe, va to sengeletana ve yi randela, va txi yi lwisa, veza veya yi mana diphalani ka yona.

Habhakuki 1:6

Nguko wonani taku na wusa Vakaldheya, vathu vo karata ni kukuluveta, va rerelako ka otshe mafu ngu kuanama ka ona, kasi kuhonyola makhalo o mbi va lumba.