2 Vafumeli 23:4 - Bhiblia Yo Sawuleka

⁴ Se mfumeli a to rumela ka mphaxeli wa hombe Hilikiya, ni ka vaphaxeli va txiemo txa wumbidi, ni vawoneleli va misasimo ya ditimba, taku kuthaviswa sotshe siya Dithepeleni ka Mkoma, asile va nga ti si mahete Bhahali, ni sotshe so vatwa, ni dotshe dibutho da nzumani; e si hisa hahanze ka Jerusalemam, tithembweni ka Kedroni, se e tsula ni makhuma a kona Bheteli.

2 Vafumeli 23:4 Referans Kwoze

2 Vafumeli 21:7

Manasi a to veka txithombe txo vatwa, txo mahwa ngu mndonga, ka nyumba yile Mkoma a nga nga womba ka Dhavhidha ni ka mwanana wa kona Solomoni ku khene: Ka yiya nyumba kona Jerusalema, i ku kona ni nga kusawula ka totshe tihunzu ta ka Israyeli, ni na veka ditina dangu ngu ha ku si gwitiko.

2 Vafumeli 21:3

Nguko a to tshumela e aka siluvelo sile si nga ti khundumusetwe ngu tate wakwe Ezekhiya, a to akela siluvelo Bhahali, e maha txithombe txo nga txile txi nga ti mahilwe ngu Akabe, mfumeli wa ka Israyeli, e nama masoni ka otshe mabutho a nzumani, e ma thumela.

2 Makronika 33:3

Nguko a to tshumela e aketeta makhalo o guleka ale ma nga ti khundumusilwe ngu tate wakwe Ezekhiya, a to akela siluvelo Bhahali, e maha sipopo so khongela ka sona, e khizamela sotshe siphatiphati sa nzumani e si thumela.

2 Vafumeli 25:18

Se Nabhuzaradhani, mthangeli wa vawoneleli, a to teka mphaxeli wo khata i ku Saraya, ni mphaxeli wa wumbidi i ku Zefaniaya, ni vawoneleli vararu va msasimo wa ditimba.

Johani 18:1

Jesu ngako a di gwitile kuwomba mapswi awa, a to khukha ni vagondiswa vakwe, veya mtxhatuko ka lidhonga la Kedroni, ahawa ku nga ti ni thembwe ya siluva, se Jesu a to wulela konemo ni vagondiswa vakwe.

Matewu 27:1

Ngako di di txite, votshe vaphaxeli va hombe ni madhota a ditiko, va to tshangana ve maha txikungo txa kulenga Jesu, kasiku ve m'daya.

Matewu 26:3

Sekoko vaphaxeli va hombe ni madhota a ditiko va to tshangana digumani ka Mphaxeli wa Hombe a nga ti dhanwa ku i Kayifasi.

Amosi 4:4

Ngonani Bheteli, ndakani mlayo; mi engetela kundaka mlayo mi di Giligali, mixo ni mixo nahetani miphaxo yanu, ngu masiku mararu-mararu, mi neha sa wugumi sanu.

Hoseya 4:15

Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

Jeremiya 52:24

Se mthangeli wa vawoneleli a to teka Sarayasi, mphaxeli wa hombe, ni Zefaniya mphaxeli wa wumbidi, ni vawoneleli vararu va misasimo ya ditimba.

Jeremiya 7:9

Ina mi ngadi mi txi napa, mi daya, mi maha wugango, mi xambanya makuhu, mi hisa miphaxo yo bhumula ka Bhahali, ni kulondetela simwani sizimu asi mi si si ziviko kani?

Isaya 27:9

Ngu mhaka yeto, txi na thaveka txionho txa Jakobe, se awuwa wu na va m'hando wotshe wa kuva ku di thavisilwe txionho txakwe; mbimo yi a no maha ti to, otshe marigwi a ha txiluveloni, kufana ni marigwi a dibumba, ma nga khundumuselwa, tiphande ni sithombe sa ditambo, kha si na mbi ema

2 Makronika 33:7

Manasi a to veka txithombe txo vatwa, e txi emisa Nyumbani ka Txizimu; amule Txizimu txi nga nga womba ka Dhavhidha ni ka mwanana wa kona Solomoni ku khene: Ka yiya nyumba, kona Jerusalema, i ku kona ni nga kusawula hagari ka totshe tihunzu ta ka Israyeli, ni na veka ditina dangu ngu ha ku si gwitiko.

2 Vafumeli 23:15

Se ni txiluvelo txile txi nga ti ti maneka Bheteli, ni txiluvelo txi txi nga mahwa ngu Jerobhowamu, mwana Nebhate, a nga ti ti onhisile Israyeli, kambe a to khundumusa txiluvelo; e hisa txiluvelo txi maha dikhuma, se e hisa txithombe txo vatwa.

2 Vafumeli 22:4

Kwelela uya ka mphaxeli wa hombe, Hilikiya, uya m'gela ku a na teke male yile yi nga tiswa Nyumbani ka Mkoma, ayiya vawoneleti va mtshunzuti wa ditimba va nga amukela ngu ka vathu.

2 Vafumeli 17:16

Se va to leka yotshe milayo ya Mkoma, Txizimu txawe, ve maha sithombe so tshulwa sa marole mambidi; kambe va to maha txithungulu txo vatwa, ni ku khizamela dotshe dibutho da nzumani, ve thumela Bhahali.

1 Vafumeli 19:18

Kambe ni mahile ti to kusala ka Israyeli 7.000, otshe mazolo ma nga mbi khizamela Bhahali, ni sotshe sisofu si si nga mbi mpswopswa.

1 Vafumeli 18:40

Se Elija a to khene: Ñolelani votshe vaprofeti va Bhahali, ku nga huluke ni wammweyo wawe. Va to va ñolela; se Elija a to va maha ve kwitima txinambwanani ka Kixoni, va txi ya va daya kona.

1 Vafumeli 18:26

Se va to teka dirole dile va nga ningwa, ve di lulamisela; se va to khongela ditinani ka Bhahali, kukhukhela ni mixo kala ni hagari ka mitshikari, va txi kha vona: Awe Bhahali, hi xamule! Aniko kha ka pfala dipswi, hambi ni wo xamula; na va txi ndaka-ndaka txitimwi ka txiluvelo txile txi nga ti mahilwe.

1 Vafumeli 18:19

Ngu toneto, gela votshe vathu va ka Israyeli ve tshangana ni nani mmangoni ka Karmeli, kumweko ni 450 wa vaprofeti va Bhahali, ni 400 wa vaprofeti va Aseri, va dyiswako ngu mfumeli wa txisikati Jezabheli.

1 Vafumeli 16:31

Se ku to mahisa, (ku nga mhaka yo hehuka kutsimbila sionhoni ka Jerobhowamu, mwana Nebhate), kambe a to teka Jezabheli, mwana Etibhahali, mfumeli wa Vasidhoni, kuva msikati wakwe; se a to tsula eya thumela Bhahali, ni ku mkhozela.

1 Vafumeli 12:29

Se a vekile txizimu tximwetxo kona Bheteli, e veka tximwani kona Dhani.

2 Samuwele 15:23

Se mbimo yile vathu votshe va nga txi pinda, ditiko dotshe di to dila ngutu, nene mfumeli a to pinda ngu txinambwanani ka Cedroni, se vathu votshe va to pinda ngu nzila yo ya txiwulani.

Valamuli 2:13

Nguko va lekile Mkoma, se ve thumela Bhahali ni Axitaroti.

2 Vafumeli 21:5

Otshe mabutho a nzumani a to ma akela siluvelo, ka yotshe mithanda ya yimbidi ya Nyumba ya Mkoma.

2 Vafumeli 23:12

Mfumeli a to khundumusela ni sona siluvelo, si nga ti ti maneka txitimwi ka nyumba ya Akazi, asile si nga ti ti mahilwe ngu vafumeli va ka Judha; na si di sate ngu titshenda, a to xwayela dikhuma da kona txinambwanani ka Kedroni.

Ezekhiyele 8:6

Se Txizimu txi to kha txona kwangu: Awe mwanana wa m'thu, Ina wa ti wona ti va mahako kani? Kunyenyeza ka hombe kumahwako ngu nyumba ya ka Israyeli hawa, kasi ku ni khukha ka wukhalo wangu wo sawuleka kani? Aniko u ngadi u txi na wona manyala a hombe kupinda awa.

1 Vafumeli 15:13

ahawa ko hambi mwamwakwe Mahaka, a to mthavisa kuva asi mahi mfumeli wa txisikati, nguko a ti mahete Aseri, txithombe txo nyenyeza ngutu; Asa nene a thavisile txithombe txakwe, eya txi hisa hafuhi ni txinambwana txa Kedroni.

2 Vafumeli 10:26

Se va to thavisa sithombe nyumbani ka Bhahali, ve si hisa.

2 Vafumeli 12:10

Ku to maheka koko taku, mbimo yile va nga wona taku ku ni male yayingi amule ka dibhokiso, mabhalani wa mfumeli a ti ti kwelela ni mphaxeli wa hombe, va txi ya balela male yile yi nga txi maneka Nyumbani ka Mkoma, ve theletela mu ka masaka.

2 Makronika 15:16

Ahawa ko hambi mwamwakwe Mahaka, a to mthavisa kuva asi mahi mfumeli wa txisikati, nguko a di mahete Aseri, txithombe txo nyenyeza ngutu; Asa nene a thavisile txithombe txakwe, eya txi hisa hafuhi ni txinambwana txa Kedroni.

Zefaniya 1:4

Se ni na nawuluta dianza dangu txitimwi ka Judha, ni txitimwi ka votshe vaaki va Jerusalema; ni na fuvisa ka wukhalo wuwa miboti ya Bhahali, ni matina a vale va thumelako sithombe, ni vaphaxeli;