2 Vafumeli 23:2 - Bhiblia Yo Sawuleka

² Se mfumeli a to kwela Nyumbani ka Mkoma, kumweko ni votshe vazumbi va Jerusalema, ni vaphaxeli, ni vaprofeti, ni votshe vathu kukhukhela ka vavadotho kala ka vahombe; se a to gonda tinzeveni kwawe otshe mapswi a dibhuku da txitumelelano, di nga manwa Nyumbani ka Mkoma.

2 Vafumeli 23:2 Referans Kwoze

2 Vafumeli 22:8

Sekoko mphaxeli wa hombe Hilikiya, a to khene ka mabhalani Safani: Ni tumbute dibhuku da Mlayo Nyumbani ka Mkoma, se Hilikiya a to ningela dibhuku ka Safani, ene a to di gonda.

Mtuletelo 20:12

Se ni to wona vafi vahombe ni vavadhoto, va di emile masoni ka txikhalo txa wukoma, se me tulwa mabhuku. Ku tutwe kambe dimwani dibhuku, dibhuku da wutomi. Vafi va to lamulwa madingano ni mithumo yawe, nga ti ti nga ti bhalisilwe tona mabhukuni.

Mithumo 26:22

Kambe, ngu kuvhunwa ngu Txizimu, ni tsanisete kala ditshiku da nyamsi, ni txi fakaza ka va vavadotho ni ka va va hombe; kha na womba timwani hahanze ka tiya Mosi ni Vaprofeti va nga womba ku ti na humelela,

Masalmo 115:13

a na katekisa vale va kholwako ka Mkoma, vavadotho ni vahombe.

Jobe 3:19

Koneho, ku ni wa hombe ni wam'dotho, se khumbi ya txhatxheka ka nyamne wa yona.

Esteri 1:5

Se ma di gumile masiku ale, mfumeli a to ramba votshe vathu vale va nga txi maneka mkhokholani ka Susani, kukhukhela ka wa hombe kala ka wam'dotho, amu ka mtxhanu wa masiku ni mambidi, mthandani ka thembwe ya nyumba ya wukoma.

Nehemiya 13:1

Ka ditshiku dile, ku to gondwa mu ka dibhuku da Mosi, tinzeveni ka vathu; se ka dona ku to maneka taku, va ka Amoni ni va ka Mowabhi, va nga swe ve wulela ka msengeletano wa Txizimu,

Nehemiya 9:3

Sekoko va di emile ka makhalo awe, va to gondelwa dibhuku da Mlayo wa Mkoma, Txizimu txawe, ngu txipimo txa wumune txa ditshiku; se ka txipimo tximwani txa wumune, va to titshanza, ve khozela Mkoma, Txizimu txawe.

2 Makronika 17:9

Ve rendeleka madhoropa otshe a va ka Judha, va txi gondisa vathu ani ditikoni da Judha va di ni dibhuku da Mlayo wa Mkoma.

2 Makronika 15:13

ni ti to votshe avale va si laviko Mkoma, Txizimu txa Israyeli a fanete kufa, kukhukhela ka vavadotho kala ka va hombe, wamwamna kala ka wamsikati.

1 Vafumeli 8:9

Amu ka dibhokiso ku si nga ni tximwani txilo, hahanze ka sileti simbidi sa marigwi, asile Mosi a nga si beta a di Horebhe mbimo yile Mkoma a nga maha txitumelelano ni vanana va ka Israyeli, va txi huma ngu ditikoni ka Egipta.

1 Samuwele 30:2

Se va to teka vavasikati vale va nga ti ka dona, ve va maha tikhumbi, kambe kha va daya m'thu ni wammweyo, hambi wam'dotho mwendo wa hombe; va to va teka dwe ve tsula navo.

1 Samuwele 5:9

Se ku to maheka ti taku, kukhukhela ka kule va nga ya horoloka nado, dianza da Mkoma di to wukela didhoropa dile, ngu sikarato sa hombe ngutu; nguko a to daya vathu va didhoropa dile, kukhukhela ka wam'dotho kala ka wa hombe; kambe va to pomelwa ngu sithunye mimidini kwawe.

Dhewuteronome 31:26

“Amukelani dibhuku diya da Mlayo, mi txi di veka hafuhi ni dibhokiso da txitumelelano txa Mkoma, Txizimu txanu, di na maha fakazi masoni kwanu.

Genesisi 19:11

se vavamna vale va nga ti ha txikeni ka nyumba, va to va tsayisa ngu wubhofu, kukhukhela ka vavadotho kala ka vahombe, ti to va si sikoti kuwona txike.

Jeremiya 34:8

Ayiya i mhaka ya Mkoma yi nga ta ka Jeremiya, msana ka kuva mfumeli Zedhekiya a di mahile txitumelelano, ni votshe vathu va nga ti Jerusalema, ati taku ve huwelela kutxhatxheka;