2 Vafumeli 22:2 - Bhiblia Yo Sawuleka

² Se a to maha ta tinene masoni ka Mkoma; kambe a to tsimbila ngu totshe tinzila ta tate wakwe Dhavhidha, kha ngaza e khukha ka tona, eya txinene mwendo txibhabha.

2 Vafumeli 22:2 Referans Kwoze

Joxuwa 1:7

Tsana, uva ni mtamo, u tsanisa mbilu, kasi ku u txi khutalela kuxayisa yotshe milayo yi Mosi, txithumi txangu, a nga kuleleta; u nga ti hambukise ka yona, u txi ya txinene mwendo txibhabha, kasi ku u na humelela ka yotshe mithumo yako.

Dhewuteronome 5:32

Ngu kumaha keto, khatalelani kumaha ati Mkoma, Txizimu txanu, a nga mi leleta tona. Mi nga ti hambukiseni, mi txi ya ka didhawa da txinene mwendo da txibhabha.

2 Vafumeli 18:3

A to maha to lulama masoni ka Mkoma, nga tile a nga mahisa tona tate wakwe Dhavhidha.

1 Vafumeli 3:6

Se Solomoni a to khene: Awe u thumisile txithumi txako Dhavhidha, tate wangu, ngu kukateka ka hombe, ngako ene a nga tsimbila ni nawe ngu ditshuri, ni nongameto, ni kululama ka mbilu, masoni kwako; se u m'vekete txikatekiso txa hombe, u mningile mwanana wu a no khalahatsha ha txikhaloni kwako ka wukoma, nga ti ti wonekako ka masiku awa.

Mavingu 20:11

Hambi mwanana a zivaneka ngu mithumo yakwe, ngako mithumo yakwe i ti ya yinene ni kululama.

Mavingu 4:27

U nga wekelele hambi txinene, mwendo txibhabha; thavisa mkondo wako kubihani.

2 Makronika 29:2

A to maha to lulama masoni ka Mkoma, nga tile a nga mahisa tona tate wakwe Dhavhidha.

2 Vafumeli 16:2

Akazi a ti ti ni tanga ya magumi mambidi a malembe, a to fumela Jerusalema digumi da malembe ni mtxhanu ni dimwedo, aniko kha maha to lulama masoni ka Mkoma, Txizimu txakwe, nga tate wakwe Dhavhidha.

1 Vafumeli 11:38

Se ku na maheka ti to u txi engisa totshe ti ni no kuruma, u tsimbila ngu totshe tinzila tangu, u maha ta tinene masoni kwangu, u txi veketa sileleto sangu ni milayo yangu, ku nga ti txithumi txangu Dhavhidha a nga mahisa tona, ani ni na va ni nawe, ni na kuakela nyumba yo tsana, ku nga kule ni akela Dhavhidha, ni na kuninga Israyeli.

2 Makronika 17:3

Mkoma a di ni Josafati, nguko a ti ti tsimbila ngu tinzila ta tate wakwe Dhavhidha, a kha khozela va ka bhahali.

1 Vafumeli 15:5

Nguko Dhavhidha a ti mahile tile i ngadi ta tinene masoni ka Mkoma, a sa nga phawuka ka totshe tile a ngadi mleletile ka otshe masiku a kuhanya kwakwe, hahanze ka mhaka ya Uriya, Muheti.

2 Makronika 31:20

Ezekhiya a to mahisa toneto ka ditiko dotshe da Judha, e maha ta tinene, ni to lulama, ni ta ditshuri masoni ka Mkoma Txizimu txakwe.

2 Makronika 34:1

Josiya a khatile kufuma a di ni tanga ya mtxhanu wa malembe ni mararu, se a to fumela Jerusalema magumi mararu a malembe ni dilembe dimwendo.

Zefaniya 1:1

Adiya dipswi da Mkoma, di nga ta ka Zefaniya, mwana Kusi, mwana Gedhaliya, mwana Amariya, mwana Ezekhiya, ka masiku a Josiya, mwana Amoni, mfumeli wa ka Judha.

1 Vafumeli 15:11

Se Asa, a to maha tile i nga ti ta tinene masoni ka Mkoma, ku nga tate wakwe Dhavhidha,

2 Vafumeli 12:3

Nziluvelo dwe si nga mbi khundumuswa, nguko vathu va txi ngadi ve phaxela kona, ni kuhisa dibaselo.

2 Vafumeli 14:3

Amaziya a mahile to lulama masoni ka Mkoma, hambiko a nga mbi fana ni tate wakwe Dhavhidha; a to maha nga tile a nga mahisa tona tate wakwe Jowasi.