2 Vafumeli 21:8 - Bhiblia Yo Sawuleka

⁸ Niku kha ni na mbi nga tshundisa mkondo wa Israyeli ka diya ditiko ni nga ninga vatate vawe, ngako va txi maha kha kwati madingano ni yotshe Milayo yile va nga layelwa ngu txithumi txangu Mosi.

2 Vafumeli 21:8 Referans Kwoze

2 Samuwele 7:10

Ni longisile wukhalo wa vathu vangu, va ka Israyeli, se ni na va simeka, kasiku ve zumba ka wukhalo wawe, va si ngadi ve thaviswa kambe, vanana va wubihi kha va na mbi ngadi kambe ve va xanisa kufana ni kale,

Jeremiya 7:23

Aniko, ati ni nga va laya, ngu ti taku: Engisani dipswi dangu, sekoko ni na va Txizimu txanu, anu mi na va vathu vangu; tsimbilani ngu tinzila ti ni nga mi laya ngu tona, kasi ku mi na zumbiseka kwati.

Isaya 1:19

Ngako mi txi tumela kuengisa, mi na dya so tshamba ha mafuni hawa.

Masalmo 37:3

Themba Mkoma, u txi maha ta tinene; u na aka ha mafuni, u txi hanya ngu kuthembeka.

2 Makronika 33:8

Ni ku kha ni na mbi nga tshundisa mkondo wa Israyeli ka diya ditiko, ni nga ninga vatate vanu, ngako va txi maha kha kwati, madingano ni yotshe milayo yile va nga layelwa ngu txithumi txangu Mosi.

1 Makronika 17:9

Ni na ninga wukhalo ka vathu vangu va ka Israyeli, ni va phaya koneho, kasi kuve ti akela ka wukhalo wonewo, kona kha va na mbi thaviswa ngu m'thu; kambe kha va na mbi ngadi ve xaniswa ngu vale va nga ti va xanisa, kufana ni makhatoni,