2 Vafumeli 21:5 - Bhiblia Yo Sawuleka

⁵ Otshe mabutho a nzumani a to ma akela siluvelo, ka yotshe mithanda ya yimbidi ya Nyumba ya Mkoma.

2 Vafumeli 21:5 Referans Kwoze

1 Vafumeli 7:12

Se i ti diguma da hombe do ranganyeta da titxhatxha tiraru ta marigwi o vatelwa, ni titxhatxha ta mirwalo ya mikedhari; ni wona m'hubhe wa mndani ka Nyumba ya Mkoma ni m'hubhe wa nyumba yile.

2 Vafumeli 23:12

Mfumeli a to khundumusela ni sona siluvelo, si nga ti ti maneka txitimwi ka nyumba ya Akazi, asile si nga ti ti mahilwe ngu vafumeli va ka Judha; na si di sate ngu titshenda, a to xwayela dikhuma da kona txinambwanani ka Kedroni.

2 Vafumeli 23:4

Se mfumeli a to rumela ka mphaxeli wa hombe Hilikiya, ni ka vaphaxeli va txiemo txa wumbidi, ni vawoneleli va misasimo ya ditimba, taku kuthaviswa sotshe siya Dithepeleni ka Mkoma, asile va nga ti si mahete Bhahali, ni sotshe so vatwa, ni dotshe dibutho da nzumani; e si hisa hahanze ka Jerusalemam, tithembweni ka Kedroni, se e tsula ni makhuma a kona Bheteli.

1 Vafumeli 6:36

A to aka kambe diguma ngu mndani ngu marigwi o vatelwa a titxhatxha tiraru ni mirwalo ya mikedhari.

Ezekhiyele 44:19

Se mbimo yi va no huma ka mtendela wa hahanze, ka vathu, mtendelani ka hahanze, va na ambula syambalo sile va nga thuma ngu sona, va txi si veka ka tinyumba to sawuleka, ve ambala simwani simaha, kasi ku va si sawulekisi vathu va di ni syambalo sawe.

Ezekhiyele 43:5

Se Moya wu to ni gula wu txi ni yisa ka mtendela wa mndani; se kuphatima ka Mkoma ku to tata dithepele.

Ezekhiyele 42:3

Ngu masoni ka magumi mambidi a mikono, ku nga ti ti ni m'hubhe wa mndani, ni masoni ka m'hubhe wa mtendela ku nga ti ti ni m'hubhe wa hahanze, ku ti ti ni wukhalo wo tshuriselwa wo rendekelana ni wumwani wukhalo wo tshuriselwa, wa sitezi siraru.

Ezekhiyele 40:47

Se a to pima mtendela: Kulapha ka dizana wa mikono, ni kuanama ka dizana wa mikono, mune wa madhawa o dingana; txiluvelo txi ti ti ngu masoni ka dithepele.

Ezekhiyele 40:37

Se tisika ta kona ti ti ti ka mtendela wa hahanze; kambe ku ti ti ni mitxhese amu ka tisika ta kona, ka didhawa dimwedo ni dimwani; se kuguleka ka kona i ti ti ka mtxhanu wa sivango ni siraru.

Ezekhiyele 40:32

Msana keto, a to ni yisa ka mtendela wa mndani, ka nzila ya wutxani, se a to pima ditimba madingano ni tipimo tiya;

Ezekhiyele 40:28

Sekoko a to ni yisa ka mtendela wa mndani, ngu ditimba da wuphemba; a to pima ditimba da wuphemba madingano ni tipimo tiya.

2 Makronika 33:15

Se a to thavisa sizimu sa vamatiko ni sifananiso Nyumbani ka Mkoma, kufana ni sotshe siluvelo sile a nga ti si akile mmangoni ka Nyumba ya Mkoma ni kona Jerusalema, eya si tshotsha hahanze ka didhoropa.

2 Makronika 33:5

Sotshe siphatiphati sa nzumani a to si akela siluvelo, ka yotshe mithanda ya yimbidi ya Nyumba ya Mkoma.

2 Vafumeli 23:6

Kambe a to thavisa txifananiso txo vatwa Nyumbani ka Mkoma eya txi tshotsha hahanze ka Jerusalema, txinambwanani ka Kedroni, e txi hisa hafuhi ni txinambwana txa Kedroni, txi maha dikhuma, se a to xwayela dikhuma da kona txitimwi ka mathitha a vanana va vathu va ditiko dile.

2 Vafumeli 23:5

Kambe a papaxile votshe vaphaxeli vale va nga ti vekilwe ngu vafumeli va ka Judha, kuva ve hisa dibaselo siluveloni ka madhoropa a ka Judha, ni mabambe ka Jerusalema, kumweko ni votshe vale va nga ti ti hisa dibaselo ka Bhahali, ka ditambo, ka mtxima, ni ka simwani siwumbwa sa ditiko, ni ka dotshe dibutho da nzumani.

2 Makronika 4:9

E maha diguma da vaphaxeli ni diguma dimwani da hombe ni matimba a dona, ema bhama ngu koporo.

Ezekhiyele 8:16

Se a to ni yisa ka mthanda wa mndani ka Nyumba ya Mkoma, wona taku ha txikeni ka Dithepele da Mkoma, hagari ka m'hubhe ni txiluvelo, ku ti ti ni mtengo wo dingana magumi mambidi a vavamna ni mtxhanu, va nga ti ti tshuralete Dithepele da Mkoma, tikhohe tawe ti txi rendekela wutxani; kambe va ti ti khozela ditambo va di rendekete wutxani.