2 Vafumeli 21:2 - Bhiblia Yo Sawuleka

² Se a to maha wubihi masoni ka Mkoma, kufana ni manyala a vamatiko, avale Mkoma a nga ti va tutumisile ka makhalo awe, masoni ka vanana va ka Israyeli.

2 Vafumeli 21:2 Referans Kwoze

Ezekhiyele 16:51

Hambi Samariya kha maha hafu ya sionho sako; u andisile ngutu manyala ako kupinda vona, se u emete vananu, ngu otshe manyala ale u nga ma maha.

Jeremiya 15:4

Ni na va maha ve thisa masoni ka mifumo yotshe ya ha mafuni, ngu mhaka ya Manasi, mwana Ezekhiya, mfumeli wa ka Judha, ngu ti a nga ti maha Jerusalema.”

2 Makronika 36:14

Votshe vathangeli va vaphaxeli ni vathu votshe va to londetela manyala ni sihena so nyenyeza sa vamatiko, va txi nyenyezisela Nyumbani ka Mkoma, mule a nga ti ti kusawulekisete Jerusalema.

2 Vafumeli 22:17

Nguko va ni lekile, ve hisela dibaselo simwani sizimu, ve ni wusela kuhenya ngu yotshe mithumo ya manza awe, txiviti txangu txi vhutukile ka wukhalo wuwa, kambe kha txi na mbi timeka.

2 Vafumeli 21:16

Kambe kupinda eto, Manasi a theketile ngutu mnoha wa vo mbi na mnandu, wu tata Jerusalema, kukhukhela magwito kala kumwani magwito, eza e onhisa Judha, ngu kumaha wubihi masoni ka Mkoma.

2 Vafumeli 21:7

Manasi a to veka txithombe txo vatwa, txo mahwa ngu mndonga, ka nyumba yile Mkoma a nga nga womba ka Dhavhidha ni ka mwanana wa kona Solomoni ku khene: Ka yiya nyumba kona Jerusalema, i ku kona ni nga kusawula ka totshe tihunzu ta ka Israyeli, ni na veka ditina dangu ngu ha ku si gwitiko.

Dhewuteronome 12:31

U nga ti mahe eto masoni ka Mkoma, Txizimu txako! Nguko totshe ti Mkoma a ti nyenyako, totshe ti ene asi ti laviko, vona va ti mahile ka sizimu sawe, aha koza va txi hisa vanana vawe vavafana ni vamahorana, va txi dhumisa sizimu sawe.

2 Vafumeli 21:11

Ngako Manasi, mfumeli wa ka Judha, a nga maha manyala yawa, kupinda hambi tile va nga mahisa tona Vaamori, avava va nga khata ve hoka hambi kona Judha a va onhisile ngu sithombe sakwe,

2 Vafumeli 21:20

Se a to maha wubihi masoni ka Mkoma, ku nga tile a nga maha tate wakwe Manasi.

2 Vafumeli 23:32

Se a to maha wubihi masoni ka Mkoma, ku nga totshe tile va nga mahisa tona vatate vakwe.

2 Vafumeli 24:9

Se a to maha wubihi masoni ka Mkoma, ku nga totshe tile a nga mahisa tona tate wakwe.

Ekleziyaste 9:18

I txhuko wutxhari kupinda matxhari a yimbi, aniko muonhi mmweyo wa onha somaha so tala.

Isaya 66:4

Kambe ani ni va maha ve kanganyiseka, ni na tisa kuthava txitimwi kwawe, nguko ni dhani, aniko kha ka xamula ni wammweyo, ni wombawombile, aniko kha va engisa, kambe va mahile to biha masoni kwangu, se ve sawula ti ani ti nga si ni tsakisi.

2 Vafumeli 17:2

Se a to maha wubihi masoni ka Mkoma; hambi keto kha nga vale va nga khata ve fumela Israyeli, na asi se fuma ene.

2 Vafumeli 21:21

Nguko a to tsimbila ngu totshe tinzila ti a nga tsimbila ngu tona tate wakwe; e thumela sithombe sile a nga ti si thumete tate wakwe, ni kunama masoni ka sona.

Ezekhiyele 11:12

Se mi na tiziva taku ngani Mkoma, nguko kha ma tsimbila ngu sileleto sangu, kambe kha ma londeta kulamula kwangu; mi to londeta malamulelo a matiko ale ma nga mi randela.

Ezekhiyele 22:3

U txi khawe: Mkoma Txizimu a khene: Dikhombo ka didhoropa di di theketako mnoha hagari ka dona, kasi ku yi na hoke mbimo ya kona! Di ti mahelako sithombe sa kutinyenyezisa!