2 Vafumeli 2:7 - Bhiblia Yo Sawuleka

⁷ Se mtxhanu wa magumi a vavamna, i ku vanana va vaprofeti, va to ema ngu masoni: Se vona ngu wumbidi wawe va to ema Jordhani.

2 Vafumeli 2:7 Referans Kwoze

2 Vafumeli 2:17

Aniko va to mkhokhonisa eza e womba ku khene: Va rumeleni. Se va to rumela mtxhanu wa magumi a vavamna, va txi ya mlava masiku mararu, kha va gwitisa ku mmana.

1 Vafumeli 18:13

Ina va ngava va sa m'gela nyamne wangu ati ni nga maha, mbimo yile Jezabheli a nga dayela vaprofeti va Mkoma, akule ni nga sisa 100 wa vaprofeti va Mkoma, ngu mtxhanu wa magumi, ni mtxhanu wa magumi ka maphala okari, na ni txi va ninga mapawu ni mati kani?

1 Vafumeli 18:4

nguko ku mahekile tito, mbimo yile Jezabheli a nga ti dayela vaprofeti va Mkoma, Obhadhiya a to teka 100 wa vaprofeti, se e sisa mtxhanu wa magumi kheno, ni vamwani va mtxhanu wa magumi kheya, amu ka diphala, e va dyisa ngu mapawu ni mati).

2 Vafumeli 2:15

Mbimo yile va nga mu wona vanana va vaprofeti, na va di rendekelani ni Jeriko, va to kha vona: Moya wa Elija wu khandamile ka Elixa. Se va to mu hingeta ve ta mu khizamela.

2 Vafumeli 2:16

Sekoko va to kha vona kwakwe: Wa txi wona txithumi txako ni mtxhanu wa magumi a tindena; va leke ve tsula kuya teka mthangeli wako; ti nga nda maheto na a di gutwe ngu Moya wa Mkoma, wu txi ya mu tshotsha ka wumwewo wa mmango, mwendo ka mkova wokari. Sekoko ene a txi khene: Mi nga va rumeleni.

1 Samuwele 10:5

Sekoko u naya mmangoni ka Txizimu, ahale ku ku ni vawoneleli va Vafilista; se ku na maheka taku, mbimo yi u no wulela didhoropani, u na mana mtxawa wa vaprofeti va txi relela ngu ka wukhalo wo guleka va di ni timbila, ni tingoma, ni misengele, ni maharipa; se va na profeta.

1 Vafumeli 20:35

Sekoko mmweyo ka vavamna vale i ku vanana va vaprofeti, a to khene ka mkwawe madingano ni dipswi da Mkoma: Ni peke. Se wamwamna wule a to lamba ku mpeka.

2 Vafumeli 4:1

Se mmweyo hagari ka vasikati va vanana va vaprofeti, a to peka huwa ka Elixa a txi khene: Mwamna wangu, i ku txithumi txako, a fite. Kambe awe wa tiziva ti to txithumi txako, txi ti ti ni txithavo ka Mkoma, se awule a ngadi ni mnandu kwakwe a ti ta teka vanana vangu vavambidi, kuya va maha tikhumbi takwe.

2 Vafumeli 5:22

Se Gehazi a nje khene: I thenga; nyamne wangu a ni rumile ku ta kugela taku: Wona konakuwa va bwakile vafana vambidi, i ku vanana vavaprofeti, ngu mmangoni ka Efrayime; va ninge koko talenta yimweyo ya silivhela, ni syambalo simbidi.

2 Vafumeli 6:1

Se vanana vavaprofeti va to kha vona ka Elizewu: Wona ti taku wukhalo wu hi zumbako ka wona kumweko ni nawe mbudotho ngutu.

2 Vafumeli 9:1

Sekoko mprofeti Elixa a to dhana mmweyo ka vanana va vaprofeti e ta m'gela tiya: Sunga txiwunu txako, u teka ngoto yiya ya mafura ngu dianza dako, u tsula Ramoti-Gileyadhi.

Amosi 7:14

Amosi a xamula ka Amaziya a txi khene: Ani ni si nga mwanana wa m'profeti, mwendo mprofeti, kambe ni ti m'fuyi wa tihomu, ni mphayi wa mikuwu.