2 Vafumeli 2:6 - Bhiblia Yo Sawuleka

⁶ Se Elija a to khene ka Elixa: Sala kona hawa, Mkoma a ni rumile kuya Jordhani. Aniko ene a to khene: Ni xambanya ngu Mkoma a hanyako, ni moya wako wu hanyako, kha ni na mbi kusiya. Se ngu kumaha keto va to tsula votshe.

2 Vafumeli 2:6 Referans Kwoze

2 Vafumeli 2:2

Se Elija a to khene ka Elizewu: Sala kona hawa, Mkoma a ni rumile kuya Bheteli. Aniko Elixa a to khene: Ni xambanya ngu Mkoma a hanyako, ni moya wako wu hanyako a ti to kha ni na mbi kuleka. Se va to tsula kumweko Bheteli.

Joxuwa 3:15

Se mbimo yile avale va nga ti rwate dibhokiso va nga hoka mnamboni ka Jordhani, mikondo ya vaphaxeli vale va nga ti rwate dibhokiso yi to nakana likasani ka mati (nguko mnambo wa Jordhani wu ti ti thekelela sinambwanani ka wona, otshe masiku a kuelula),

Joxuwa 3:8

Awe koko, u na leleta ka vaphaxeli vava va rwalako dibhokiso da txitumelelano, u txi khawe: Ngako mi txi hoka likasani ka mati a Jordhani, mi na ya ema kona mnamboni ka Jordhani.

1 Samuwele 20:3

Sekoko Dhavhidha a to xambanya kambe, a txi khene: Tate wako wa tiziva kha kwati to ni mani dikato masoni kwako; ngu kumaha keto, a to khene: A nga yi zive Jonatani mhaka yi ya nguko yi nga mpanda; se kha ditshuri, ni xambanya ngu Mkoma wu a hanyako, ni muhefemulo wako wu hanyako, ku to sala dizambo dimwedo dwe ku ni hoka kufani.

Genesisi 22:6

Abrahamu a to teka tikhuni ta kuya hisa ngu tona mhamba, e rweka mwanana wakwe Isaake, na ene a di tekile mndilo ni txikhwa e ñola manzani, se ve tsula vona vokha vavambidi.

Genesisi 22:8

Abrahamu a to xamula, a txi khene: “Txizimu ngu txona txi no ti lulamisela txihambana txa kuya maha ngu txona mhamba ya kuhiswa, mwanangu.” Se va to tsula ngu wumbidi wawe.

Rute 1:16

Aniko Rute a to khene: U nga ni kurumete ti to ni kuleka, ni hambana ni nawe; nguko, ni hayi u no ya kona, nani ni na ya konaho, ni ha u no ya zumba kona wusiku wuwa, ni na ya zumba konaho; vathu vako, mbathu vangu, Txizimu txako, Njizimu txangu.

1 Samuwele 1:26

Se Ana a to khene: Ah! Awe nyamne wangu! Di na hanye dihika dako, nyamne wangu; ngani wamsikati wule a nga ta ema masoni kwako, ku ta kombela ka Mkoma.

2 Vafumeli 4:30

Sekoko mame wa mwanana a to khene: Ni xambanya ngu Mkoma a hanyako, ni moya wako wu hanyako, taku kha ni na mbi kuleka. Sekoko Elixa a to khukha e mlondisa.