2 Vafumeli 2:4 - Bhiblia Yo Sawuleka

⁴ Se Elija a to khene: Elixa, sala kona hawa, nguko Mkoma a ni rumile kuya Jeriko. Aniko ene a nje khene: Ni xambanya ngu Mkoma a hanyako ni moya wako wu hanyako a tito, kha ni na mbi kuleka. Se va to ta Jeriko.

2 Vafumeli 2:4 Referans Kwoze

2 Vafumeli 2:2

Se Elija a to khene ka Elizewu: Sala kona hawa, Mkoma a ni rumile kuya Bheteli. Aniko Elixa a to khene: Ni xambanya ngu Mkoma a hanyako, ni moya wako wu hanyako a ti to kha ni na mbi kuleka. Se va to tsula kumweko Bheteli.

Joxuwa 6:26

Se ka yona yile mbimo, Joxuwa a to xambanya, a txi khene: “A na ruketelwe masoni ka Mkoma, m'thu wu a no aketa didhoropa diya da Jeriko! A txi aka makhato a didhoropa, a na felwa ngu matiwula akwe, Mbimo yi ku no vekelwa matimba, a na felwa ngu mwanana wakwe wa tshole.”

Luka 19:1

Jesu a to wulela didhoropani ka Jeriko, se a txi di tshawunyeta.

2 Vafumeli 4:30

Sekoko mame wa mwanana a to khene: Ni xambanya ngu Mkoma a hanyako, ni moya wako wu hanyako, taku kha ni na mbi kuleka. Sekoko Elixa a to khukha e mlondisa.

1 Vafumeli 16:34

Hiyeli wa Bheteli, ka masiku akwe, a to aka Jeriko; a khatile kuaka mbimo yi a nga fa Abhiramu, matiwula akwe; se ati a txi vekela matimba a txi fa mwanana wakwe wo gwitisa, Segubhi; madingano ni dipswi da Mkoma, di nga wombwa ngu Joxuwa, mwana Nune.

Mithumo 11:23

Ngako a di hokile e wona kateko ya Txizimu, a to tsaka, e va laya votshe ti to ve tsanisela ka Mkoma ngu timbilu to khutala.

Mithumo 2:42

Vona va ti ti khutalela kugondiswa ngu Vapostoli, ni mitshangano ya wukholwa ni kubhandelana ka dipawu ni kumaha mikombelo.

1 Samuwele 1:26

Se Ana a to khene: Ah! Awe nyamne wangu! Di na hanye dihika dako, nyamne wangu; ngani wamsikati wule a nga ta ema masoni kwako, ku ta kombela ka Mkoma.

Joxuwa 6:1

Ngu toneto, matimba a Jeriko ma ti ti sekilwe me khotwa, ngu mhaka ya kuthava vanana va ka Israyeli; ni wammweyo a ti si humi hambi kuwulela.

Rute 1:16

Aniko Rute a to khene: U nga ni kurumete ti to ni kuleka, ni hambana ni nawe; nguko, ni hayi u no ya kona, nani ni na ya konaho, ni ha u no ya zumba kona wusiku wuwa, ni na ya zumba konaho; vathu vako, mbathu vangu, Txizimu txako, Njizimu txangu.