2 Vafumeli 2:2 - Bhiblia Yo Sawuleka

² Se Elija a to khene ka Elizewu: Sala kona hawa, Mkoma a ni rumile kuya Bheteli. Aniko Elixa a to khene: Ni xambanya ngu Mkoma a hanyako, ni moya wako wu hanyako a ti to kha ni na mbi kuleka. Se va to tsula kumweko Bheteli.

2 Vafumeli 2:2 Referans Kwoze

2 Vafumeli 2:6

Se Elija a to khene ka Elixa: Sala kona hawa, Mkoma a ni rumile kuya Jordhani. Aniko ene a to khene: Ni xambanya ngu Mkoma a hanyako, ni moya wako wu hanyako, kha ni na mbi kusiya. Se ngu kumaha keto va to tsula votshe.

2 Vafumeli 4:30

Sekoko mame wa mwanana a to khene: Ni xambanya ngu Mkoma a hanyako, ni moya wako wu hanyako, taku kha ni na mbi kuleka. Sekoko Elixa a to khukha e mlondisa.

2 Vafumeli 2:4

Se Elija a to khene: Elixa, sala kona hawa, nguko Mkoma a ni rumile kuya Jeriko. Aniko ene a nje khene: Ni xambanya ngu Mkoma a hanyako ni moya wako wu hanyako a tito, kha ni na mbi kuleka. Se va to ta Jeriko.

1 Samuwele 1:26

Se Ana a to khene: Ah! Awe nyamne wangu! Di na hanye dihika dako, nyamne wangu; ngani wamsikati wule a nga ta ema masoni kwako, ku ta kombela ka Mkoma.

Jeremiya 4:2

Se u na xambanya, u txi khawe: Mkoma a hanyako, ngu ditshuri, ka kulamula ni ka wululamo; matiko ma na ti katekisa ngu ngene, ni kutikulisa ngu ngene.”

1 Vafumeli 12:33

Se a to maha miningelo ka txiluvelo txi a nga txi aka Bheteli, ngu ditshiku da digumi ni mtxhanu, ka mtxima wa wutxhanu ni yiraru, ka dilembe dile a nga ti di pimisile mbiluni kwakwe, se a to mahela m'buso vanana va ka Israyeli, ni miningelo txiluveloni, a txi hisa dibaselo.

1 Samuwele 25:26

Konkuwa koko, nyamne wangu, ni xambanya ngu Mkoma a hanyako, ni muhefemulo wako, Mkoma a kuvhalete kutheketa mnoha ni ku ti photela ngu dianza dako; kambe konkuwa, valala vako ni vale va lavako wubihi wo wukela nyamne wangu, va na fane ni Nabhali,

Genesisi 28:19

Se wukhalo wuwa a wu rayile ditina daku i Bheteli; kambe ditina da didhoropa dile, kale di ti dhanwa ku i Luzi.

1 Johani 2:19

Vona va humete hagari kwathu, aniko i ti si nga va ka kwathu. Idiku i ti va ka kwathu, nga va di zumbile ni nathu; aniko va humile, kasi ku ti txi woneka ti to hi nga votshe i nga ti va ka kwathu.

1 Vafumeli 12:29

Se a vekile txizimu tximwetxo kona Bheteli, e veka tximwani kona Dhani.

1 Samuwele 17:55

Se mbimo yile Sawule a nga wona Dhavhidha a txi tsula kuya tshangana ni Mufilista, a to khene ka Abhineri, mthangeli wa dibutho da yimbi: Abhineri, mwanana wa mani mfana wuwa kani? Se Abhineri a to khene: Wu na hanye muhefemulo wako, awe mfumeli, kha ni m'zivi.

1 Vafumeli 12:28

Ngu konaho, mfumeli a to wumba marole mambidi a nzalama, e va gela ku khene: Mthumo wanu wawungi i nave wo kwelela Jerusalema; wa siwona sizimu sako awe Israyeli, si nga kuhumisa Egipta.

2 Vafumeli 2:23

Sekoko a to khukha ngu konaho e wulela Bheteli. Mbimo yile a nga txi kwelela ngu nzila, ku to humelela vafana vokari vavadotho ngu didhoropani, va txi mpoyilela va txi kha vona: Kwelela nyalipalawe, kwelela nyalipalawe!