2 Vafumeli 2:12 - Bhiblia Yo Sawuleka

¹² Mbimo yile Elixa a nga muwona, a to kwangula a txi khene: Nzikotxikani sa mndilo ni vagadhi va mahantxhi! Se khaswa a di mwoni kambe. A to juwela ka syambalo sa kona, a txi si bhanda ngu madhawa mambidi.

2 Vafumeli 2:12 Referans Kwoze

2 Vafumeli 13:14

Se Elixa a lwate ngu wu lwati wule a nga za a txi fa ngu wona; se Jehowasi mfumeli wa Israyeli a to tsula eya mxola, a to dila khoheni kwakwe, a txi khene: Tata wangu, tata wangu, sikotxikani sa Israyeli ni vagadhi va mahantxhi a kona.

Mtuletelo 11:12

Konako va to engisa dipswi da mtamo di nga txi va gela, di txi kha dona: “Kwelani kheno.” Se va to kwela veya nzumani, va di mndani ka direfu, va txi wonwa ngu valala vawe.

Vaefesu 4:8

nguko Mibhalo yi womba tiya: “Ditshiku di a nga txhatukela txitimwi, a tekile va va nga ti sungilwe e tsula navo, se e avela sihiwa ka vathu.”

2 Vakorinto 5:4

Nguko hi di ngadi mdhuteni muwa, i ku mmidi wathu, ha vilela ngu kunemelwa, na i si nga ti to ho lava kuhuma ka mmidi wathu wa ha mafuni: Aniko hi lava ti to hi txi ambekwa mmidi wathu wa nzumani, kasiku asi si fako si na mitwa ngu kuhanya:

2 Vakorinto 5:2

Ngu toneto, ha vilela hi txi navela kuwulela ka nyumba yathu ya niya nzumani,

Mithumo 8:2

Se vavamna vokari va vakhongeli va to kelela Sitefani, ve maha madila a hombe a kusaluka ene.

Mithumo 1:9

A di wombile timhaka tiya, a to guleka na va txi mu wona, se direfu di mu tsivela, va si swi va txi mu wona.

Johani 3:13

Kha ku na m'thu wu a nga kwela nzumani, hahanze ka wule a nga txhika ngu nzumani, i ku Mwanana wa M'thu.

Luka 24:51

Mbimo yi a nga txi va katekisa, a to va siya, a txi guleka a txi ya txitimwi.

Luka 2:15

Txikhati txi tingelozi ti nga siya vadyisi, ti txi konama nzumani, vadyisi va to gelana va txi kha vona: “He tsimbileni Bhetlehema, hi txi ya wona ati ti nga maheka, ati Mkoma a nga hi zivisa tona.”

Marku 16:19

Sekoko, Mkoma Jesu, msana ka kuva a di wombawombile navo, a to gulwa a txi ya nzumani, a txi ya khalahatsha txineneni ka Txizimu.

Isaya 37:21

Sekoko Isaya, mwana Amosi, a to rumela kuya womba ka mfumeli Ezekhiya, a txi khene: Mkoma, Txizimu txa ka Israyeli, a khene: Ka tile u nga ni kombela ngu mhaka ya Senakeribhe, mfumeli wa Asiriya,

Isaya 37:15

Se Ezekhiya a to khongela ka Mkoma, a txi khene:

Mavingu 30:4

I mani a nga nga kwela nzumani, e gwita e txhika kani? I mani a nga nga fumbareta moya ngu manza kani? I mani a nga nga phutela mati amu ka simaha kani? I mani a nga nga veka mihingano ya mafu kani? I mani ditina dakwe, ni ditina da mwanana wakwe, mwendo wa di ziva kani?

Mithumo 27:24

yi txi kha yona: ‘U nga thave, Paulo! U fanete kuhoka masoni ka Khezari; wona, Txizimu txi vekile manzani kwako wutomi wa votshe va u endako navo mu txitimelani.’

Isaya 37:4

Ina Mkoma, Txizimu txako, a ngava a di ma pfite mapswi a Rabhisake, wule a nga rumwa ngu nyamne wakwe, i ku mfumeli wa Asiriya, ku ta sola Txizimu txa kuhanya, ni ku ta txhipisa ngu mapswi awa Mkoma, Txizimu txako, a nga ma engisa; khongelela sotshe sile si nga sala.”

Ekleziyaste 7:19

Wutxhari wa tsanisa txhari, kupinda digumi da vathangeli va manekako didhoropani kumweko.

Mavingu 11:11

Ngu kukatekiswa ngu vo lulama, da tsaka didhoropa, aniko da haxulwa ngu txisofu txa vaonhi.

Jobe 22:30

Se txi na hulukisa ni wule i singako wo pwata mnandu; ina ene a na txhatxhiswa ngu kusawuleka ka manza ako.

Genesisi 37:34

Sekoko Jakobe a to vharula syambalo sakwe, e phamba disaka txiwununi kwakwe, a txi maha mkhwasi, ni masaluko o dila mwanana wakwe, ngu mbimo ya kulapha.

2 Vafumeli 2:13

Se a to rola dijasi da Elija di nga ti wite, e tshumela eya ema likasani ka Jordhani.

2 Vafumeli 5:13

Sekoko ku to tshuketa sithumi sakwe si txi ta kha sona: Tata wangu, ngako mprofeti a ti kugete to kari ta hombe ina nga u sa ti maha kani? Ngutu-ngutu ku khene: Samba, u na kalamuka.

2 Vafumeli 6:21

Se mbimo yile a nga va wona mfumeli wa ka Israyeli, a to khene ka Elizewu: Ni va dayela, ni va dayela, kani tata?

Genesisi 5:24

Se Enoki a tsimbite kumweko ni Txizimu; se kha wonwa kambe aniko, Txizimu txi ti tekete ene.

Valamuli 17:10

Sekoko Mika a to m'gela ku khene: “Zumba ni nani, u maha tate wangu ni mphaxeli wangu; se dilembe ni dilembe ni na kuninga male ya digumi da tisilivhela, ni so ambala, ni sakudya.” Se Mlevhi a to wulela.