2 Vafumeli 19:1 - Bhiblia Yo Sawuleka

¹ Se mbimo yile Ezekhiya a nga ti mu engisete, a to vharulela syambalo sakwe, e ti fenengeta ngu disaka, se e wulela Nyumbani ka Mkoma.

2 Vafumeli 19:1 Referans Kwoze

2 Vafumeli 18:37

Sekoko, Eliyakimu mwana Hilikiya, mthangeli wa nyumba ya wukoma, ni mabhalani wa kona Sebhina, ni Jowa, mwana Asafe, didhota da kona, va to ta ka Ezekhiya ni syambalo so vharukela, ve ta m'geletela mapswi a Rabhisake.

1 Vafumeli 21:27

Mbimo yile koko, Akabe a nga pfa mapswi awa, a to vharula syambalo sakwe, a txi fenengeta mmidi wakwe ngu disaka, a txi ti tona; se a ti otela ha masakani, a txi tsimbila-tsimbila, ni dikhodho.

Genesisi 37:34

Sekoko Jakobe a to vharula syambalo sakwe, e phamba disaka txiwununi kwakwe, a txi maha mkhwasi, ni masaluko o dila mwanana wakwe, ngu mbimo ya kulapha.

Matewu 11:21

“Dikhombo dako, Korazini! Dikhombo dako, Bhetsayidha! Nguko sidiwukiso si si nga mahwa kwanu, idiku si ti mahilwe madhoropani ka Tiro ni Sidhoni, nga va di kombile kale kuhunduluka kwawe, ngu kuambala masaka ni kutola dikhuma.

Jona 3:8

Aniko vathu ni sihari si nave si di fenengetilwe ngu masaka, se si dila ngutu ka Txizimu, si txi hunduluka, tximwetxo ni tximwetxo ka nzila ya txona yo biha, ni kulwa kule ku kuho manzani ka sona.

Jeremiya 36:24

Mfumeli ni sithumi sakwe ngako va ti pfite timhaka tiya, kha va thava, kambe kha va bhandelela simaha sawe,

Masalmo 35:13

Kambe, mbimo yi vona va nga txi lwala, ani ni ti ambala disaka ni txi va xanisekela ngu kutitona sakudya ni ku va kombelela.

Ezra 9:3

Se mbimo yile ni nga tipfa toneto, ni to vharulela syambalo sangu, ni xurula misisi ha msungo kwangu, ni maletu angu, ni khalahatsha ni so goo.

2 Vafumeli 6:30

Se mbimo yile mfumeli a nga pfa mapswi awu wamsikati, a to vharula syambalo sakwe, e londisela diguma, se vathu va ti woni ku a ti ti ni syambalo so dhimba ngu mndani, ha nyamani kwakwe.

2 Vafumeli 5:7

Se mbimo yile a nga gonda dipapilo mfumeli wa ka Israyeli, a to vharula syambalo sakwe, a txi khene: Ina no va Txizimu ani, txo daya ni kuhanyisa, kuza e ni rumela wamwamna wuwa, kuva ni m'hanyisa ka xokonho kani? Sekoko ti woneni, na mi kombela, a lava wurindi wa ku ni lwisa.

1 Vafumeli 21:29

Khwa ti wona taku Akabe wa ti namisa masoni kwangu kani? Ngako koko a ti namisako masoni kwangu, kha ni na mbi tisa kubiha kuwa ka masiku a kuhanya kwakwe, aniko ni na tisa wubihi wuwa ka masiku a kuhanya ka mwanana wakwe, nyumbani kwakwe.

1 Samuwele 4:12

Sekoko wamwamna wa ka Bhenjamini, a to ta ngu yimbini a txi tutuma, e ta hoka Silo ngu ditshiku donedo, a di ni syambalo so vharukela, ni mafu ha msungo kwakwe.

Matewu 26:65

Sekoko mphaxeli wa hombe a to vharula syambalo sakwe, a txi khene: “A rukile Txizimu! Hi ngadi hi txi lava wufakazi wa txani kani? Mi mu engisile konkuwa, a txi ruka Txizimu.”

Mtuletelo 11:3

Aniko ni na ninga mtamo ka tifakazi tangu ta timbidi kasiku ti txi profeta, ti di ambate masaka, mndani ka 1.260 wa masiku.”

Isaya 37:37

Konako, Senakeribhe, mfumeli wa Asiriya, a to khukha, e ti tsulela, se e tshumela, eya zumba Ninivha.

Jona 3:5

Se vathu va Ninivha va to kholwa ka Txizimu, se ve nuwela mhaka ya kutitona. Se va to ambala masaka, kukhukhela ka wa hombe kala ka wam'dotho.