2 Vafumeli 16:3 - Bhiblia Yo Sawuleka

³ Nguko a tsimbite ngu nzila ya vafumeli va ka Israyeli, hambi mwanana wakwe a mmahile mningelo wo hiswa, ngu wubihi wa vawuyi vale Mkoma a nga ti ti va tshotshile kule ni vanana va ka Israyeli.

2 Vafumeli 16:3 Referans Kwoze

Dhewuteronome 12:31

U nga ti mahe eto masoni ka Mkoma, Txizimu txako! Nguko totshe ti Mkoma a ti nyenyako, totshe ti ene asi ti laviko, vona va ti mahile ka sizimu sawe, aha koza va txi hisa vanana vawe vavafana ni vamahorana, va txi dhumisa sizimu sawe.

Levhi 18:21

U nga ningele ni mmweyo wa vanana vako, va txi mahwa mphaxo ka Moloke; nguko ngu nyenyezisa ditina da Txizimu txako! Ani ngani Mkoma!

2 Vafumeli 21:2

Se a to maha wubihi masoni ka Mkoma, kufana ni manyala a vamatiko, avale Mkoma a nga ti va tutumisile ka makhalo awe, masoni ka vanana va ka Israyeli.

2 Vafumeli 21:11

Ngako Manasi, mfumeli wa ka Judha, a nga maha manyala yawa, kupinda hambi tile va nga mahisa tona Vaamori, avava va nga khata ve hoka hambi kona Judha a va onhisile ngu sithombe sakwe,

2 Vafumeli 17:17

Kambe va to phindisa ngu ha ka mndilo vanana vawe vavafana ni vamahorana, ve ti ningetetela amu ko xaxuva, ni kudhunda wuñanga, va txi ti xavisa, ngu kumaha tile i ku to biha masoni ka Mkoma, kasi ku mu wusela txiviti.

Ezekhiyele 20:31

Se mbimo yi mi ningelako miningelo yanu, kambe mi pindisa vanana vanu ngu ha mndiloni, ina hi nga ku mi nga ti nyenyezisa ngu sithombe sanu kala ka ditshiku diya kani? Se mi ndi na ni wotisa ta txani, anu va nyumba ya ka Israyeli kani? Na hanya ani, kuwomba Mkoma Txizimu, taku anu kha mi na mbi ni wotisa txilo.

Ezekhiyele 20:26

se ni va nyenyezisile ngu siningo sawe vapune, sa kupindisa ngu ha mndiloni otshe matiwula; kasi ku va xasela, kasi kuva txi tiziva ti to ani ngani Mkoma.

Ezekhiyele 16:47

Hambi keto khwa tsimbila ka tinzila tawe, kambe khwa londisela manyala awe; aniko eto ndidotho, u ti nyetisete ngutu kupinda vona, ka totshe tinzila tako.

Ezekhiyele 16:21

U date vanana vangu u txi va ningela ka sithombe, kasi kuva txi pinda ngu ha mndiloni.

Jeremiya 32:35

Bhahali va mu akete makhalo o guleka, mkovani ka mwana Hinomi, ve hisela Moloke vanana vawe, va txiwamna ni va txisikati; eto ni nga mba va ruma tona, hambi kumaneka mapimoni kwangu ti taku, va maha manyala awe, ve maha ti to Judha a txi onha.

Masalmo 106:35

se aniko va to ti patanisa kumweko navo, ve tekelela mtumbuluko wa mahanyelo awe;

2 Makronika 33:6

A zile e hisa vanana vakwe ha mndiloni, mkovani ka Mwana Hinomi, i ti ti wa txiñangañanga, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku mu wusela kuhenya.

2 Makronika 33:2

A to maha wubihi masoni ka Mkoma, kufana ni manyala a vathu va mamwani matiko, va Mkoma a nga ti vatutumisile masoni ka vanana va ka Israyeli.

2 Makronika 22:3

Nene a to londeta tinzila ta va ka Akabhi, nguko mame wakwe i ti ti disungukati dakwe.

2 Vafumeli 23:10

Niku a nyamisile Tofeti, ku manekako mreleloni ka vanana va Hinomi, ati taku ni wammweyo wawe asi pindisi mwanana wakwe wa mfana mwendo wa dihorana ngu ha mndiloni ka Moloke.

2 Vafumeli 21:6

A zile e hisa mwanana wakwe ha mndiloni, i ti ti wa txiñangañanga, a txi xaxuva ngu marefu, a ti ti vekile vahuteteli ni valoyi, eya masoni ngu kumaha ta walo masoni ka Mkoma, kasi ku muwusela kuhenya.

2 Vafumeli 8:18

Se a to tsimbila ngu tinzila ta vafumeli va ka Israyeli, nga tile va nga mahisa tona va nyumba ya ka Akabe, nguko msikati wakwe i ti ti mwanana wa Akabe wa dihorana, a to maha wubihi masoni ka Mkoma.

1 Vafumeli 14:24

Kambe ku di ni vafana vo onhetela ha mafuni; va to hanya ngu nzila ya wubihi wa matiko ale Mkoma a nga ti ma tutumisile masoni ka vanana va ka Israyeli.

Dhewuteronome 18:10

Ku nga maneke hagari kwanu ni wammweyo wo hisa mwanana wakwe wa mfana mwendo wa dihorana ha mndiloni; hambi wa kuthumisa wuñanga, ni kuxaxuva, ni kuhuta, mwendo matiloti,

Levhi 20:2

Kambe u na khawe ka vanana va ka Israyeli : Ni wuhi ka vanana va ka Israyeli, mwendo mluveli wule a nga aka amu ditikoni ka va ka Israyeli, a no ningela mwanana wakwe, e maha mhamba ka Moloke, a na dawa; vathu va mu ditikoni va na m'balisela ngu marigwi.

2 Vafumeli 17:8

Se va to tsimbila ngu sileleto sa mifumo yile, Mkoma a nga yi thavisa kule ka vanana va ka Israyeli, ya sihena sa vafumeli va ka Israyeli.

2 Vafumeli 17:19

Hambi Judha kha vekisa milayo ya Mkoma, Txizimu txakwe; aniko a to tsimbila ngu sileleto sile si nga mahwa ngu Israyeli.

Mika 6:7

Ina Mkoma a na tsaka ngu magumi a mazana a tinvuta kani? Ngu 10.000 ya siya so tala ngu mafura kani? Ni na ningela matiwula angu ngu mhaka ya wuhambunyeti wangu kani? M'hando wa mndani kwangu, ngu mhaka ya txionho txa dihika dangu kani?

2 Vafumeli 17:16

Se va to leka yotshe milayo ya Mkoma, Txizimu txawe, ve maha sithombe so tshulwa sa marole mambidi; kambe va to maha txithungulu txo vatwa, ni ku khizamela dotshe dibutho da nzumani, ve thumela Bhahali.

2 Vafumeli 21:9

Aniko kha va engisa; nguko Manasi ngene a nga va hohetisa, ve maha kubiha kupinda mifumo yile Mkoma a nga ti yi hangalasile masoni ka Vaisrayeli.

Isaya 57:5

mi ti futumetako ngu sithombe hahatshi ka yotshe mindonga yo nakana, mi phaxa ngu vanana sinambwanani, ni tiphakoni ka marigwi, kani?