2 Vafumeli 14:3 - Bhiblia Yo Sawuleka

³ Amaziya a mahile to lulama masoni ka Mkoma, hambiko a nga mbi fana ni tate wakwe Dhavhidha; a to maha nga tile a nga mahisa tona tate wakwe Jowasi.

2 Vafumeli 14:3 Referans Kwoze

1 Pedro 1:18

Ma tiziva ti to mi tirutwe ka mahanyelo o mbi vhuna txilo, aawa mi nga ma mana ka vatate vanu; mi tirutwe na i si nga ngu simaha si si sinako, kufana ni silivhela mwendo nzalama;

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

2 Makronika 24:17

Sekoko msana ka kufa ka mphaxeli Joyadha, vathangeli va ka Judha va to ta ti veka hahatshi masoni ka mfumeli, ene a to va engisa ngu kutsaka.

2 Makronika 24:2

Se Jowasi a to maha kululama masoni ka Mkoma, otshe masiku a mphaxeli Joyadha.

2 Vafumeli 12:2

Jowasi a to maha to lulama masoni ka Mkoma, ka otshe masiku ale mphaxeli Joyadha i nga ti didhota dakwe.

1 Vafumeli 15:3

Se a to tsimbila ngu sionho sile, tate wakwe a nga ti si mahile kukhatani; kambe mbilu yakwe yi sa basa masoni ka Mkoma, Txizimu txakwe, ku nga mbilu ya tate wakwe Dhavhidha.

1 Vafumeli 11:4

Nguko ku mahekile ti to a di kumbile Solomoni, vasikati vakwe va m'dyite mbilu kasiku e londisa simwani sizimu; se mbilu yakwe yi sa hetiseka ka Mkoma, Txizimu txakwe, ku nga tate wakwe Dhavhidha,

2 Vafumeli 14:2

A khatile kufuma a di ni magumi mambidi a malembe ni mtxhanu, se a to fuma magumi mambidi a malembe ni mtxhanu ni mune kona Jerusalema. Ditina da mwamwakwe i ti ti Jehowadha wa Jerusalema.

2 Vafumeli 14:4

Aniko siluvelo kha sa khundumuswa, nguko vathu va txi ngadi ve phaxela kona, ni kuhisa dibaselo.

1 Vafumeli 3:3

Solomoni a ti ti randa Mkoma, e tsimbila ngu sileleto sa tate wakwe Dhavhidha; hahanze keto a ti ti hisa dibaselo ka makhalo o guleka.

1 Vafumeli 15:11

Se Asa, a to maha tile i nga ti ta tinene masoni ka Mkoma, ku nga tate wakwe Dhavhidha,

2 Vafumeli 18:3

A to maha to lulama masoni ka Mkoma, nga tile a nga mahisa tona tate wakwe Dhavhidha.

2 Vafumeli 22:2

Se a to maha ta tinene masoni ka Mkoma; kambe a to tsimbila ngu totshe tinzila ta tate wakwe Dhavhidha, kha ngaza e khukha ka tona, eya txinene mwendo txibhabha.