2 Vafumeli 13:6 - Bhiblia Yo Sawuleka

⁶ (Hambi keto, kha va hambuka ka sionho sa nyumba ya ka Jerobhowamu, yi yi nga onhisa Israyeli; nguko va to tsimbila ka sona; ni sona sithombe si to simama si di emile Samariya.)

2 Vafumeli 13:6 Referans Kwoze

1 Vafumeli 16:33

Kambe Akabe a to vata sithombe, a mahisileto ngu kulava kuhenyisa Mkoma, Txizimu txa Israyeli, kupinda votshe vafumeli va Israyeli vo khata.

2 Vafumeli 13:2

A to maha a ti i singako ta tinene masoni ka Mkoma, nguko a londisile sionho sa Jerobhowamu, mwana Nabhote, a nga onhisa Israyeli, kha hambana ale.

2 Vafumeli 23:4

Se mfumeli a to rumela ka mphaxeli wa hombe Hilikiya, ni ka vaphaxeli va txiemo txa wumbidi, ni vawoneleli va misasimo ya ditimba, taku kuthaviswa sotshe siya Dithepeleni ka Mkoma, asile va nga ti si mahete Bhahali, ni sotshe so vatwa, ni dotshe dibutho da nzumani; e si hisa hahanze ka Jerusalemam, tithembweni ka Kedroni, se e tsula ni makhuma a kona Bheteli.

2 Vafumeli 18:4

A to khundumusela siluvelo sa wukhongeli wa txihedheni, a to fayetela sithombe, e wisetela tiphande, e wilela mnyoka wa txikete wu nga ti mahilwe ngu Mosi, nguko kala ka ditshiku dileya vanana va ka Israyeli va txi ngadi ve wuhisela dibaselo ni ku wu dhana ku kha vona i Newustani.

2 Vafumeli 17:16

Se va to leka yotshe milayo ya Mkoma, Txizimu txawe, ve maha sithombe so tshulwa sa marole mambidi; kambe va to maha txithungulu txo vatwa, ni ku khizamela dotshe dibutho da nzumani, ve thumela Bhahali.

2 Vafumeli 10:29

Kambe Jehu kha huluka kuonha nga tile a nga maha Jerobhowamu, mwana Nabhote, a nga za e onhisa Israyeli, ngu marole a silivhela, ma nga txi maneka Bheteli ni Dhani.

1 Vafumeli 16:26

A to tsimbila ngu totshe tinzila ta Jerobhowamu, mwana Nebhate, hambi ka sionho sile a nga ti mahile ti to e onhisa ngu sona Israyeli, e henyisa Mkoma, Txizimu txa Israyeli, ngu wukanganyisi wakwe.

1 Vafumeli 15:3

Se a to tsimbila ngu sionho sile, tate wakwe a nga ti si mahile kukhatani; kambe mbilu yakwe yi sa basa masoni ka Mkoma, Txizimu txakwe, ku nga mbilu ya tate wakwe Dhavhidha.

Dhewuteronome 7:5

Ngu tiya mi fanelako ku va mahela, kukhundumusa siluvelo sawe, mi txi fayetela marigwi awe a wukhongeli, mi wilela tiphande tawe, ni kuhisa sithombe sa Aseri.

1 Vafumeli 14:16

A na ningela Israyeli ngu mhaka ya sionho sa Jerobhowamu, a nga onha e onhisa ni Israyeli.

2 Vafumeli 13:11

Se a to maha kubiha masoni ka Mkoma; kha nga hambuka ka txionho ni txa tximwetxo txa Jerobhowamu, mwana Nebhate, a nga onhisa Israyeli, a to tsimbila ka sona.

2 Vafumeli 21:3

Nguko a to tshumela e aka siluvelo sile si nga ti khundumusetwe ngu tate wakwe Ezekhiya, a to akela siluvelo Bhahali, e maha txithombe txo nga txile txi nga ti mahilwe ngu Akabe, mfumeli wa ka Israyeli, e nama masoni ka otshe mabutho a nzumani, e ma thumela.

Isaya 26:10

Hambi ku txi divalelwa m'bihi, kha ti mmahi e gonda wululamo, hambi ditikoni ka wululamo, ene a maha kubiha, kambe kha nga ni mhaka ni wuhombe wa Mkoma.