2 Vafumeli 13:3 - Bhiblia Yo Sawuleka

³ Ngu kumaha keto, kuhenya ka Mkoma ku to tura ka Israyeli, e va ningela manzani ka Hazayeli, mfumeli wa Siriya, ni manzani ka Bheni-Hadhadhe mwana Hazayeli, ka otshe masiku wawe.

2 Vafumeli 13:3 Referans Kwoze

1 Vafumeli 19:17

Se ku na maheka ti to awule a no huluka ka ditxhari da Hazayeli, a na dawa ngu Jehu, se awule a no huluka ka ditxhari da Jehu, a na dawa ngu Elixa.

Valamuli 2:14

Ngu kumaha keto, kuhenya ka Mkoma ku to wukela va ka Israyeli, se e va ningela manzani ka makhamba, ma txi va pela; kambe a to va ningela manzani ka valala vawe vale va nga ti ti va ranganyetile; se kha va nga sikota kukhukha va txi ema kambe masoni ka valala vawe.

2 Vafumeli 12:17

Sekoko Hazayeli mfumeli wa Siriya, a to kwela e ya lwa, e honyola ditiko da Gate; ngu msana a to khata kulwisa Jerusalema.

Vahebheru 12:29

Nguko, Txizimu txathu, i mndilo wu wu hisako.

2 Vafumeli 13:22

Se Hazayeli mfumeli wa Siriya a to khinyaveza Israyeli ka otshe masiku a Jehowakazi.

Valamuli 3:8

Sekoko kuhenya ka Mkoma ku to wukela Israyeli, aniko ene a to va xavisa ngu dianza da Kuzani-Rezatayimi, mfumeli wa Mesopotamiya; se vanana va ka Israyeli va to thumela Kuzani-Rezatayimi, mndani ka mtxhanu wa malembe ni mararu.

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Jeremiya 49:27

Ni na dhivela mndilo digumani ka Dhamasku, awu wu no hisa tinyumba ta hombe ta Bhenadhadhi.

Amosi 4:10

Ni rumete mtungu kutalwa ni nanu, ku nga va Egipta: Majaha anu ni ma date ngu ditxhari, mahantxhi anu ni malekile me tekwa, kununga ka mabutho anu, ni ku kwetile tithonvuni kwanu; aniko kha ma hundulukela kwangu, kuwombile Mkoma.

2 Vafumeli 17:20

Ngu kumaha keto, Mkoma a to nyenya yotshe mbewu ya ka Israyeli, e va tsindaveta, ni ku va ningela manzani ka vakhozisi, kala kuza e va thavisa masoni kwakwe.