2 Vafumeli 13:11 - Bhiblia Yo Sawuleka

¹¹ Se a to maha kubiha masoni ka Mkoma; kha nga hambuka ka txionho ni txa tximwetxo txa Jerobhowamu, mwana Nebhate, a nga onhisa Israyeli, a to tsimbila ka sona.

2 Vafumeli 13:11 Referans Kwoze

2 Vafumeli 13:2

A to maha a ti i singako ta tinene masoni ka Mkoma, nguko a londisile sionho sa Jerobhowamu, mwana Nabhote, a nga onhisa Israyeli, kha hambana ale.

2 Vafumeli 13:6

(Hambi keto, kha va hambuka ka sionho sa nyumba ya ka Jerobhowamu, yi yi nga onhisa Israyeli; nguko va to tsimbila ka sona; ni sona sithombe si to simama si di emile Samariya.)

2 Vafumeli 10:29

Kambe Jehu kha huluka kuonha nga tile a nga maha Jerobhowamu, mwana Nabhote, a nga za e onhisa Israyeli, ngu marole a silivhela, ma nga txi maneka Bheteli ni Dhani.

2 Vafumeli 3:3

Hambi ka toneto a to wulela sionhoni ka Jerobhowamu, mwana Nebhate, wule a ngadi onhisile Vaisrayeli: Kha nga dhawukana naso.

2 Vafumeli 13:10

Ka dilembe da magumi mararu ni mtxhanu wa malembe ni mambidi a Jowasi, mfumeli wa ka Judha, Jehowasi, mwana Jehowakazi, a to khata kufuma txitimwi ka Israyeli, kona Samariya, se a to fuma digumi da malembe ni mtxhanu ni dimwedo.

2 Vafumeli 13:12

Kasi ngu kutala ka mithumo ya Jehowasi, ni ka totshe ti a nga maha, ni mtamo wakwe, a nga lwa ngu wona ni Amaziya mfumeli wa ka Judha, ti ngava ti sa bhalwa ka Dibhuku da Matimu a Vafumeli va Israyeli kani?