2 Vafumeli 12:4 - Bhiblia Yo Sawuleka

⁴ Se Jowasi a to gela vaphaxeli ku khene: Male yotshe ya sile so sawuleka si tiswako Nyumbani ka Mkoma, kufana ni male ya sixambanyo, ni male ya m'thu ni m'thu madingano ni mtengo wa siya, ni yotshe male yi tiswako ngu mmweyo ni mmweyo ngu kutilava kwakwe, Nyumbani ka Mkoma,

2 Vafumeli 12:4 Referans Kwoze

2 Vafumeli 22:4

Kwelela uya ka mphaxeli wa hombe, Hilikiya, uya m'gela ku a na teke male yile yi nga tiswa Nyumbani ka Mkoma, ayiya vawoneleti va mtshunzuti wa ditimba va nga amukela ngu ka vathu.

Eksodha 35:5

Thavisani txokari aha ka tithomba tanu, kasi kumaha mningelo ka Mkoma! M'thu wule a ti lavako ngu mbilu yakwe, a fanete kumaha mningelo ka Mkoma ngu nzalama, ni silivhela, ni koporo;

Eksodha 35:29

Votshe vanana va ka Israyeli, vavamna ni vavasikati, avale va nga ti ni kunavela kumaha mningelo wuhi ni wuhi kasi kukulisa mthumo awu Mkoma a nga ruma Mosi kasiku e wu maha, m'thu ni m'thu a to heleketa ngu kuranda ka mbilu mningelo ka Mkoma.

Eksodha 35:22

Vavamna ni vavasikati, votshe avale va nga txi ti lava ngu mbilu, va to kombisa, va txi heleketa masinda, singeda, tiphera, tiketani sotshe simaha sa nzalama; mmwani ni mmwani a to maha mningelo wa nzalama, awule a nga wu longisela kuva wa Mkoma.

Luka 21:4

Nguko votshe va va nga humisa msengo wa Txizimu, va tekile kutalelwani kwawe; kambe awuwa, atxi a nga txi ningela, a txi tekile wusiwanani kwakwe, i di sotshe si a nga ti khene a na hanya ngu sona.”

Ezra 7:16

Kumweko ni silivhela ni nzalama mi nga yi manako ka dotshe ditiko da Bhabhilona, ni sile vathu ni vaphaxeli va nga ningako, ngu kuranda kwawe, Nyumbani ka Txizimu txawe, txi txi zumbako Jerusalema.

Ezra 2:69

Madingano ni mitamo yawe, va to ningela so aka ngu sona, sa nzalama 61.000 wa tidhariko, se ngu silivela 5.000 wa tiharati, ni 100 wa syambalo sa wuphaxeli.

Ezra 1:6

Se votshe vale va zumbako madhawani kwawe va to va vhuna ngu siya sa silivhela ni sa nzalama, ni siya, sifuyo, ni simwani so tshura, ni sotshe sile si nga ningwa ngu lidhundo.

2 Makronika 35:2

Josiya a to veka vaphaxeli ka mithumo yawe a txi va tsanisa ka mthumo wa Nyumbani ka Mkoma.

2 Makronika 31:12

Va to wuletisela ka sona miningelo ni sa wugumi ni silo so sawuleka; totshe ti txi thangelwa ngu Konaniya, Mulevhi, ni Simeyi mnanda wakwe.

2 Makronika 15:18

Se a to neha siya sotshe si si nga ti ningetwe ngu tate wakwe, ni si ene a nga si ningela nyumbani ka Txizimu: Silivhela ni nzalama.

1 Makronika 29:17

Awe Txizimu txangu, ani na tiziva kha kwati tito, awe wa xola timbilu, niku u tsakiswa ngu wunene; ani nani ni ningete sotshe simaha siya ngu kutsaka ni kuranda ka mbilu yangu; se konkuwa ni woni ngu kutsaka taku vathu vako, va manekako hawa, va ningela ngu kuranda kwakwe.

2 Vafumeli 12:18

Sekoko Jowasi mfumeli wa ka Judha, a to honyola sotshe siya so sawuleka, asile Josafati, ni Jehoramu, ni Akaziya, i ku vatate vakwe, kambe mba fumeli va ka Judha, va nga ti si sawulekisile, ni yotshe nzalama yi nga maneka ka tithomba ta Nyumba ya Mkoma, ni ka nyumba ya mfumeli, e si rumela ka Hazayeli, mfumeli wa Siriya, sekoko a to khukha Jerusalema.

1 Vafumeli 7:1

Ngu konaho, Solomoni a to ti akela nyumba ya wukoma e yi heta, mndani ka digumi da malembe ni mararu.

Levhi 27:31

Kambe ngako m'thu wokari a txi lava kutekisa sile i ku sakwe sa wugumi, a na si tatisa ngu mpimo wa wutxhanu, ka mtengo wa sona.

Eksodha 36:3

Vona va to amukela, ngu ka Mosi sotshe simaha sa miningelo, asi vanana va ka Israyeli va nga si tisa, kasi ku ta khata kumaha mthumo wa kuaka nyumba ya wukhongeli. Vanana va ka Israyeli va to simama ve tisa miningelo ditshiku ni ditshiku ni mixo, ngu kuranda kwawe.

1 Makronika 18:11

atile Dhavhidha a nga ti ningela ka Mkoma kumweko ni nzalama, ni silivhela, yile a nga yi honyola ka mamwani matiko: ka va ka Edhomi, ni Vamowabhi, ni ka vanana va ka Amoni, ni ka Vafilista, ni ka va Amaleki.

2 Vafumeli 12:5

yi na amukelwa ngu vaphaxeli ka m'thu ni m'thu, ve lulamisela mule yi nga onheka nyumba.

1 Vafumeli 3:2

Aniko vathu va txi phaxela ka makhalo o guleka dwe, nguko kala ka ale masiku, ku si se akelwa nyumba ditina da Mkoma.

1 Vafumeli 3:3

Solomoni a ti ti randa Mkoma, e tsimbila ngu sileleto sa tate wakwe Dhavhidha; hahanze keto a ti ti hisa dibaselo ka makhalo o guleka.

2 Vafumeli 14:4

Aniko siluvelo kha sa khundumuswa, nguko vathu va txi ngadi ve phaxela kona, ni kuhisa dibaselo.

2 Vafumeli 15:4

Nziluvelo dwe si nga mbi khundumuswa, nguko vathu va txi ngadi ve phaxela kona ni kuhisa dibaselo.

2 Vafumeli 16:4

Kambe a mahile miphaxo ni kuhisa dibaselo siluveloni ni simangwanani, ni hahatshi ka mitsudi ya yotshe mindonga.

2 Vafumeli 17:11

Se va to hisa dibaselo ka sotshe siluvelo, madingano ni mifumo yile Mkoma a nga yi tutumisa masoni kwawe; kambe va to maha to biha kasi kuwusa kuhenya ka Mkoma.