Aniko Jehosebha, mwana mfumeli Jehoramu, ndiya ya Akaziya, a to teka Jowasi, mwana Akaziya, e mpfhukisa hagari ka vanana va mfumeli, va nga txi va dayela, se a to m'veka nyumbani kumweko ni mxayisi wakwe, a txi msisela Ataliya, ngu kumaha keto, kha va m'daya.
Se ka dilembe da wutxhanu ni mambidi, Joyadha a to rumela kudhana vathangeli va mazana, ni vathangeli va yimbi, ni vawoneleli, a txi wulela navo Nyumbani ka Mkoma, e va komba mwanana wa mfumeli.
Wamsikatiyo, a to mana txirumbu e veleka mwanana wa mfana, ngako a di woni ti to mwanana wa kona mbwo tshura, a to msisa ngu txipimo txa mitxima yiraru.
Kambe a to tsula nyumbani ka tate wakwe, kona Ofira, eya daya vanawe, vanana va Jerubhahali, mtxhanu wa magumi ni mambidi txitimwi ka dirigwi dimwedo. Se Jothamu mwanana wa tshole wa Jerubhahali, a to huluka nguko a ti sisate.