2 Vafumeli 11:11 - Bhiblia Yo Sawuleka

¹¹ Se vawoneleli va to emeka mmweyo ni mmweyo ni matxhari akwe manzani, kukhukhela ka didhawa da txinene ka nyumba kala ka didhawa da txibhabha, ve vhikela txiluvelo, ni nyumba ya mfumeli.

2 Vafumeli 11:11 Referans Kwoze

Luka 11:51

kukhata ngu mnoha wa Abhele kala kuhetisela ngu wa Zakariya, awu a nga dawa hagari ka txiluvelo ni Wukhalo wo Sawuleka ngutu; inna, na mi gela ni khani: Wu na vilwa ka liveleko liya.

Matewu 23:35

Kasiku wu txi thekelela txitimwi kwanu wotshe mnoha wo lulama wu nga theketwa ha mafuni, kukhukhela ka mnoha wa m'lulami Abhele kala kuhoka ka mnoha wa Zakariya, mwanana wa Bharakiya, awu mi nga m'daya hagari ka wukhalo wo sawuleka ni txiluvelo.

Joyeli 2:17

Va na dile vaphaxeli, va thumelako Mkoma, hagari ka m'hubhe ni txiluvelo, va ne kha vona: Tsetsa vathu vako, awe Mkoma, kambe u nga ningele thomba yako tinganani, kasi ku matiko ma txi yi xakela: Nguko kutxani va no kha vona ka vathu: Txi hayi Txizimu txawe, kani?

Ezekhiyele 8:16

Se a to ni yisa ka mthanda wa mndani ka Nyumba ya Mkoma, wona taku ha txikeni ka Dithepele da Mkoma, hagari ka m'hubhe ni txiluvelo, ku ti ti ni mtengo wo dingana magumi mambidi a vavamna ni mtxhanu, va nga ti ti tshuralete Dithepele da Mkoma, tikhohe tawe ti txi rendekela wutxani; kambe va ti ti khozela ditambo va di rendekete wutxani.

2 Makronika 6:12

Solomoni a to ema masoni ka txiluvelo txa Mkoma, ni masoni ka wotshe msengeletano wa ka Israyeli, se e guleta mawoko akwe.

2 Vafumeli 11:10

Se mphaxeli Joyadha, a to ningela matxhari ni sitxhavangu ka vathangeli va mazana, asile i ngadi sa mfumeli Dhavhidha, si ngadi Nyumbani ka Mkoma.

2 Vafumeli 11:8

Mi na ranganyeta mfumeli, mmweyo ni mmweyo ni matxhari akwe manzani, se wule a no wulela hagari ka titxhatxha, a fanete kudawa; se anu mi na va ni mfumeli, ngako a txi huma, ni kuwulela.

Eksodha 40:6

U na veka txiluvelo txa mhamba yo hiswa ngu masoni ka txike txa nyumba yo sawuleka ya ditenda da msengeletano.

2 Vafumeli 11:12

Se Joyadha a to humisa Jowasi, mwanana wa mfumeli, e msanzeka m'bhoti, ni dibhuku da milayo, va to mfumisa, ve mtota, va txi bhabhwatela manza, na va txi kha vona: A na hanye mfumeli!