2 Vafumeli 11:1 - Bhiblia Yo Sawuleka

¹ Mbimo yile koko Ataliya, mwamwa Akaziya, a nga wona to mwanana wakwe a datwe, a to wuka e lovisa lihunzu la mfumeli.

2 Vafumeli 11:1 Referans Kwoze

Jeremiya 41:1

Ku to maheka ti to ngu mtxima wa wutxhanu ni yimbidi, a txi ta Ismayeli mwana Netaniya, mwana Elixama, wa mnoha wa vafumeli, ni vathangeli va tinyimbi ta mfumeli, i ku digumi da vavamna kupata ni ene, ni Gedhaliya mwana Ahikamu, kona Misipa; se va to dya votshe dipawu kona Misipa.

2 Vafumeli 25:25

Ku to maheka koko ti taku, ka mtxima wa wutxhanu ni yimbidi, eta Ismayeli mwana Netaniya, wa mwana Elisama, wa liveleko la wukoma, kumweko ni vavamna va digumi, ve ta peka Gedhaliya, se efa, kumweko ni Vajudha ni Vakaldheya vale a nga ti ti navo Misipa.

Matewu 2:16

Sekoko, ngako Herodha a di woni ti to a kanganyisilwe ngu titxhari, a to henya ngutu, se e rumela kuya dayela votshe vanana va sizambiana va Bhetlehema ni va dotshe ditiko da kona, va tanga ya malembe mambidi ni kuya hahatshi, madingano ni mbimo yi a nga wotisisa ngu yona ka titxhari.

2 Makronika 24:7

Nguko Ataliya awule wamsikati wo biha, kumweko ni vanana vakwe va onhetete Nyumba ya Txizimu, va to teka siya so sawuleka sa Nyumbani ka Mkoma veya sithumisa ka va ka Bhahali.

2 Vafumeli 9:27

Mbimo yile Akaziya, mfumeli wa ka Judha, a nga wona tile ti nga maheka, a to tutuma ngu nzila ya thembweni, aniko Jehu a to mlondeta, a txi khene: Mpekeni nene Akaziya amu ka txikotxikani txakwe, wa kwelela kuya Guri, hafuhi ni Ibleyawu. Se a to tutuma a txi ya Megidhu, eya fela kona.

2 Vafumeli 8:26

Akaziya a ti ti ni tanga ya magumi mambidi a malembe ni mambidi, mbimo yile a nga khata kufuma, a to fuma dilembe dimwedo, kona Jerusalema.

Matewu 2:13

Msana ka kuva ti di khukhile titxhari, Ngelozi ya Mkoma yi to woneka ngu miloro ka Josefa, yi txi mu gela tiya: “Khukha, teka mwanana ni mame wakwe, thava u txi ya Egipta. Inda ya zumba konakheyo kala nita kuzivisa, nguko Herodha a na lava mwanana wu kasiku e m'daya.”

Valamuli 9:5

Kambe a to tsula nyumbani ka tate wakwe, kona Ofira, eya daya vanawe, vanana va Jerubhahali, mtxhanu wa magumi ni mambidi txitimwi ka dirigwi dimwedo. Se Jothamu mwanana wa tshole wa Jerubhahali, a to huluka nguko a ti sisate.

1 Vafumeli 2:44

Mfumeli a to khene kambe ka Simeyi: “Awe ngu mbilu yako wa wu ziva wubihi wu u nga wu maha ka Dhavhidha, tate wangu; ngu mhaka yeto, Mkoma a wuyisile wubihi ha msungo kwako.

2 Vafumeli 10:7

Ku to maheka koko taku, di ti hokile dipapilo, va to ñolela vanana va mfumeli, va mtxhanu wa magumi ni magumi mambidi, ve va dayela, ve betela misungo yawe ka tithavangu to kari, ve yi rumela Jezireyeli.

2 Vafumeli 10:36

Jehu a to fuma txitimwi ka Israyeli a di Samariya, magumi mambidi a malembe ni mtxhanu wa malembe ni mararu.

Genesisi 9:5

Ngu ditshuri ni na lava mnoha wanu, ngako mnoha wa m'thu wu txi theketwa, ni na maha ti to wu dihwa. Hambi i di txihari txi wu theketako, mwendo i m'thu a wu theketako, ni na wu dihisa.

Genesisi 9:6

Awu a theketako mnoha wa m'thu, mnoha wakwe wu na va wu txi theketwa ngu m'thu, nguko Txizimu txi mahile m'thu ngu mfananiso wa txona.

1 Vafumeli 1:12

Inaka, hi nga ta kona kuwa, ni nata kuninga wusungukati, ku va u txi na hulukisa wutomi wako, ni wa mwanako Solomoni.

2 Vafumeli 12:1

Ka dilembe da wutxhanu ni mambidi da kufuma ka Jehu, a to khata kufuma Jowasi kona Jerusalema, mune wa magumi a malembe; ditina da mwamwakwe i ti ti Zibhiya, wa Bherisebha.