2 Vafumeli 10:8 - Bhiblia Yo Sawuleka

⁸ Se kutota mtumi mmweyo, a txi ta khene: Va tisile misungo ya vanana va mfumeli. Se Jehu a to khene: Yi veketeleni ngu mimumbu yimbidi ha txidingeni ka didhoropa, yi zumba kala mangwana.

2 Vafumeli 10:8 Referans Kwoze

Marku 6:28

Se nduna yiya yi to tsula yi ya wila msungo wa Johani mkorani, yi txi neha msungo wakwe mbiyani, yi txi wu ningela ka txihoranana; se txona txi wu ningela ka mame wa txona.

1 Vafumeli 21:14

Sekoko va to rumela m'biko ka Jezabheli wa ku kha vona: Nabhote a balisetwe ngu marigwi, a txi fa.

Dhewuteronome 21:23

txirumbi txa kona txi nga zumbe ha mndongani wusiku wotshe; aniko u na txi kelela ka donedo ditshiku, nguko awule a nga txikitwa mbwo ruketelwa ngu Txizimu; ngu kumaha keto, u nga nyenyezise ditiko dako, adiya Mkoma, Txizimu txako, a no kuninga di maha thomba yako.

2 Vafumeli 10:7

Ku to maheka koko taku, di ti hokile dipapilo, va to ñolela vanana va mfumeli, va mtxhanu wa magumi ni magumi mambidi, ve va dayela, ve betela misungo yawe ka tithavangu to kari, ve yi rumela Jezireyeli.

2 Vafumeli 10:9

Se ni mixo, mbimo yile a nga huma, a to khene ka votshe vathu: Anu mi vavanene; nguko ani ni lwite ni nyamne wangu, ni m'date; aniko kasi i mani a nga dayela votshe vava kani?