2 Vafumeli 10:6 - Bhiblia Yo Sawuleka

⁶ Sekoko a to va bhalela dipapilo da wumbidi, a txi khene: Ngako mi di vangu, mi txi engisa dipswi dangu, tekani misungo ya vavamna vale i ku vanana va nyamne wanu, se mangwana, ka yona yiya mbimo, ngonani kwangu kona Jezireyeli. (Se vanana va mfumeli va mtxhanu wa magumi a vavamna, va ti ti ni vahombe va sivelekwa, va nga txi va xayisa.)

2 Vafumeli 10:6 Referans Kwoze

Luka 9:50

Jesu a txi khene kwakwe: “Mi nga mu tsimbeni, nguko awu asi lwiko ni nanu, a ema ni nanu.”

Matewu 12:30

Awu asi emiko ni nani, walwa ni nani; ani wu asi sengeletiko ni nani, wa hangalasa.”

Jobe 21:19

Txizimu txi vekela vanana vawe kulwa ka txona, se ka vaonhi txa va ninga hakhelo, kuva va txi na txi ziva.

2 Vafumeli 9:32

Jehu a to guleta khohe e wona difasitela, a nje khene: I mani eyo didhawa kwangu kani? I mani? Se mithenwa yimbidi mwendo yiraru, yi to muwona ngu ha ka difasitela.

Dhewuteronome 5:9

khu na mbi si khozela, kambe khu na mbi si thumela, nguko ani, Mkoma, Txizimu txako, ni Txizimu txa txiluse, atxi txi tsayisako vanana ngu mhaka ya sionho sa vaveleki vawe, kala ka liveleko la wuraru ni la wumune ka vale va ni vengako.

Mitengo 25:4

Mkoma a to khene ka Mosi: Teka votshe vathangeli va vathu, u ta va aneka ha lisanini, nguko va hambukile, Mkoma a henyile; mwendo Mkoma a na boxa txiviti a ku natxo ngu va ka Israyeli.

2 Vafumeli 10:5

Sekoko awule a ngadi mxayisi wa nyumba, ni mthangeli wa didhoropa, ni madhota, ni vaxayisi, va to rumela ka Jehu dipswi do kha vona: Sithumi sako ngu ngathu, ni tihi ti u no hi ruma hi na maha; kha hi nga ni mmwani wo mfumisa; maha ti u no ti wona masoni kwako.

2 Vafumeli 10:7

Ku to maheka koko taku, di ti hokile dipapilo, va to ñolela vanana va mfumeli, va mtxhanu wa magumi ni magumi mambidi, ve va dayela, ve betela misungo yawe ka tithavangu to kari, ve yi rumela Jezireyeli.

2 Vafumeli 10:9

Se ni mixo, mbimo yile a nga huma, a to khene ka votshe vathu: Anu mi vavanene; nguko ani ni lwite ni nyamne wangu, ni m'date; aniko kasi i mani a nga dayela votshe vava kani?