2 Vafumeli 10:16 - Bhiblia Yo Sawuleka

¹⁶ Se Jehu a to khene: Tsimbila ni nani, u na wona ku ti ningela kwangu ka Mkoma. Se Jehu a to mteka mu ka txikotxikani txakwe.

2 Vafumeli 10:16 Referans Kwoze

1 Vafumeli 19:10

Se ene a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

2 Vafumeli 10:31

Aniko Jehu kha sikota kulondisa ngu mbilu yakwe yotshe Mlayo wa Mkoma, Txizimu txa ka Israyeli, kambe kha nga hambuka amu ka sionho sile Jerobhowamu a nga onhisa ngu sona Israyeli.

Varoma 10:2

Nguko nava fakazela ka ti to va na ni kukhutala ka Txizimu, kambe kukhutala kwawe hi nga ka wuzivi.

Matewu 6:5

“Se ngako mi txi khongela mi nga thukeni mi fana ni vaxengeteli va dhundako kukhongela va di emile masinagogani ni mahandakanyani ka tinzila, kasi kuwonwa ngu vathu; kha ditshuri na mi gela ti to va amukete ditshungulo dawe.

Matewu 6:2

“Ngu konaho, ngako u txi ha sisiwana, u nga thuke u txi veta mpundu masoni kwako, nga ti va mahako vaxengeteli masinagogani ni tinzilani, kasiku ve dhumiswa ngu vathu. Kha ditshuri ni khani kwanu: Va amukete ditshungulo dawe.

Ezekhiyele 33:31

Se vona vata kwako, nga tile vathu va tisako tona kwako, ve ta khalahatsha masoni kwako kufana ni vathu vangu, kambe ve engisa dipswi dako, aniko kha va mahi txilo; va tumeletela ngu sisofu sawe, kambe timbilu tawe ti londetela ta minavelo yawe.

Mavingu 27:2

Dhundwa ngu mmwani, na i si nga ngu txisofu txako, mmwani m'thu na i si nga txisofu txako.

1 Vafumeli 19:17

Se ku na maheka ti to awule a no huluka ka ditxhari da Hazayeli, a na dawa ngu Jehu, se awule a no huluka ka ditxhari da Jehu, a na dawa ngu Elixa.

1 Vafumeli 19:14

Se Elija a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

Mitengo 23:4

Se mbimo yi Txizimu txi nga manana ni Bhalahamu, ene a to khene: Konkuwa ni lulamisile siluvelo sa mtxhanu ni simbidi, ni maha mningelo ngu dirole ni hamba txitimwi ka txiluvelo tximwani ni tximwani.

2 Vafumeli 10:17

Mbimo yile a nga hoka Samariya, a to dayela votshe va ka Akabe vale va nga ti sate Samariya, eza a txi va khundumusela, madingano ni dipswi dile Mkoma a nga ti gete Elija.