2 Vafumeli 10:11 - Bhiblia Yo Sawuleka

¹¹ Se Jehu a to dayela votshe vale va nga ti sate, va nyumba ya ka Akabe, kona Jezireyeli, kumweko ni vahombe va kona, ni votshe vale va nga txi va ziva, ni vaphaxeli vawe, kala kuza asi siyi ni wammweyo.

2 Vafumeli 10:11 Referans Kwoze

Jobe 18:19

Kha na mbi va ni mwanana hambi mtukulu ka vathu vakwe, kha ku na mbi maneka ni wammweyo wo sala tinyumbani kwawe.

Mtuletelo 20:10

Dhiyabhulosi wu a nga ti va xengetela a to vinzwa txizivani ka mndilo ni txivavula, amu se txi nga ti ti kona txikalani ni mprofeti wa makuhu. Va na zumba ve dyiswa mihumbo wusiku ni mitshikari, ngu hawa ku si gumiko.

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Hoseya 1:4

Se Mkoma a to m'gela ku khene: “Mraye ditina daku i Jezireyeli; nguko mndani ka mbimonyana ni na photela mnoha wa Jezireyeli, txitimwi ka nyumba ya ka Jewu, ni lovisa mfumo wa nyumba ya ka Israyeli.

Mavingu 13:20

Hanya ni titxhari u na txhariha, aniko mngana wa siphukuphuku a na xaniswa.

Masalmo 125:5

Aniko avale va hambukako ve londisa tinzila to gombonyeka Mkoma a na va lovise kumweko ni sigevenga. Kudikha ku nave ni va ka Israyeli!

Masalmo 109:13

Liveleko lakwe li na gume ni txibongo txakwe txi na fuve ka liveleko li litako.

2 Vafumeli 23:20

A to dayela votshe vaphaxeli va siluvelo, va nga ti ti ho koneho, txitimwi ka siluvelo, se a to hisa marambu a vathu txitimwi ka sona; ngu magwito, a to wuya Jerusalema.

1 Vafumeli 22:6

Sekoko mfumeli wa ka Israyeli a to sengeleta vaprofeti vo lava kudingana 400, a txi khene kwawe: Ina ni tsula mwendo ni nga tsule ku yalwa ni didhoropa da Ramoti-Gileyadhi kani? Se vaprofeti va to kha vona: Tsula nguko Mkoma a na di ningela manzani kwako awe mfumeli.

1 Vafumeli 21:22

se ni na fuvisa nyumba yako nga ti ni nga fuvisisa tona nyumba ya ka Jerobhowamu, mwana Nebhate, ni kufana ni nyumba ya Bhahasa, mwana Ahiya, ngu mhaka ya ti u nga ni vhukisa tona, se u txi onhisa Israyeli.

1 Vafumeli 18:40

Se Elija a to khene: Ñolelani votshe vaprofeti va Bhahali, ku nga huluke ni wammweyo wawe. Va to va ñolela; se Elija a to va maha ve kwitima txinambwanani ka Kixoni, va txi ya va daya kona.

1 Vafumeli 18:19

Ngu toneto, gela votshe vathu va ka Israyeli ve tshangana ni nani mmangoni ka Karmeli, kumweko ni 450 wa vaprofeti va Bhahali, ni 400 wa vaprofeti va Aseri, va dyiswako ngu mfumeli wa txisikati Jezabheli.

1 Vafumeli 16:11

Se ku to maheka tito, mbimo yi a nga fuma a di ha txituluni kwakwe ka wukoma, a to lwisa yotshe nyumba ya ka Bhahasa; kha siya ni wamwamna ni wammweyo, ka maxaka akwe, hambi ni ka vangana.

1 Vafumeli 15:29

Ku to maheka ti to aha a nga fuma ene, a to lwisa yotshe nyumba ya Jerobhowamu; kha nga siya ni txa tximwetxo txo lumba Jerobhowamu txi txi hanya, a to si hasamulela, madingano ni dipswi da Mkoma, adi a ngadi womba ngu ka txithumi txakwe Ayasi, wa Silo,

1 Vafumeli 14:10

se ni na tisa dikhombo nyumbani ka Jerobhowamu, se ni na va abanisa kukhukhela ka wamwamna kala ka mfana, hagari ka txikarawa ni wo txhatxheka amu Israyeli, se ni na tshotsha hahanze liveleko la nyumba ya Jerobhowamu, nga tile si tshotshiswako tona sinoniso, kala ku va heta votshe.

Joxuwa 11:8

Se Mkoma a to va ningela manzani ka va ka Israyeli; vona va to va khozisa, va txi va tutumisa, kala ka Didhoropa da Hombe da Sidhoni, ni Mezerefoti-Mayimi, ni mkovani ka Misipa, ngu didhawa da wutxani. Va to va dayetela, va si siyi ni wammweyo.

Joxuwa 10:30

Se Mkoma a to di ningela ni dona ni mfumeli wa dona, manzani ka va ka Israyeli, ava va ngadi khozisa ngu ditxhari, ni votshe avale va nga ti ti hanya ka dona; kha va nga leka ni wammweyo wo sala. Va to maha ka mfumeli wa kona ta kufana ni ti va nga maha ka mfumeli wa Jeriko.

Joxuwa 15:56

Jezraeli, Jokedhamu ni Zanowa,

2 Vafumeli 10:12

Sekoko a to khukha e tsula Samariya. Se a di ngadi hanzila kona Bheti-Ekedhi ka vadyisi,

2 Makronika 22:8

Se ku to maheka tito, mbimo yi Jewu a nga lamula va nyumba ya ka Akabe, a to mana vathangeli va ka Judha ni vanana va vanawe va Akaziya, vale va nga txi thumela Akaziya, e va daya.

1 Vafumeli 21:29

Khwa ti wona taku Akabe wa ti namisa masoni kwangu kani? Ngako koko a ti namisako masoni kwangu, kha ni na mbi tisa kubiha kuwa ka masiku a kuhanya kwakwe, aniko ni na tisa wubihi wuwa ka masiku a kuhanya ka mwanana wakwe, nyumbani kwakwe.

2 Vafumeli 9:7

U na peka nyumba ya nyamne wako Akabe, kuva ni lwisa mnoha wa sithumi sangu, wa vaprofeti, ni mnoha wa sithumi sa Mkoma, ngu dianza da Jezabheli.

2 Vafumeli 9:9

Nguko ka nyumba ya Akabe ni na maha ku nga ti ni nga mahisa tona ka nyumba ya Jerobhowamu, mwana Nebhate, ni ku nga ka nyumba ya Bhahasa, mwana Ayiyasi.

2 Makronika 22:7

Sekoko kuloviswa ka Akaziya i ti ti kuranda ka Txizimu, ngu mhaka ya kuya ka Joramu, nguko mbimo yile a nga hoka a to xoma yimbi ni Joramu ve lwa ni Jewu mwana Ninisi, awule Mkoma a nga mtota kufuvisa nyumba ya ka Akabe.