2 Vafumeli 10:10 - Bhiblia Yo Sawuleka

¹⁰ Ti ziveni koko konkuwa taku, ngu ka dipswi da Mkoma, adi Mkoma a ngadi womba madingano ni nyumba ya ka Akabe, kha di na kuwa walo hahatshi, nguko Mkoma wa maha tile a nga womba ngu txithumi txakwe Elija.

2 Vafumeli 10:10 Referans Kwoze

1 Vafumeli 21:29

Khwa ti wona taku Akabe wa ti namisa masoni kwangu kani? Ngako koko a ti namisako masoni kwangu, kha ni na mbi tisa kubiha kuwa ka masiku a kuhanya kwakwe, aniko ni na tisa wubihi wuwa ka masiku a kuhanya ka mwanana wakwe, nyumbani kwakwe.

1 Vafumeli 21:19

Se tsula u txi ya m'gela ku khawe: Mkoma a womba tiya: Ina mwendo khu ngo m'daya u txi teka thomba kani? U na m'gela kambe ku khawe: Mkoma a womba tiya: Ka wukhalo wule timbwa ti nga danzela mnoha wa Nabhote, timbwa ti na danzela ni wako mnoha, ina mnoha wako kha ditshuri.

Zakariya 1:6

Hambi keto, mapswi angu ni sileleto sangu, asi ni nga rumela ngu vaprofeti, sithumi sangu, kha sa va hokela vatate vanu kani? Se vona va to tshumela va txi kha vona: Mkoma wa Mabutho a Tiyimbi a mahile ti a nga ti lava kwathu, madingano ni tinzila tathu, ni mithumo yathu, se ngutu ene a nga hi mahisa tona.

2 Vafumeli 9:36

Sekoko va to wuya ve ta zivisa Jehu, ene a nje khene: Adiya ngu dona dipswi da Mkoma, a ngadi womba ngu mthumo wa Elija, Mtibhita, txithumi txakwe a txi khene: Ka wukhalo wa wudotho wa thembwe ya Jezireyeli, timbwa ti na dya nyama ya Jezabheli,

1 Samuwele 15:29

Kambe awule i ku Mtamo wa va ka Israyeli kha hembi mwendo kutilaya; nguko hi nga m'thu waku a na tilaya.

1 Samuwele 3:19

Se Samuwele a to kula, na Mkoma a di kumweko nayo, kambe asi leki ni da dimwedo ka otshe mapswi akwe mewa hahatshi.

Marku 13:31

Nzuma ni mafu si na pinda, kambe mapswi angu kha ma na mbi pinda.”

2 Vafumeli 10:17

Mbimo yile a nga hoka Samariya, a to dayela votshe va ka Akabe vale va nga ti sate Samariya, eza a txi va khundumusela, madingano ni dipswi dile Mkoma a nga ti gete Elija.

2 Vafumeli 15:12

Adiya ngu dona dipswi dile Mkoma a ngadi womba ka Jehu, a txi khene: Vanana vako kala ka liveleko la wumune, va na zumba ha txikhaloni txa wukoma txa Israyeli. Se ti to mahekisa toneto.

Esteri 6:10

Sekoko mfumeli a to khene ka Hamani: Kuluveta u teka syambalo ni dihantxhi, madigano ni kuwomba kwako, u maha toneto ka Mordhekayi, Mujudha wule a nga khalahatsha ha txikeni ka mfumeli; u nga leke ni tatimweto ti wa ka totshe tile u nga womba.