2 Vafumeli 1:9 - Bhiblia Yo Sawuleka

⁹ Sekoko a to rumela mthangeli wa mtxhanu wa magumi a vathu, a txi mkwelisa mmangoni, a txi khene: Awe m'thu wa Txizimu, mfumeli a khene: Txhika.

2 Vafumeli 1:9 Referans Kwoze

Vahebheru 11:36

Vamwani kambe va timisete ka sixaniso sa kutseketselwa, va kwapetwe ngu txisepu, ve sungwa ngu titxhini, ve khotelwa mkorani.

Marku 15:32

Ene i ku Mesiya, Mfumeli wa Israyeli, a na txhike konakuwa ngu ha txihambanoni, kasiku hi na ti wona, hi txi kholwa.” Hambi ni vale va nga ti bethetwe nayo, va to mu ruketela ni vona.

Marku 15:29

Ava va nga txi pinda va ti ti mu ruketela, va txi zinginika misungo yawe, va txi kha vona: “Ha! Awe u khundumusako Dithepele, u txi di aketa ngu masiku mararu.

Matewu 27:29

Se va di lukile tshimbo ya mipa, va to msanzeka ha msungo kwakwe, ngu msana ve mñolisa litshava ngu dianza da txinene. Se va txi khizama masoni kwakwe na va txi mtseketsela va txi kha vona: “Xeweni, mfumeli wa Vajudha!”

Matewu 26:68

“Mesiya, hinga huta: I mani a nga kupeka kani?”

Matewu 14:3

Nguko Herodha a ti ñote Johani a txi mu sunga e mu khotela mkorani, ngu mhaka ya Herodhiya, msikati wa Filipi, mnanda wakwe.

Amosi 7:12

Msana keto, Amaziya a to gela Amosi a txi khene: Tsula awe m'huti, thava u ya ditikoni ka Judha, aniya u na yadya dipawu, aniya u na ya profeta.

1 Vafumeli 22:8

Sekoko Akabe i ku mfumeli wa Israyeli a to khene ka Josafati: A nga diho wamwamna waku a nga hi wotisela ka Mkoma; aniko ani na mnyenya nguko kha zivi ku nga profeta ta tinene ngu ngani, ndo biha dwe; i Mikaya, mwana Inila. A to khene kha Josafati: U nga wombise eto awe mfumeli.

1 Vafumeli 19:2

Sekoko Jezabheli a to ruma mtumi ka Elija, kuya khene: Si na ni tsayise ngutu sizimu ngako kala ka mbimo yo nga yona yiya, ni si ku dayi nga ti u nga va dayisa tona.

1 Vafumeli 18:42

Se Akabe a to kwelela e yadya ni kusela; se Elija a to kwela tshokani ka mmango wa Karmeli, a to ya nama hahatshi e sisa khohe yakwe amu ka mazolo.

1 Vafumeli 18:10

Ni xambanya ngu Mkoma, Txizimu txako, a hanyako, kha ka nga vaho ditiko mwendo mfumo, emo nyamne wangu, a nga mba rumela vo tsimbila ve kulava; se vona va txi kha vona: A walo hawa, sekoko a txi xambanyisa mifumo ni matiko ku mwendo kha va kumana.

1 Vafumeli 18:4

nguko ku mahekile tito, mbimo yile Jezabheli a nga ti dayela vaprofeti va Mkoma, Obhadhiya a to teka 100 wa vaprofeti, se e sisa mtxhanu wa magumi kheno, ni vamwani va mtxhanu wa magumi kheya, amu ka diphala, e va dyisa ngu mapawu ni mati).

Luka 9:54

Va di woni tiya vagondiswa Jakobe ni Johani, va to kha vona: “Mkoma, wa ti lava hi rumela mndilo wu txi txhika ngu nzumani wuta va fuvisa kani?”

Jeremiya 35:4

ni to va tsulisa Nyumbani ka Mkoma, ka wukhalo wa vanana va Hanani, mwana Igdhaliya, i ku m'thu wa Txizimu, awule wu nga ti gwatamile ni wukhalo wa vathangeli, wu ku txitimwi ka wukhalo wa Mahaseya mwana Salumi, muwoneleti wa txike.

1 Samuwele 19:21

Se ngako Sawule a di zivisilwe eto, a to rumela yimwani mitumi, se evo ni vona va to ya profeta; sekoko Sawule a to rumela mitumi ya wuraru, avale ni vona va nga ya profeta.

1 Vafumeli 17:18

Se ene a to khene ka Elija: Njitxani ni ku natxo ni nawe, awe m'thu wa Txizimu kani? U tile kasi ku ta ni wusela wusiwana wangu, u daya mwanana wangu kani?

2 Vafumeli 2:25

Se a to khukha e tsula mmangoni ka Karmeli, nguho a nga tshumelela kona eya Samariya.

2 Vafumeli 4:25

Wamsikati koko, a to khukha eta ka m'thu wa Txizimu, mmangoni ka Karmeli. Se mbimo yile a nga wona m'thu wa Txizimu ngu kule, a to khene ka dijaha dakwe Gehazi: Ndiyole wamsikati wa msunami.