2 Vafumeli 1:3 - Bhiblia Yo Sawuleka

³ Aniko Ngelozi ya Mkoma yi to kha yona ka Elija wa Tisibha: Khukha u kwelela u na manana ni mitumi ya mfumeli wa Samariya, u na khawe kwawe: Ina kova walo Txizimu amuwa Israyeli, mizako mi ya wotisa ka Bhahali-Zebhubha, txizimu txa Ekroni kani?

2 Vafumeli 1:3 Referans Kwoze

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

Jona 2:8

Avale va ti ningetetelako ka ti ti si vhuniko txilo, va leka wumbilu wa Mkoma vapune.

Masalmo 76:1

Txizimu txa ziwa ditikoni ka Judha; ditina da txona nda wudhumo ditikoni ka Israyeli.

Mithumo 8:26

Ngelozi ya Mkoma yi to gela Filipi yi txi kha yona: “Khukha u txi ya ka didhawa da wulambwe, ka nzila yi yi kwitimako, kukhukhela Jerusalema yi ya Gaza, nzila ya kona i ku ya txiwulani.”

Marku 3:22

Kambe vabhali va va nga ti relete va txi ta ngu Jerusalema, va to womba va txi kha vona: “Ana ni Bhelzebhule, se a tovela madhimoni ngu mkoma wa madhimoni.”

2 Vafumeli 5:15

Sekoko a to tshumelela ka m'thu wa Txizimu, ene ni votshe vale a nga ti ti navo, e ta bwaka masoni kwakwe a txi khene: Wona taku na tiziva taku ha mafuni kotshe kha ku na txizimu, hahanze ka Txizimu txa Israyeli. Konkuwa ni kombela u amukela txibongelo txa txithumi txako.

2 Vafumeli 1:8

Se vona va to kha vona: I ti wamwamna wo ambala madhowo, a di sungile libhandi la didhowo txiwununi kwakwe. Mfumeli a to xamula ku khene: I Elija, wa Tisibha.

2 Vafumeli 1:6

Vona va to xamula ku kha vona: Hi to manana ni wamwamna wokari a txi khene: Tshumelani mi tsula ka mfumeli wule a nga mi ruma, mi txi ya khanu: Ina kova walo Txizimu amuwa Israyeli, mizako mi ya wotisa ka Bhahali-Zebhubha, txizimu txa Ekroni kani? Se ngu kumaha keto, khu na mbi txhika ngu ha m'bhedhuni, kha ditshuri u na fa.

2 Vafumeli 1:2

Se Akaziya a to pfodola ngu ha ka tisimbi ta nyumba ya txitezi txa wumune, a ngadi nayo kona Samariya, a to lwala, eruma mitumi e va gela tiya: Tsulani mi ya wotisa Bhahali-Zebhubha, txizimu txa Ekroni, ku mwendo ni na kalamuka ka wulwati wuwa kani?

1 Vafumeli 21:17

Sekoko Mkoma Txizimu a to khene ka Elija, mprofeti wa Tisibhe:

1 Vafumeli 19:7

Se Ngelozi ya Mkoma yi m'gwesa ka wumbidi, na yi txi kha yona: Wuka u txi dya, nguko yi laphile nzila yako.

1 Vafumeli 19:5

Se a to otela hahatshi ka mndonga; se ku to woneka ngelozi yi txi ta m'gwesa, yi to kha yona: Wuka u txi dya.

1 Vafumeli 18:36

Ku to maheka koko a ti to ku txi ningelwa mningelo wa sakudya, mprofeti Elija a to tshuketa, a txi ta khene: Mkoma, Tixizimu txa Abrahama, txa Isaake ni Israyeli, ti kombekisi nyamsi ti to awe u Txizimu amuwa Israyeli, ni ti taku ani ni txithumi txako, niku ni mahile totshe ti u nga leleta ngu dipswi dako.

1 Vafumeli 18:1

Se ku to maheka to msana ka masiku amangi, kutile dipswi da Mkoma ka Elija ngu dilembe da wuraru, di txi kha dona: Tsula u txi ya ti kombekisa ka Akabe, nguko ni na nisa mati txitimwi ka mafu.

1 Samuwele 17:46

Kona nyamsi Mkoma a na kuningela manzani kwangu; se ni na kudaya, ni wila msungo; kambe sirumbi sa wugoveloni ka Vafilista ni na si ningela kona nyamsi ka sinyana sa nzumani, ni ka sihari sa ha mafuni; aniko mafu otshe ma na ziva taku Txizimu txiho kona Israyeli.

2 Vafumeli 5:8

Se mbimo yile a nga tipfa Elixa, m'thu wa Txizimu, ati taku mfumeli wa ka Israyeli a vharute syambalo sakwe, a to rumela dipswi ka mfumeli do khene: U vharulete syambalo sako ngu kutxani kani? Mleke e ta wonana ni nani, a na ziva ti to ku ni mprofeti amuwa Israyeli.

1 Vafumeli 11:33

Nguko va ni lekile veya khizamela Axitaroti, txizimu txa txisikati txa Vasidhoni, Akemosi txizimu txa va Mowabhi, ni Milikomi txizimu txa vanana va ka Amoni, kambe kha va tsimbila ngu tinzila tangu, kasi ve maha ati ti wonekako i di ta tinene masoni kwangu, i ku, sileleto sangu ni wululamo wangu, nga tate wawe Dhavhidha.

Isaya 8:19

Va txi mi gela va txi kha vona: Wotisani ava va ku ni mimoya ya vafi, ni vahuti vale va lengako, ni kungungurukela, mi txi khanu: Vathu kha va faneli ku wotisa Txizimu txawe kani? Ku nga wotiswa ka vafi timhaka ta va va hanyako kani?