2 Vafumeli 1:2 - Bhiblia Yo Sawuleka

² Se Akaziya a to pfodola ngu ha ka tisimbi ta nyumba ya txitezi txa wumune, a ngadi nayo kona Samariya, a to lwala, eruma mitumi e va gela tiya: Tsulani mi ya wotisa Bhahali-Zebhubha, txizimu txa Ekroni, ku mwendo ni na kalamuka ka wulwati wuwa kani?

2 Vafumeli 1:2 Referans Kwoze

2 Vafumeli 1:16

Se a to khene kwakwe: Mkoma a khene: Njitxani txi nga kumaha awe mfumeli u rumela mitumi kuya wotisa ka Bhahali-Zebhubha, txizimu txa Ekroni kani? Ina kova walo Txizimu amuwa Israyeli, kasi ku wotisa timhaka tako kani? Ngu kumaha keto khu na mbi txhika ngu ha m'bhedhuni hawa, kha ditshuri u na fa.

Marku 3:22

Kambe vabhali va va nga ti relete va txi ta ngu Jerusalema, va to womba va txi kha vona: “Ana ni Bhelzebhule, se a tovela madhimoni ngu mkoma wa madhimoni.”

Matewu 10:25

Ta enela ka mgondiswa ku a txi dingana ni m'gondisi wakwe, ni ka txithumi ku txi txi dingana ni nyamne wa txona. Ngako va di dhani nyamne wa nyumba va txi i Bhelzebhule va ha mwayani kwakwe va na dhanwa ngu kupindisa.”

Isaya 37:19

Kambe va rinzile ha mndiloni sizimu sa ona; nguko i si nga sizimu, aniko i ti mithumo ya manza a vathu, yo mahwa ngu mapulango ni marigwi; ngu mhaka yeto, va si khundumusete.

Luka 11:15

Vamwani va txi kha vona: “A tovela madhimoni ngu Bhelzebhule, mkoma wa madhimoni.”

Isaya 37:12

Ina ma nga va ma di txhatxhisilwe ngu sizimu sa matiko ale va nga ma fuvisa vatate vangu, i ku awa: Gozani, Harani, Razefe, ni vanana va ka Edheni, va nga txi zumba Telasari kani?

2 Vafumeli 1:6

Vona va to xamula ku kha vona: Hi to manana ni wamwamna wokari a txi khene: Tshumelani mi tsula ka mfumeli wule a nga mi ruma, mi txi ya khanu: Ina kova walo Txizimu amuwa Israyeli, mizako mi ya wotisa ka Bhahali-Zebhubha, txizimu txa Ekroni kani? Se ngu kumaha keto, khu na mbi txhika ngu ha m'bhedhuni, kha ditshuri u na fa.

2 Vafumeli 1:3

Aniko Ngelozi ya Mkoma yi to kha yona ka Elija wa Tisibha: Khukha u kwelela u na manana ni mitumi ya mfumeli wa Samariya, u na khawe kwawe: Ina kova walo Txizimu amuwa Israyeli, mizako mi ya wotisa ka Bhahali-Zebhubha, txizimu txa Ekroni kani?

1 Vafumeli 11:33

Nguko va ni lekile veya khizamela Axitaroti, txizimu txa txisikati txa Vasidhoni, Akemosi txizimu txa va Mowabhi, ni Milikomi txizimu txa vanana va ka Amoni, kambe kha va tsimbila ngu tinzila tangu, kasi ve maha ati ti wonekako i di ta tinene masoni kwangu, i ku, sileleto sangu ni wululamo wangu, nga tate wawe Dhavhidha.

Mithumo 20:9

Dijaha dokari, adi di nga ti dhanwa ku i Eutiko, di ti khalahatshile ha mtshunzutini ka difasitela, di txi khata kukhudhahela ngutu, na Paulo a txi ya masoni ngu kuwombawomba kwakwe. Ngu kota ya kona kukhudhahela, a to podika a txi wa hahatshi, kukhukhela ka txitezi txa wuraru. Va ti ya mu gula, na a di fite.

Ndando ya Tindando 2:9

Txirandwa txangu txi fanana ni txipene, mwendo mwanana wa mhoti; wonani, nditxele, txi emile msana ka diguma dathu, txa solelela ngu mu ka mafasitela, txa hi wona ngu mu ka tisimbi.

Jobe 31:3

Ina hi nga kutimela ka m'bihi, ni phango ka vale va mahako to biha kani?

1 Vafumeli 22:34

Sekoko wamwamna wokari a to khwinza lingove ngu wulaho, e fula mfumeli wa ka Israyeli ngu ha ka diphosongo da masoni ka libhande ni ka didhowo; sekoko a to gela mthangeli wa txikotxikani txakwe a txi khene: Ni thavise hagari ka dibutho ngu dianza dako, nguko ni dayisilwe ngutu.

1 Vafumeli 14:3

Manzani kwako teka digumi da mapawu, ni sibhubhutela, ni txidhuwana txa wulombe, u txi tsula kwakwe; ene a na kugela ati ti no maheka ka mfana wuwa.

1 Samuwele 5:10

Sekoko va to rumela dibhokiso da Txizimu didhoropani ka Ekroni. Ku to maheka koko tito, mbimo yi dibhokiso da Txizimu di nga wulela Ekroni, va ka Ekroni va to pekeletela tihuwa, va txi kha vona: Va hi nehete dibhokiso da Txizimu txa ka Israyeli, kasiku ta hi daya, athu ni va kakwathu.

Valamuli 11:24

Khu na mbi fumela matiko ale txizimu txako Kamosi txi nga kuninga, u txi ma khozisa kani? Ngu toneto, athu hi na xayisa sotshe si Mkoma, Txizimu txathu, a nga tekela vamwani a txi hi ninga.

Valamuli 5:28

Mame wa Sisera a to solela ngu ha difasitelani e wona, se a txi dila a di hadifasitelani, a txi khene: Txikotxikani txakwe txi swela ngu txani kuwuya kani? Ngu kutxani mahantxhi akwe ma txi swela kubwaka kani?

Isaya 2:6

Aniko awe u lekile vathu vako, va nyumba ya ka Jakobe; nguko va tate ngu sihena sa wutxani, va nyawuti kufana ni Vafilista, kambe va ti pata ni vanana va vamatiko.

Joxuwa 15:11

wu txi hoka mkovani ka Ekroni kuya wuphemba, ni kuya Sikeroni, wu txi pinda ngu mmangoni ka Bhahala, wu txi hoka Jabheheli, wu txi ya gwitela lineneni.

1 Vafumeli 22:40

Ngu toneto, Akabe a otete kumweko ni vatate vakwe; se ka wukhalo wakwe, e fuma mwanana wa kona Akaziya.

2 Vafumeli 17:16

Se va to leka yotshe milayo ya Mkoma, Txizimu txawe, ve maha sithombe so tshulwa sa marole mambidi; kambe va to maha txithungulu txo vatwa, ni ku khizamela dotshe dibutho da nzumani, ve thumela Bhahali.

Isaya 19:3

Se moya wa Vaegipta wu na guma mtamo mndani kwawe; ani ni na hangalasa txikungo txawe, kambe vona va na ya wotisa ka sithombe sawe, ni ka vanyamsoro, ni ka vahuti, ni ka vanyatixolo.