2 Vafumeli 1:11 - Bhiblia Yo Sawuleka

¹¹ Kambe mfumeli a to engeta kurumela mmwani mthangeli ni vathu va kona va mtxhanu wa magumi; a txi ya m'gela tiya: Awe m'thu wa Txizimu, mfumeli a khene: Txhika ngu kukuluveta.

2 Vafumeli 1:11 Referans Kwoze

Matewu 2:16

Sekoko, ngako Herodha a di woni ti to a kanganyisilwe ngu titxhari, a to henya ngutu, se e rumela kuya dayela votshe vanana va sizambiana va Bhetlehema ni va dotshe ditiko da kona, va tanga ya malembe mambidi ni kuya hahatshi, madingano ni mbimo yi a nga wotisisa ngu yona ka titxhari.

Jeremiya 5:3

O Mkoma, ina maso ako kha ma vereli tinene kani? Awe u va pekile, aniko kha vapfa kupanda. U va lovisile, aniko kha va tumela kulaywa. Va bangisile tikhohe tawe kupinda ni dirigwi Va lambile kuhunduluka.

Isaya 32:7

Kambe siya sa wa likungo si bihile; ene a sika makungo o biha, kasi kuonha vale vo thutha, ngu mapswi awalo, hambi ngako txisiwana txi txi womba ditshuri.

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Mavingu 29:12

Mthangeli wule a engiselako timhaka ta makuhu, a na pimisa taku sotshe sithumi sakwe mbaonhi.

1 Samuwele 6:9

Sekoko wonani: Ngako txi txi kwelela ngu nzila ya m'hingano wa kuya Bheti-Semi, ngu txona Txizimu txi nga hi vangela dikhombo diya da hombe; ani i si ngeto, hi na tiziva taku dianza dakwe kha da hi gwesa, ni ti taku eto ti to hi humelela dwe.

Mitengo 16:41

Aniko mangwanani ka kona, wotshe msengeletano wa vanana va ka Israyeli, wu to ngungurukela wu wukela Mosi ni Aroni, wu txi kha wona: “Anu mi date vathu va Mkoma.”

2 Vafumeli 1:10

Aniko Elija a to xamula ka mthangeli wa mtxhanu wa magumi ku khene: Ngako ani ni di m'thu wa Txizimu, wu na txhike mndilo wa nzumani wu txi kuhisa, ni vathu vako va mtxhanu wa magumi.

2 Vafumeli 1:12

Se Elija a to xamula ku khene: Ngako ani ni di m'thu wa Txizimu, wu nawe mndilo ngu nzumani, wu txi kutshokomisa awe ni vale va mtxhanu wa magumi. Sekoko mndilo wa Txizimu wu to wa ngu nzumani, wu txi ta tshokomisa mthangeli ni vathu vale va mtxhanu wa magumi.