2 Timoti 4:4 - Bhiblia Yo Sawuleka

⁴ Vona va na hambukisa tinzeve tawe ka ditshuri, se va na rendekela mabhulo awalo.

2 Timoti 4:4 Referans Kwoze

Zakariya 7:11

Sekoko vona kha va lava kuengisa, va to ni komba makata o ni nyenya, ve tsiva ni tinzeve tawe, kasi ku va si engisi.

1 Timoti 1:4

va si heti mbimo ngu tikaringane ni kulondetela sibongo so mbi guma, asi si vangako kukanetisana, akuwa ku si vhuniko mthumo wa kuranda ka Txizimu, wu tsimbitiswako ngu kukholwa.

2 Pedro 1:16

Nguko, ku mi gondisa kwathu timhaka ta mtamo ni kuta ka Mkoma wathu Jesu Kristu, kha ta khukhela ka mabhulo o sikwa ngu wutxhari wa m'thu, aniko hi mi gondisile ngu ku hi nga wona wuhombe wakwe ngu maso athu mapune.

1 Timoti 4:7

Kambe nyenya mabhulo o hambana ni likholo i ku sihunga tiso sa sikosana. Ti tolovete wukhongeli.

Mithumo 7:57

Aniko va to maha diguwa da hombe, ve ti tsiva tinzeve, veya mpfinya.

Titosi 1:14

va si ti ningeteli amu ka mabhulo a Vajudha, mwendo ka sileleto sa vathu vo hambana ni ditshuri.

2 Timoti 1:15

Wa tiziva ti to votshe va ku Aziya va ni lekile, hagari kwawe kumaneka Figelusi ni Hermogenesi.

1 Timoti 6:20

Awe Timoti, veketa si u nga vekelwa manzani kwako, tsimbilela kule ni siwombawomba sa walo, ni kukanetisana ngu timhaka ta wuzivi wa makuhu.

Mavingu 1:32

Nguko avale vo pwata mapimo va na dawa ngu kutimela kwawe, se kuhumelela ka siphukuphuku ku na va fuvisa.

Vahebheru 13:25

Makatekwa ma nave ni nanu motshe. Amen.

Isaya 30:10

Va ku kha vona ka tiñanga: Mi nga ti woneni; ni ka vaprofeti va txi kha vona: Mi nga profeteni kwathu ti i ku to lulama; hi geleni ti to tsakisa, kambe mi dingana ku hi guleta;

Matewu 13:15

Nguko timbilu ta vathu vava ti bangile, kambe tinzeve tawe ti tsivekile, maso awe ma vhalekile, kasiku va si woni ngu maso, va si engisi ngu tinzeve, va si pimisi ngu timbilu tawe, va nga thuka ve hunduluka ve mana kuhanyiswa.”

2 Vatesalonika 2:11

Ngu koneho Txizimu txi va lekile ve fumwa ngu mtamo wo xengetela ti to ve tumela ta makuhu;