2 Timoti 4:3 - Bhiblia Yo Sawuleka

³ Nguko yi nata mbimo yi vathu va no mbi dhunda kuengisa gondo ya yinene, aniko, madingano ni mixuvo yawe ni kulava kutsakisa tinzeve tawe, ti nyakatelwako, va na ti lavela mtengo wa vagondisi.

2 Timoti 4:3 Referans Kwoze

1 Timoti 1:10

vamahi va ta nzambwa, vavamna va kumaha to biha ni vamna kulowe, vaxavisi va tikhumbi, vawombi va makuhu, vaxambanyi va makuhu, ni votshe va va mahako totshe ti ti hambanako ni gondo yo hanyisa ya ditshuri,

Vagalatiya 4:16

Se konkuwa ni phindukile ni txi maha mlala kwanu, nguko ni nga mi gela ditshuri kani?

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Luka 6:26

Dikhombo danu, ngako vathu votshe va txi mi dhumisa. Ngu toneto, vatate vawe va nga txi mahisa tona ka vaprofeti va makuhu.”

Mika 2:11

Ku txo maneka wokari wa zumbelo ya walo, e hemba a txi khene: Ani ni na ku profetela ngu vhinya ni wusuke wa mtamo; eyo a na va mprofeti wa vathu vava.

Johani 8:45

Aniko ani, ngu kuwa ni wombako ditshuri, kha mi kholwi kwangu.

1 Vafumeli 18:22

Sekoko Elija a to khene ka vathu: Ngani nokha mprofeti wa Mkoma ni nga sala, kuve vaprofeti va Bhahali i 400 wa vavamna.

1 Vakorinto 2:1

Vanathu, mbimo yi ni nga ta kheyo kwanu, kasi ku ta mi fakazela mapswi a Txizimu, kha na tela ku ta womba-womba mapswi a kutiguleta mwendo o komba wuzivi.

Mithumo 17:21

Kunene votshe va Atena ni vawuyi va va nga ti zumba kona va ti si thumi txilo, hahanze ka kuwomba ni kuengisa timhaka ta tiphya.

Jeremiya 29:8

Nguko Mkoma wa Mabutho a Tiyimbi, Txizimu txa ka Israyeli, a khene: Mi nga lundumisweni ngu vaprofeti vanu, ava va ku hagari kwanu, ni vahuteteli vanu, mi nga dhuke mi txi engisa miloro yawe.

Isaya 28:12

nga kule ni nga khani: Akuwa nguhumula, ningani kuhumula ka kuhumula; se ayiya i mbimo yo ndinda moya; aniko kha va lava kuengisa.

Jeremiya 27:9

Ngu konaho, mi nga dhuke mi txi engisa vaprofeti vanu, ni vale vo hutetela, ni miloro yanu, ni mitimu yanu, hambi matiloti anu, ngako va txi womba kwanu, va txi kha vona: Mi nga thumeleni mfumeli wa Bhabhilona!

Jeremiya 18:18

Sekoko va to kha vona: “Ngonani hi ta maha txikungo txo wukela Jeremiya; nguko vaphaxeli kha va na mbi tandeka ku hi ninga m'layo, hambi txhari ku hi ninga wusungukati, hambi vaprofeti ku hi ninga dipswi. Ngonani hi na ya muhika ngu tidimi tathu, hi si khataleli timhaka takwe.”

1 Vakorinto 2:4

Dipswi dangu ni kutxhumayela kwangu i ti si nga sa kukomba wuzivi wa ha mafuni, aniko i ti mapswi a kutsaniswa ngu Moya ni mtamo wa Txizimu;

Luka 20:19

Se vaphaxeli va hombe ni vabhali va txi lava ku mñola ka txonetxo txikhati, aniko ve thava mtalo wa vathu, nguko va ti pfite ti to a ti mahela vona txidinganiso txiya.

1 Vafumeli 22:18

Sekoko mfumeli wa Israyeli a to khene ka Josafati: Kha na kugela to khani kha na mbi dhuka e profeta ta tinene ngu ngani, hahanze ka to biha kani?

1 Vafumeli 22:8

Sekoko Akabe i ku mfumeli wa Israyeli a to khene ka Josafati: A nga diho wamwamna waku a nga hi wotisela ka Mkoma; aniko ani na mnyenya nguko kha zivi ku nga profeta ta tinene ngu ngani, ndo biha dwe; i Mikaya, mwana Inila. A to khene kha Josafati: U nga wombise eto awe mfumeli.

Eksodha 32:33

Sekoko Mkoma a to khene ka Mosi: “Ni na pfhita amu ka dibhuku dangu awule a nga ni onhela.

Isaya 30:10

Va ku kha vona ka tiñanga: Mi nga ti woneni; ni ka vaprofeti va txi kha vona: Mi nga profeteni kwathu ti i ku to lulama; hi geleni ti to tsakisa, kambe mi dingana ku hi guleta;

2 Timoti 1:13

Londetela mapswi amanene, aawa u nga ma engisa kwangu, ngu likholo ni lirando li li ku ka Kristu Jesu.

Judha 1:18

nguko vona va mi gete va txi kha vona: “Ka masiku o gwitisa, va na humelela vatseketseli, ava va no hanya ngu kulondetela minavelo yawe yo biha.”