2 Timoti 4:17 - Bhiblia Yo Sawuleka

¹⁷ Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.

2 Timoti 4:17 Referans Kwoze

1 Pedro 5:8

Ti pimelani, mi txi ti wonela; nguko Sathani, mlala wanu, wa mi horolokela nga ngonyamo yi yi bhongako, yi txi lava wo m'kakatxula.

Masalmo 22:21

Ni hulukise ka sisofu sa tingonyamo toneto; u txi ni hulukisa ka titxheho ta tinyari ta vamatune.

1 Samuwele 17:37

A to khene kambe Dhavhidha: Mkoma a ni hulukisile manzani ka ngonyamo ni ka ursu; ene a na ni hulukisa manzani ka Mufilista wuwa. Sekoko Sawule a to khene ka Dhavhidha: Tsula, Mkoma a nave ni nawe!

Mithumo 9:15

Kambe Mkoma a ti khene kwakwe: “Tsula, nguko awuwa, ngu txona txiya txi ni nga ti sawulela txona, kasiku hokisa ditina dangu ka vamatiko, ni ka mfumeli, ni ka vanana va Israyeli.

Dhaniyeli 6:22

Txizimu txangu txi rumete Ngelozi ya txona yi ta vhala sisofu sa tingonyamo, kasiku ti si ni mahi txilo, nguko ni manekile ni si na mnandu masoni ka Txizimu; hambi masoni kwako, awe mfumeli, kha ni khali kumaha wubihi ni wawumwewo.

Vahebheru 11:33

Vona, ngu likholo, va xute matiko, va lamute ngu kululama, va mani asi va nga ti thembisilwe sona, va vhate sisofu sa tingonyamo,

Masalmo 109:31

Ene i m'vhikeli wa sisiwana wa si hulukisa ka vale va lavako ku si daya.

Mithumo 23:11

Ka wusiku wa kubandameta, Mkoma a to ti wonekisa ka Paulo, a txi khene kwakwe: “Tsanisa mbilu! Ngako u nga fakazela mhaka yangu Jerusalema, ti fanete kuva u yi fakazela kambe ni ni Roma.”

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

2 Pedro 2:9

Atiya ti womba ti to Mkoma wa sikota kuponisa vathu va wukhongeli ni kuveketa ava vo biha kasi ve ta tsayiswa ngu ditshiku do lamulwa;

Matewu 10:19

Aniko ditshiku di va mi ningelako kwawe, mi nga karatekeni ngu kulava kuziva ati mi no womba tona ni mawombawombelo a kona.

Dhaniyeli 6:27

Txizimu txa hanyisa ni kuhulukisa, txa maha sikombiso ni si xamaliso nzumani ni ha mafuni; Ngu txona txi nga hulukisa Dhaniyeli ka mtamo wa tingonyamo.

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.

2 Timoti 3:11

amu ka sixaniso, ni kuxupheka kuwa ni nga kuziva ni di Antiyokiya, Ikoniyo, ni Listra. Eso sixaniso ni nga si wona! Kambe Mkoma a ni ponisile ka sotshe.

1 Timoti 1:12

Na bonga ka wule a nga ni ninga mtamo, Kristu Jesu, Mkoma wathu, a nga ni wona ni di wo thembeka, a txi ni sawula kasiku ni mthumela,

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

2 Vakorinto 12:9

aniko, ene a ni gete ku khene: “Kateko yangu yi ku enelete. Nguko, mtamo wangu wu tikomba ngu kuhetiseka ahawa ku ku ni kutandeka.” Ngu toneto, ani ni dhunda ku ti dhumisa ngu kutandeka kwangu, kasiku ni na mana kuvhunwa ngu mtamo wa Kristu.

Luka 21:15

nguko ani nipune ni na mi ninga mapswi a wuzivi, ayawa valala vanu va no mbi sikota ku ma xula, hambi ku ma kambula.

Jeremiya 2:30

Ni pekile walo vanana vanu, kha va tumela kukawukwa. Ditxhari danu di date vaprofeti vanu nga ngonyamo yi hasamulako.

Mavingu 28:15

Kufana ni ngonyamo yo bhonga-bhonga, ni ursu yo pfa nzala, ngu toneto a mahisako tona muonhi wule a khozisako sisiwana.

Mavingu 20:2

Kuthisa ka mfumeli kufana ni kubhonga ka ngonyamo; awule a mwuselako kuhenya, o lwisa muhefemulo wakwe apune.

Luka 1:1

Vathu vavangi va duketile kuxawutela ngu mibhalo mahungu awa ma nga humelela hagari kwathu;

Varoma 15:31

kasiku ni huluka manzani ka Vajudha va va si kholwiko, ni ti to txivhuno txiya ni txi yisako Jerusalema txi amukelwa ngu kutsaka ngu vasawuleki va Txizimu.

2 Timoti 2:1

Ngu toneto, awe, mwanangu, tsana ka tikateko ti ti ku ka Kristu Jesu.

2 Timoti 2:9

ayi ni xanisekako ngu mhaka ya yona, ni za ni sungwa ngu tingomondo nga no va txigevenga, kambe dipswi da Txizimu kha di na kusungwa ngu tingomondo.

2 Timoti 4:5

Aniko, awe, zumba u di tsani yotshe mbimo, timisela amu ka sixaniso, ti ningetele ka mthumo wa Evhangeli, hetisa mthumo wako.

Titosi 1:3

atxiya kambe, ka timbimo tiya txi nga ti sikela, txi nga kombisa dipswi da txona, ka mahungu awa ni nga leletwa, madingano ni kuruma ka Txizimu Muhanyisi wathu,