2 Timoti 3:5 - Bhiblia Yo Sawuleka

⁵ Va na nga vo va ni wukhongeli, kasi va lamba mtamo wa wona wukhongeli. Va vayilele evo ni vona.

2 Timoti 3:5 Referans Kwoze

Isaya 29:13

Nguko Mkoma a ti khene: Vathu vava koko va tshuketa hafuhi ni nani, se va ni dhumisa ngu sisofu, aniko timbilu tawe ti kule ni nani, ni txithavo txawe kwangu, nja kulondeta milayo ya vathu dwe, ayi va nga gondiswa yona;

Titosi 1:16

Va womba ti to va txi ziva Txizimu, aniko va txi lamba ngu mahanyelo awe, nguko va nyenyeza, nzindaka milayo, kha va sikoti kumaha mthumo ni wawumwewo wa wunene.

1 Timoti 5:8

Awu asi khataleliko maxaka akwe, ngutu-ngutu ava i ku va mwaya wakwe, eyo a kanetile likholo, a bihile ngutu kupinda dihedheni.

Matewu 7:15

“Ti woneleni ka vaprofeti va makuhu, va tako kwanu va di ambate madhowo a tinvuta, kasi timbiluni kwawe maxolwa ma vhandamulako.

Titosi 3:10

M'thu wu a vangako mibhando hagari ka makholwa, mkawuke kamweko mwendo kumbidi; a txi lamba msana keto, u nga mkhatalele;

2 Timoti 2:16

Hambana ni mabhulo awalo, o mbi na wukhongeli, nguko ava va ma dhundako, va na ya masoni ngu kunyenya Txizimu,

2 Timoti 2:23

Nyenya kukanetisana ka wuphukuphuku, ku si vhuniko txilo. Wa tiziva ti taku eto ti va nga mazunga.

1 Timoti 6:5

kubhongelana ko mbi guma hagari ka vathu va mapimo o hambaneka, ava va ku si nga ni ditshuri, nguko va pimisa ti to wukhongeli njisima txa dibhindu.

Vaefesu 4:14

Kasiku hi si swi hi maha vanana va va pengiswako ngu mavimbi, ve pepulwa ngu timoya ta gondo ya kukanganyisa ka vathu, ni marindi awe ma hi timetako.

2 Vatesalonika 3:6

Ha mi leleta, vanathu, ngu ditina da Mkoma Jesu Kristu, ti to mi txi hambana ni mwanathu wuhi ni wuhi asi londiseliko nzila ya mlayo, a hambanako ni tigondo ti hi nga mi ninga tona.

2 Vatesalonika 3:14

Ngako m'thu a txi kanyisa ati hi bhalako ka dipapilo diya, muwonisiseni, mi nga khataleni txilo ngu ngene, kasiku a na wiswa tingana.

1 Timoti 4:7

Kambe nyenya mabhulo o hambana ni likholo i ku sihunga tiso sa sikosana. Ti tolovete wukhongeli.

1 Timoti 4:8

Nguko ku ti toloveta ka mithumo ya mmidi kuvhuna ka kudotho, kasi ku ti toloveta ka mithumo ya wukhongeli kuvhuna ka totshe, nguko ku na ni txithembiso txa wutomi wa konkuwa ni wa mbimo yi yi tako.