2 Timoti 3:3 - Bhiblia Yo Sawuleka

³ ava vo mbina lirando, vo mbina kutsetselela, valumbeti, vo mbi ti ñola, va tshofu, valala va ti i ku to lulama,

2 Timoti 3:3 Referans Kwoze

Judha 1:18

nguko vona va mi gete va txi kha vona: “Ka masiku o gwitisa, va na humelela vatseketseli, ava va no hanya ngu kulondetela minavelo yawe yo biha.”

Varoma 1:31

mahundwa, vaongi vo mbi na wuxaka,

Matewu 10:21

“Mwanawe a na ningela mmwani mwanawe kudawani; ni tate a na ningela mwanana wakwe; vanana va na wukela vaveleki vawe, va txi va daya.

2 Pedro 2:14

Maso awe ma tate ngu wugango, kha ma kolwi ngu sionho; se va lava ku ndindela txionhoni ava i ku vo mbi tsana; mbilu yawe yi tolovete makolo. Vona mbanana vo ruketelwa.

1 Timoti 3:11

Vavasikati ni vona, kulaveka i di vo ti ñola, vo thembeka ka totshe tinzila.

Matewu 4:1

Sekoko Jesu a to yiswa txiwulani ngu Moya wo Sawuleka, kasi a txi ya dukwa ngu Sathani.

Dhaniyeli 8:23

Kambe magwito ka kufuma kwakwe, mbimo yi vaonhi va no heta kufuma, ku na huma mfumeli wa khohe yo thisa, wa wutxhari wo ziva ngutu kutxhamusela sihunja.

Mtuletelo 17:6

Se ni to wona ti to wamsikati a ti levile ngu mnoha wa vasawuleki ni mnoha wa tifakazi ta Jesu. Ngako ni txi mu wona ni to tala ngu kuxamala ngutu.

Mtuletelo 16:6

Nguko avava ngako va nga theketa mnoha wa vasawuleki ni vaprofeti, na nawe u va ningile mnoha ve sela. Va ni fanelo yeto.

Mtuletelo 13:17

Kasiku ni mmweyo asi sikoti kuxava mwendo kuxavisa, ngako a si nga ni txixambanyo, ditina da txikalani mwendo txibalo txa ditina da txona.

Mtuletelo 13:15

Txi ningilwe kambe ku wuleta moya mndani ka txithombe txa txikalani txo khata, ahawa koza txithombe txi sikota kuwombawomba ni kumaha ti to ve fa votshe vale va lambako ku khizamela txithombe txa txikalani.

Judha 1:16

Avava i ku vathu vo ngungurukela, va kuzumba ngu kuvilela, va hanyako ngu kulondetela minavelo yawe yo biha; sisofu sawe si womba-womba mapswi o tikulisa, kambe i vathu va kuxengetela, ngako va txi lava kuwuyelwa.

2 Pedro 3:3

Kukhata, mi fanete kuziva ti to ka masiku o gwitisa va na humelela vatseketseli ni sipoyilo sawe, va txi hanyisa ku ambi ti pimela, madingano ni minavelo yawe yo biha.

Jakobe 2:6

Aniko, anu mi nyenyile txisiwana! Se ina hi nga vanyatithombe va mi tsotsorolako kani? Vonavo va mi ndindako ve mi yisa kuthethiswani kani?

Titosi 2:3

Vavasikati va masungukati ni vona va fanela kuhanya ngu nzila yi yi hanelako vathu vo sawuleka; va nga mahe valumbeti kumbe ku ti maha tikhumbi ta kusela ko pindisa;

Titosi 1:8

Kulaveka a txi ziva kuamukela vapfhumba, i di wamnene, wa kutipimela wo lulama, wa kusawuleka, wa kutiñola ka to biha,

1 Vatesalonika 4:8

Ngu toneto, awu a nyenyako gondo yiya, kha nyenyi m'thu, aniko a nyenya Txizimu, txona txi ka ditshuri, txi mi ningako Moya wa txona wo Sawuleka.

1 Vakorinto 7:9

Aniko, kungako va si sikoti, va na amukele mtekano. Nguko i txhuko kutekana kupinda kuhya ngu kunavela.

1 Vakorinto 7:5

Mi nga tonaneni, hahanze ka kuva mi txi pfana ngu wumbidi wanu ngu mbimwanyana, kasiku mi sikota ku ti ningela mkombeloni. Mi di gwitile, tshanganani kambe, kasiku Sathani asi mi duki ngu ku ambi ti ñola kwanu.

Johani 6:70

Jesu a to xamula a txi khene: “Ina hi nga ani ni nga mi sawula, anu va Digumi ni Vambidi kani? Hambi keto mmweyo wanu i Sathani.”

Luka 16:14

Vafarisi va i ku vathu va makolo ni male, va ti tiengisa totshe timhaketo, se ve mu seka.

Luka 10:16

Awu a mi engisako a engisa ani; awu a mi nyenyako, a nyenya ani; se awu a nyenyako ani, a nyenya wu a nga ni ruma.”

Isaya 60:14

Kambe va nata ve ta nama kwako, vanana va vale va nga kuxanisa, ve ta khizama mikondoni kwako, votshe vale va nga kutxhipisa, se va na kudhana ku Didhoropa da Mkoma, i ku Siyoni wa Msawuleki wa Israyeli.

Isaya 53:3

A ti ti txhipiswa, kambe i ti ti wo nyenywa ngutu hagari ka vathu, m'thu wa mipando, wo ziva ngutu kuthuma, awule vathu va nga txi ti fenengeta tikhohe, a ti ti txhipiswa, kambe kha ha khatala ngu tona ni ka kudotho.

Masalmo 22:6

Aniko ani ni mbungu, kha ni nga m'thu, ni txisekiso masoni ka vathu, na eyiswa ngu ditiko.

Genesisi 49:7

Yi na va wuyisele dikhombo tshofu yawe ya kwa mbi dinganiswa, txi na mahe dikhombo txiviti txa wurena wawe. Ani ni na va hangalasa hagari ka ditiko da Israyeli.

2 Pedro 2:19

na va txi va thembisa kuhuluka, kasi vona ndikhumbi ta wuonhi, nguko mmweyo ni mmweyo i khumbi ya sile si m'xulako.

Masalmo 15:4

awule a solako ava vo biha, aniko a txi dhunda avale va thavako Mkoma; awule a mahako ti a nga thembisa, hambi ene a txi luzekelwa;

Varoma 1:29

Va taletwe ngu kwa mbi lulama, ni tshofu, ni timbiti, ni wubihi; va taletwe ngu livengo, wugevenga, kunyenyana, kukanganyisa, ku kujetela, kulumbeta;