2 Timoti 3:2 - Bhiblia Yo Sawuleka

² Nguko vathu va na va vo ti randa vapune, vanyatimbiti, va ku ti mahisa, va kutikulisa, varuketeli, vaeyisi va vaveleki, vo mbi ziva kubonga, va vo mbi khongela,

2 Timoti 3:2 Referans Kwoze

Vafilipiya 2:21

Votshe va khatalela wutomi wawe, i si nga timhaka ta Jesu Kristu.

Masalmo 10:3

M'thu wa kubiha wa ti dhumisa ngu minavelo yakwe; m'thu wa makolo wa ruketela ni kunyenya Mkoma.

Judha 1:16

Avava i ku vathu vo ngungurukela, va kuzumba ngu kuvilela, va hanyako ngu kulondetela minavelo yawe yo biha; sisofu sawe si womba-womba mapswi o tikulisa, kambe i vathu va kuxengetela, ngako va txi lava kuwuyelwa.

2 Timoti 3:4

vaningeli va vakwawe, vathu vo mbina txithavo, vo ti guleta, ava va randako ngutu so tsakisa nyama kupinda kuranda Txizimu.

1 Timoti 6:10

Nguko kuranda ngutu male, ngu wona mkoloti wa totshe tixaka ta wubihi; ngu mhaka ya kona kunavela kuwa ko mbi na mpimo, vamwani va hambani ni likholo, ve ti nemeta vapune ngu kuvilela ko tala.

2 Pedro 2:18

Nguko, ngu kuwombawomba mapswi a kutiguleta, ni o mbi nyawula, va riyela ngu minavelo ya mmidi ni kukanganyisa, avale va nga ti ngadi kuhuma ka vale va hanyako kukanganyiswani;

Jakobe 4:6

Txona Txizimu txa hi ninga tikateko ta tingi ngutu, madingano ni dipswi da mibhalo, adi di wombako tito: “Txizimu txi lambela ava va ti kulisako, aniko txi ninga tikateko ta txona ava va kutiveka hahatshi.”

Vakolosa 3:5

Ngu toneto, ha mmidini kwanu, dayani asi i ku sa mafu: Wugango, mahanyelo a nzambwa, makolo, mixuvo yo biha, likungo, li fanako ni kukhozela siwumbwa.

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

1 Timoti 6:4

a maha eto ngu mhaka ya kutikulisa, kha zivi txilo, i m'thu wo lwala a tsimbilako a txi wusa mazunga ni kukanetisana ka mapswi. Ngu konaho ku tumbulukako livengo, mazunga, kuruketela Txizimu, kualakanyela vamwani to biha,

Luka 12:15

Se a txi khene kwawe: “Ti woneleni ta tinene ka hanyelo ya timbiti, nguko hambi m'thu a di taletwe ngu thomba, wutomi wakwe kha wu tsaniswi ngu si a ku naso.”

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.

Mtuletelo 16:11

Se ve ruketela Txizimu txa nzumani ngu mhaka ya kupandiseka kwawe ni silonda sawe. Aniko kha va hunduluka ka mahanyelo awe.

2 Pedro 2:12

Kambe avava, kufana ni sihari si si ziviko, asi ngu mtumbuluko wa sona si nga mahelwa kusekelwa ni kudawa, ngako va ruketelako atxile va si txi ziviko, va na fisa ku nga sona sihariso.

2 Pedro 2:3

Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

Jakobe 4:16

Kambe konkuwa, ma ti guleta ngu mapimo anu aku ti themba: Kasi kotshe kutiguleta ko nga tiya, ku bihile.

2 Vatesalonika 2:4

awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

Varoma 11:18

u nga ti kukumukisa txitimwi ka mamwani madhavi; ziva ti to hi nga awe u rwalako mkoloti, aniko mkoloti ngu wona wu ku rwalako awe.

Dhaniyeli 7:25

Se a na womba mapswi o wukela Nyatxitimwi, e hangalasa vasawuleki va Nyatxitimwi, kambe a na phemberusa timbimo ni milayo; vasawuleki va na ningelwa manzani kwakwe ngu mbimo yokari, ni timbimo, ni hafu ya mbimo.

Mtuletelo 16:21

ma to wa ngu nzumani, me wela vathu, maralala o nemela nga titalenta, se vathu ve khata kuruketela Txizimu ngu mhaka ya ntungu wa maralala, nguko i ti wa hombe ngutu.

Jakobe 2:8

Ngu toneto, ngako mi txi veketa mlayo wu i ku wa hombe ka yotshe, madingano ni Mibhalo yi yi ku kha yona: “U na randa muakelani nga ti u ti randisako tona,” eho mi maha ta tinene.

1 Timoti 3:3

i si nga disela mwendo m'thu wa mazunga, aniko a nave i di wo dikha, a si nga ni wukhuxu ni timbiti.

1 Timoti 1:20

Hagari ka vonavo kumaneka Himenewu ni Alexandre, ava ni nga va ningela ka Sathani, kasiku ve gonda ku ambi ngadi ve ruketela Txizimu.

Mithumo 5:36

Nguko hi nga kale ngutu a nga humelela Tewudhasi, awu a nga txi ti maha nombwe wokari, awu a nga ndinda vathu vo lava kudingana mune wa mazana; aniko a datwe, se ava va nga ti ema nayo va hangalakile votshe, ve fuva.

Luka 16:14

Vafarisi va i ku vathu va makolo ni male, va ti tiengisa totshe timhaketo, se ve mu seka.

Mtuletelo 16:9

Se vathu ve hya ngu kuhisa ka hombe, ve khata kuruketela ditina da Txizimu, txi txi ku ni mtamo txitimwi ka mitungu yiya. Kambe kha va hunduluka ve txi pfalisa.

Mtuletelo 13:1

Konako, ni to wona txikalani txi nga pfukula ngu lineneni, txi di ni digumi da titxheho ni mtxhanu wa misungo ni mimbidi. Txitimwi ka titxheho ku ti ni digumi da mibhoti, se txitimwi ka misungo, ku ti ni ditina do ruketela Txizimu.

2 Vakorinto 5:15

Ene a fete votshe, kasiku votshe va va hanyako, va si swi va txi ti hanyela vona ngu txawe, aniko ve hanyela awule a nga va fela, a txi tshumela e wuka ka vakufa ngu kota yawe.

Matewu 15:6

khaswi a txi kurumetwa kuvhuna tate wakwe mwendo mame wakwe.’ Ngu toneto, mi onhile Mlayo wa Txizimu, ngu sihena sanu.

Isaya 10:15

Ina ditxhapu di nga ti dhumisa ka wule a gangako ngu dona kani? Ni disaho di nga ti kulisa ka wule a sahako ngu dona kani? Ku txi nga mtxheketelo wu nga zinginisa avale va wu guletako, mwendo ndonga yi nga guleta wule i singako phande!

Mavingu 6:17

Maso o ti guleta, lidimi la makuhu, manza o theketa mnoha wo mbi na mnandu,

Masalmo 49:6

Vona va themba tithomba tawe, va ti kukumukisa ngu suma si va ku naso.

Masalmo 52:1

Ngu kutxani u txi ti guleta mu kubihani kwako, kani? Lirando la Txizimu kha li gumi!

Luka 6:35

Kasi i di anu, randani valala vanu, mahani wunene, mi txi lombisa simaha sanu ka vamwani, hambi mi si rinzeli kutshumetelwa ngu vona. Kudihelwa kwanu ku nava ka hombe, mi na va mi di vanana va Nyatxitimwi, nguko Ene wa maha wunene ka vale va si ziviko kubonga ni ka vale va tshofu.

1 Timoti 1:9

na hi txi tiziva ti to wona kha wa vekelwa ava vo lulama, aniko wu veketwe ava vo biha ni vaeyisi, ava va si thaviko Txizimu, ni vaonhi ni vamahi va to yila ni va va mahako to nyenyeza ngu sa Txizimu, ava va dayako vatate vawe ni vamame vawe, ni vadayi va vathu;

2 Pedro 2:10

ngutu-ngutu avale va londetelako kunavela ka nzambwa, va txi ti ningela ka minavelo yo nyenyeza, va txi eyisa ni wuhi wukoma. Vathuvo va ti themba ngutu, va ti kukumukisa, kha va thavi kuruketela sivangwa so sawuleka sa txitimwi.