2 Timoti 3:16 - Bhiblia Yo Sawuleka

¹⁶ Yotshe Mibhalo yi pimisilwe ngu Txizimu, ya vhuna kugondisa, kulaya, ni kukawuka ni kutolovetisa tinzila to lulama;

2 Timoti 3:16 Referans Kwoze

Varoma 15:4

Se totshe ti ti nga bhalwa kale, ti bhaletwe ku ti txi hi gondisa; kasiku hi mana txithembo ngu kuhonisela ni thavelelo yi hi yi manako amu ka Mibhalo.

Vahebheru 4:12

Dipswi da Txizimu da hanya, di ni mtamo. Da hinda kupinda ditxhari do lotwa ka otshe madhawa, dona da milela mndani, kala kuya abanisa mmidi ni moya, kala kuya thola matshanganoni ka marambu ni mndani ka wuluvi, di ya tumbula mialakanyo ni makungo a mbilu.

Marku 12:24

Jesu a to va xamula a txi khene “Ina kha mi timeli ngu kuwa mi si ziviko mibhalo ni mtamo wa Txizimu kani?

Masalmo 119:9

Di na sikotisa kutxani dijaha kululamisa nzila ya wutomi wa dona kani? Ngu kuva di txi xayisa sileleto sako!

Mavingu 6:23

Nguko txirumo ndilambu, se mlayo liwoningo, kambe kukawuka ko lulamisa i nzila ya wutomi,

2 Timoti 4:2

Txhumayela dipswi, khutala ka mbimo yi yi fanelako ni ka mbimo yi yi si faneliko; kawuka, laya, gondisa ngu kuhonisela ni wuzivi.

Masalmo 119:11

Ni vekile mbiluni kwangu mahungu ako, kasi ku ni si ku onheli.

Masalmo 119:130

Txhamuselo ya mapswi ako ya tula maso, ya ninga mapimo ka sisiwana.

2 Samuwele 23:2

Moya wa Mkoma u wombawombile ngu ngani, ni dipswi dakwe di ti ti txisofuni kwangu.

Mavingu 15:31

Awule a engisako milayo yo hanyisa, a na aka m'ti hagari ka titxhari.

2 Timoti 2:25

U fanete kulaya kha kwati ava va kanetako, ngu kurinzela ti to Txizimu txi na va ninga mtamo wa kuhunduluka,

Dhewuteronome 4:36

Ene Mkoma a mahile ti to u txi engisa dipswi dakwe a di nzumani, kasi ku a txi kugondisa. Ene a mahile ti to u txi wona mndilo wakwe wa hombe kona ha mafuni, ni kuengisa mapswi akwe ma txi huma ngu hagari ka mndilo.

Mithumo 20:20

Txi walo ni txa tximwetxo ni nga mi sisela ka sile ni nga tiziva ti to sa mi vhuna; aniko ni txhumayete, ni mi gondisile masoni ka vathu ni tinyumbani kwanu;

Johani 3:20

Nguko wuhi ni wuhi a mahako kubiha a nyenyana ni kuwonekela, kambe kha ti kuwonekelani, kufela ku mithumo yakwe yi si landulwi.

Matewu 13:52

Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”

Mithumo 18:25

A ti gondisilwe nzila ya Mkoma, se ngu kukhutala kwakwe moyani a ti womba-womba ni kugondisa timhaka ta Jesu, ngu longoloko ya yinene, hambiko a nga ti ko ziva txibhabhatiso txa Johani dwe. Ngu konaho Apolosi a to khata kuwombawomba disinagogani, asi thavi txilo.

Varoma 2:20

u mlayi wa va va si ziviko, m'gondisi wa vanana, ngako u ku ni txiemo txa kukomba wuzivi ni ditshuri amu ka mlayo;

Nehemiya 9:20

Se u va ningile moya wako wa wunene, kuve gondisa ngu wona; hambi manna ako khu ya thavisa txisofuni kwawe; ni mati o sela u va ningile.

Vagalatiya 3:8

Mibhalo ni yona, ngu kusongolela ku ti wona ti to Txizimu txi na hundulusa vamatiko ve maha valulami ngu kukholwa, yi zivisile ka Abrahamu mahungu awa amanene, yi txi kha yona: “Yotshe mifumo yi na katekiswa ngu kota yako.”

Vahebheru 3:7

Ngu toneto, Moya wo Sawuleka wa womba wu txi kha wona: “Nyamsi, ngako mi txi engisa dipswi da Txizimu,

1 Vakorinto 12:7

Kambe mmwani ni mmwani a ningwa sihiwa sa kuwonekisa Moya, kasiku e vhuna votshe.

Mithumo 20:27

Nguko kha ni zivi kutshumelela msana, yihi ni yihi mbimo ti nga ti laveka kutxhumayela otshe mahungu a Txizimu.

Mavingu 15:10

Kukawuka kuho txitimwi ka wule a lekako nzila, se wule a nyenyako silayo, a na fa.

Johani 10:35

Amu ka Mlayo va dhanwa ku i sizimu ava dipswi da Txizimu di nga rumelwa kwawe; se awalo wu a sikotako kufuvisa Mibhalo.

Matewu 26:56

Sekoko totshe tiya, ti mahekile kasi kutatiseka Mibhalo ya vaprofeti.” Ngu konaho votshe vagondiswa, va to mleka, ve thava.

Mithumo 1:16

“Vavamna va khe kwathu, yi ti ni fanelo ya kutatiseka Mibhalo yi yi nga profetwa kale ngu Moya wo Sawuleka, ngu txisofu txa Dhavhidha, ayi yi wombako ngu Judha, awu a nga ti maha mthangeli wa vale va nga ñola Jesu.

Matewu 21:42

Jesu a to va gela a txi khene: “Kasi kha ma gonda ka Mibhalo ti taku: ‘Dirigwi dile di nga lambwa ngu vaaki di tshumete di maha dirigwi da hombe do tsanisa. Atiya ti mahilwe ngu Mkoma kambe ta xamalisa masoni kwathu.’

Varoma 4:23

Kha ta bhalelwa ene dwe tito: “A wombilwe mlulami,”

Vahebheru 11:1

Likholo njitsaniso txa kumana simaha si hi si rinzelako, kambe njikombiso txa sile hi si si woniko.

Varoma 3:2

Kasi wukwera wu vhuna txani? Wa vhuna ngutu ngu otshe madhawa. Mhaka yo khata ngu kuwa sithembiso sa Txizimu si nga vekwa manzani kwawe.

Mithumo 28:25

Se ngako va nga ti si pfani, va to khata kuhangalaka. Se Paulo a to va gela dipswi dimwedo, a txi khene: “Ngu ditshuri, Moya wo Sawuleka wu wombile ngu txisofu txa mprofeti Isaya ka vatate vanu, wu txi kha wona:

Marku 12:36

Kasi Dhavhidha ene a wombile ngu Moya wo Sawuleka, a txi khene: ‘Mkoma a ti khene ka Mkoma wangu: Khalahatsha txineneni kwangu kala ni maha valala vako txikhigetelo txa mikondo yako.’

Mika 2:7

O, anu mi dhanwako ku nyumba ya Jakobe, ina wu khala ku hungulwa Moya wa Mkoma kani? Ngu yona yiya mithumo yakwe kani? Ina mapswi angu hi nga manene ka wule a tsimbilako ngu kululama kani?

Matewu 26:54

Se yi na tatisekisa kutxani Mibhalo yi yi wombako ti taku: Totshe tiya ti fanela kumaheka?”

Matewu 22:43

Se ene a to va gela ku khene: “Se ti mahisa kutxani Dhavhidha ngu kuwoningwa ngu Moya wo Sawuleka a m'dhanako ku i Mkoma ngu mapswi awa:”

Dhewuteronome 29:29

Simaha so sisala si lumba Mkoma, Txizimu txathu; aniko simaha si si wonekako, si lumba athu ni vanana vathu, yotshe mbimo, kasi ku hi na xayisa mapswi a mlayo wuwa.

Zefaniya 3:2

Kha di engisi dipswi, kha di tumeli kukawukwa, kha di thembi Mkoma, hambi kutshuketa ka Txizimu txa dona.