2 Timoti 3:12 - Bhiblia Yo Sawuleka

¹² Kha ditshuri, votshe va va lavako kuhanya ngu wukhongeli ngu ka Kristu Jesu, va na xaniswa.

2 Timoti 3:12 Referans Kwoze

1 Pedro 3:14

Kambe ngako mi txi xaniswa ngu mhaka ya kululama, mi katekile. Mi nga thaveni kudhukisela kwawe, kambe mi nga karatekeni.

Mithumo 14:22

Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.

Matewu 16:24

Sekoko konaho, Jesu a to gela vagondiswa vakwe a txi khene: “Ngako m'thu a txi lava ku ni londisa, a na ti leke, e pakata txihambano txakwe, a txi ni londisa.

Johani 16:2

Va na mi tovela masinagogani. Kambe ya ta mbimo yi, awu a no mi daya, a no pimisa ti to a thumela Txizimu.

Johani 16:33

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

Marku 10:30

awu a no mbi amukela, ka txona txikhati txa nyamsi, 100 da tinyumba, da vanawe, da tindiya, da vamame, da vanana mwendo da tithembwe, kumweko ni sixaniso; se ka txhikhati txi txi tako, wutomi wo mbi guma.

Titosi 2:12

yona yi hi gondisa kuhambana ni to biha ni minavelo yo biha ya ditiko, ti to hi txi hanya ngu kutipimela ni kululama ni txithavo ditikoni muwa,

2 Pedro 3:11

Akuwa ku no hya sotshe simaha siya si txi guma, anu mi fanete kuva ni mahanyelo o sawuleka a wukhongeli,

1 Vakorinto 15:19

Ngako txithembo txathu ka Kristu i di txa kugwitela ka wona wutomi wa ha mafuni muwa dwe, tikomba ti to hi vathu va va fanelako kutsetswa ngu dotshe ditiko.

Mtuletelo 12:4

Mkila wakwe wu txi wungeleta mpimo wa wuraru wa tinyeleti ta nzumani wu txi ti rinza ha mafuni. Mwamilambo a txi khalahatsha masoni ka wule wa msikati, a nga ti hafuhi ni kuveleka, kufela kukhadamula mwanana wule a nga ti lava kuvelekwa.

Mtuletelo 7:14

Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.

Titosi 1:1

Ani Paulo, txithumi txa Txizimu, mpostoli wa Jesu Kristu, ni nga rumelwa kuhokisa vasawuleki va Txizimu kukholwani ni kuziva ditshuri diya di gondiswako ngu wukhongeli wathu,

1 Timoti 6:3

Ngako mmwani a txi gondisa to hambana, asi londeteli gondo ya Mkoma wathu Jesu Kristu ni gondo ya wukhongeli,

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

1 Timoti 2:2

Kombelelani vafumeli ni votshe vale va fumako, ti to hi txi mana kuhanya ngu kurula ni kuzumbiseka, ngu wunene ni wululamo.

2 Vakorinto 1:12

Nguko wudhumo wathu ngu wuwa: Wufakazi wa livhalo lathu waku, hi hanyile hagari ka vathu, ngu ditshuri ni kuthembeka ka Txizimu, na i si nga ngu wutxhari wa vathu, aniko ngu makatekwa a Txizimu, hi hanyile ha mafuni ngutu-ngutu kumweko ni nanu.

Johani 17:14

Ni va ningile dipswi dako, se ditiko da va vengela, nguko hi nga va dona ditiko, nga ani ni ku si nga wa ditiko.

Matewu 23:34

“Ngu konaho, na mi rumela vaprofeti, titxhari ni vabhali. Mi na daya vamwani kwawe mi va bethela ha txihambanoni, mi na kwapela vamwani masinagogani kwanu, mi na va xanisa va txi pepeseka ngu ka didhoropa ni didhoropa.

Joxuwa 17:14

Sekoko vanana va ka Josefa, va to ya ka Joxuwa va txi ya kha vona: “Ngu kutxani u txi hi ninga thomba ya txyavelo txatxidotho txa ditiko dimwedo ni wukhalo wumwewo dwe, kuve athu hi vathu vavangi, nga ti Mkoma a nga hi katekisa kala nyamsi kani?”

2 Vakorinto 4:9

Ha xuphwa, aniko, kha hi tshotshi likholo lathu. Ha vengelwa, aniko, kha hi fuviswi;