2 Timoti 3:11 - Bhiblia Yo Sawuleka

¹¹ amu ka sixaniso, ni kuxupheka kuwa ni nga kuziva ni di Antiyokiya, Ikoniyo, ni Listra. Eso sixaniso ni nga si wona! Kambe Mkoma a ni ponisile ka sotshe.

2 Timoti 3:11 Referans Kwoze

Masalmo 34:19

Vathu vo lulama va dukwa ngu sixaniso so tala, aniko Mkoma wa va hulukisa ka sotshe.

Mithumo 13:45

Sekoko ngu kuwona dibutho da vathu, Vajudha va to tala ngu kubavela, se va txi angula ngu siruko ka timhaka tiya Paulo a nga ti womba-womba ngu tona.

2 Pedro 2:9

Atiya ti womba ti to Mkoma wa sikota kuponisa vathu va wukhongeli ni kuveketa ava vo biha kasi ve ta tsayiswa ngu ditshiku do lamulwa;

2 Timoti 4:7

Ni lwite yimbi ya yinene, ni hetile mnava wa kututuma kwangu, ni veketile likholo.

Mithumo 26:22

Kambe, ngu kuvhunwa ngu Txizimu, ni tsanisete kala ditshiku da nyamsi, ni txi fakaza ka va vavadotho ni ka va va hombe; kha na womba timwani hahanze ka tiya Mosi ni Vaprofeti va nga womba ku ti na humelela,

Mithumo 26:17

Ni na kuhulukisa manzani ka vathu va ditiko diya, ni ka vamatiko vava ni ku rumelako kwawe;

Mithumo 23:10

Ngako dizunga di nga ti engeteleka, nduna yi to thava ku va nga nda phatulela Paulo, se yi rumela ku masotxhwa ma na kwitime mata mu honyola manzani kwawe, me mu tshumetela khokholani.

Mithumo 20:19

Ni thumete Mkoma ngu kutiveka hahatshi ni kudila mirongo ni siduko si si nga ni humelela, si txi wuswa ngu mazunga a Vajudha.

Mithumo 13:14

Vona va to tshawunyeta ve pinda Perga, ve tsimbila veya hoka Antiyokiya ka Pisidhiya. Ngu ditshiku da Sabbata va to wulela disinagogani ve khalahatsha.

Mithumo 9:16

Ani nipune ni na mu kombisa ti a fanelako kuxanisekisa tona ngu mhaka ya ditina dangu.”

Dhaniyeli 6:27

Txizimu txa hanyisa ni kuhulukisa, txa maha sikombiso ni si xamaliso nzumani ni ha mafuni; Ngu txona txi nga hulukisa Dhaniyeli ka mtamo wa tingonyamo.

Jeremiya 1:19

Va na lwa ni nawe, aniko kha va na mbi kuxula; nguko ani ni kumweko ni nawe, kasi ku kuhulukisa, kuwomba Mkoma.”

Isaya 43:2

Ngako u txi txhatuka matini, ni na va ni nawe, hambi u txi txhatuka minambo, kha yi na mbi kumita; ngako u txi pinda ngu ha mndiloni, khu na mbi hya, hambi m'dhikila kha wu na mbi kuhisa.

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Masalmo 91:14

Nguko Txizimu txi kha txona: “Ni na hulukisa vale va ni randako, ni na va vhikela, nguko va ni ziva ti to ni Mkoma.

Masalmo 37:40

Mkoma wa va vhuna ni ku va hulukisa; ene wa va vhikela ka vabihi, a txi va hanyisa, nguko vona va themba ene.

2 Samuwele 22:49

kambe txi ni thavisako hagari ka valala vangu, se awe wa ni guleta txitimwi ka vale va ni wukelako; u ni txhatxhisa ka m'thu wa mtamo.

2 Samuwele 22:1

Se Dhavhidha a to womba ka Mkoma mapswi a ndando yiya, ka ditshiku dile Mkoma a nga mtxhatxhisa manzani ka votshe valala vakwe ni manzani ka Sawule.

Genesisi 48:16

Ngelozi yi yi nga ni hulukisa ka to biha, yi na katekisa vafana vava, ngu konaho kwakwe ditina dangu di na simame di txi ya masoni, kumweko ni ditina da Abrahamu ni Isaake, i ku vatate vangu; vafana vava va na kule va txi anda ha mafuni.

Mithumo 14:8

A ti ti ho m'thu didhoropani ka Listra, awu a nga ti lemate minenge; nguko i ti txilima kukhukhela kuvelekwani kwakwe, txima a ti si zivi kutsimbila.

Varoma 15:31

kasiku ni huluka manzani ka Vajudha va va si kholwiko, ni ti to txivhuno txiya ni txi yisako Jerusalema txi amukelwa ngu kutsaka ngu vasawuleki va Txizimu.

2 Vakorinto 1:5

Nguko, ngako sixaniso sa Kristu si hi talelako, ngu toneto, thavelelo yathu ni yona ya engeteleka ngu kota yakwe Kristu.

2 Vakorinto 1:7

Ngu toneto, themba yathu kwanu yi tsani, ngu kuziva tito, ngako mi sengelako ni nathu kuxanisekani, mi na va kumweko ni nathu ni kona kuthavelelwani.

2 Vakorinto 12:10

Ani na tsaka kutandekani kwangu, kurukwani kwangu, kupwatani kwangu, kunyenywani kwangu, kuxanisekani kwangu, ngu mhaka ya Kristu. Nguko, mbimo yi ni pfako kutandeka, nguyo mbimo ni ku ni mtamo.