2 Timoti 2:7 - Bhiblia Yo Sawuleka

⁷ Engisa ti ni wombako, se Mkoma a na kuninga kuziva totshe timhaketo.

2 Timoti 2:7 Referans Kwoze

Jakobe 1:5

Se ngako mmweyo wanu a txi pwata wutxhari a na wu kombele ka Txizimu, atxi txi ningako votshe vathu ngu wunene, na txi si feleli, a na ningwa.

1 Johani 5:20

Athu ha tiziva ti to a tile Mwanana wa Txizimu, e ta hi ninga mapimo, kasi kuziva Txizimu txa ditshuri. Se athu hi maneka hi di tshangani ni Txizimu txi i ku txa ditshuri, ngu konaho ka Mwanana wa txona Jesu Kristu. Awuwa ngene i ku Txizimu txa ditshuri ni wutomi wo mbi guma.

Luka 24:45

Sekoko a to va tula mapimo awe, kasiku ve mana kupfisisa Mibhalo;

Johani 14:26

Kambe Mthaveleli, i ku Moya wo Sawuleka, awu Tate a no mi rumela ngu ditina dangu, ene a nata mi gondisa sotshe simaha ni ku mi alakanyisa totshe ti ni khalako ku mi gela.”

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

1 Timoti 4:15

Atiya ngu tona u fanelako ku ti veketa hakhana. Atiya ngu tona u fanelako kutsanisela ka tona. U txi hanyisa tiya, kukula kwako ka mithumo ya yinene ku na tikomba ka votshe.

Vakolosa 1:9

Ngu konaho, nathu, txima hi txi engisa toneto, kha ha humula ku mi khongelela ni ku mi kombelela, ti to mi txi tala ngu wuzivi wa kuranda kwakwe, ni wutxhari wotshe, ni kualakanya kotshe ka Moya;

Johani 16:13

Kambe mbimo yi a nota ene wule, i ku Moya wa ditshuri, ngene a nota mi gondisa dotshe ditshuri, nguko kha na mbi ta womba-womba ngu kwakwe, aniko a na womba totshe tiya a no tiengisa; se a na mi gela totshe tiya ti no maheka.

Luka 21:15

nguko ani nipune ni na mi ninga mapswi a wuzivi, ayawa valala vanu va no mbi sikota ku ma xula, hambi ku ma kambula.

Vahebheru 13:7

Alakanyani vathangeli vanu, ava va nga mi txhumayela dipswi da Txizimu. Wonisisani ati wutomi wawe wu nga gwitisa tona, mi txi londetela likholo lawe.

Vahebheru 12:3

Ngu toneto, alakanyani ene wuwa a nga timisela kuxaniswa ko ngeto, ngu mhaka ya vaonhi, kasiku mi si rereki, mi si gumi mtamo timbiluni kwanu.

Vahebheru 7:4

Hi ngani wona wuhombe wa m'thu wuwa, awu hambi Abrahamu, i ku kokwani wathu wa hombe, a nga mninga wugumi wa sile sa sinene, asi a nga si mana yimbini:

Vahebheru 3:1

Ngu toneto, vanathu va vakusawuleka, anu mi nga mana txihiwa txa kudhanwa ngu Txizimu: Alakanyani Jesu, mpostoli ni Mphaxeli wa Hombe wa kukholwa kwathu.

Vafilipiya 4:8

Vanathu, ngu kugwitisa, ni khani: Totshe ti i ku ta ditshuri, totshe ti i ku ta lisima, totshe ti i ku ta kululama, totshe ti ti dhundekako, totshe ti ti ku ni nduma ya yinene, totshe ti i ku ta mahanyelo amanene ni kudhumiseka, ngu toneto mi fanelako kuzumba mi txi ti alakanya.

1 Vakorinto 12:8

Mmwani a ningwa kuwombawomba mapswi a wutxhari ngu wona Moya, mmwani a ningwa kuwomba dipswi da wuzivi madingano ni wona Moya wu wawumwewo;

Mithumo 7:10

Txi to m'hulukisa ka otshe makhombo akwe, txi mninga kateko ni wuzivi masoni ka Faro, mfumeli wa Egipta; se ene mfumeli a mmahile mfumeli wa Egipta ni wa yotshe nyumba yakwe.

Dhaniyeli 1:17

Txizimu txi to ninga mazambi awa a mune wuzivi ni mapimo wo ziva yotshe mibhalo ya wutxhari; kambe Dhaniyeli txi to mninga mapimo o txhamusela sotshe siwoniso ni miloro.

Isaya 28:26

Txizimu txakwe txa m'gondisa, ni ku mkomba ati a dinganako kumaha.

Mavingu 24:32

Mbimo yile ni nga ti wona tile, ni to khani; se ni to wonisisa ni gonda to kari.

Masalmo 119:125

Ani ni txithumi txako. Ni he mapimo, nguko ni lava ku engisisa sileleto sako.

Isaya 5:12

Sitende ni tiharipa ni singomana, ni titshodi, ni vhinya, siho mu ka mibuso yawe ya hombe, kha va khatali ngu mthumo wa Mkoma, hambi kuwona mithumo ya manza akwe.

Masalmo 119:144

Sileleto sako nzo lulama yotshe mbimo; ni he mapimo ni na hanya.

Masalmo 119:73

Ani u ni vangile, u txi ni wumba ngu manza ako; ni ninge mapimo, kasiku ni gonda sirumo sako!

Masalmo 64:9

Votshe va na thava, se va na xawuta mtamo wa Txizimu va txi pimisa ati txona txi nga ti maha.

1 Makronika 29:19

Se ka Solomoni, mwanana wangu, mninge mbilu yo hetiseka, yo vekisisa sileleto sako, ni mithetho yako, ni milayo yako; yo maha totshe, ni kuaka nyumba yiya ya wukoma, yi ni nga yi lulamisela.

1 Makronika 22:12

Mkoma a na ku ninge wutxhari ni wuzivi dwe, a na ku gondise madingano ni Israyeli; kasi kuxayisa Mlayo wa Mkoma, Txizimu txako.

Dhewuteronome 32:29

Idiku va txharihile, nga va txi ti pfisisa, nga va txi ziva kupimisa ta mangwana ni ta magwito awe!

Dhewuteronome 4:39

Ngu toneto, ti zive nyamsi u txi ti pimisa mbiluni kwako tito, Mkoma ngene ekha i ku Txizimu, txitimwi nzumani, ni hahatshi ha mafuni; kha ku nga ho tximwani.

Jakobe 3:15

nguko, wuzivi wo ngeto, kha wu ti ngu txitimwi, aniko mbuzivi wa ha mafuni; wa wuhari ni wa wusathane.

Luka 9:44

“I di anu, engisani ta tinene mapswi awa: Mwanana wa M'thu a na ningelwa manzani ka vathu.”

Isaya 1:3

Homu ya ziva nyamne wa yona, ni mbongola ya wu ziva mkawu wa nyamne wa yona; aniko Israyeli kha zivi txilo, vathu vangu kha va pfisisi txilo.

2 Timoti 2:6

Mdimi wu a thumako ngu kutikarata, ngene a fanelako kuthanga a txi amukela mihando.

2 Timoti 2:8

Alakanya Jesu Kristu, a nga wuka ka vakufa, ene wa lixaka la Dhavhidha, madingano ni Evhangeli yi ni yi txhumayelako,