2 Timoti 2:26 - Bhiblia Yo Sawuleka

²⁶ ni kuvaninga kambe kutshumela ve wuya ka wuzivi, txi va ponisa ka mlawu wa Sathani, a nga ti va bzwetile ngu wona, kasiku ve maha kuranda kwakwe.

2 Timoti 2:26 Referans Kwoze

1 Timoti 3:7

Hahanze keto, ta laveka ti to i di m'thu wu vamwani va hahanze va mmahelako wufakazi wa wunene, kasiku asi soleki ni kubzwetwa ngu milawu ya Sathani.

Masalmo 124:7

Kufana ni txinyana hi hulukile kubzwetwa; ngu mlawu wa mriyeli.

Vaefesu 5:14

ani sotshe si si humiswako ha kubasani, sa hinduka si maha liwoningo. Ngu toneto, ti wombwako va txi kha vona: “Wuka awe u otelako, wuka hagari ka vafi, se Kristu a na kuwoninga.”

Isaya 8:15

Se vavangi hagari kwawe, va na gumulwa ngu dona, va txi wa, ve funyeka; va na bzwetwa, ve ñolwa.

Mtuletelo 12:9

Ngu konaho a to vinzwa hahatshi mwamilambo wa hombe, mnyoka wa kale, awule wu dhanwako ku i Dhiyabhulosi mwendo Sathani, mxengeteli wa dotshe ditiko; a vinzilwe ha mafuni, ene ni tingelozi takwe.

Jobe 1:12

Se Mkoma a to khene ka Sathani: Wona ti taku, sotshe a ku naso si manzani kwako; wo lamba walo kusanzeka diwoko dako. Se Sathani a to khukha masoni ka Mkoma.

1 Timoti 1:20

Hagari ka vonavo kumaneka Himenewu ni Alexandre, ava ni nga va ningela ka Sathani, kasiku ve gonda ku ambi ngadi ve ruketela Txizimu.

Vakolosa 1:13

Ene a hi ponisile ka txidema, a txi hi rurisa hi txi ya mfumoni ka Mwanana wakwe wo randeka,

1 Vakorinto 15:34

Wukani ta tinene, mi nga yeni masoni ngu kuonha. Vamwani kwanu va hanya va si zivi ni txilo ka timhaka ta Txizimu. Ni womba tiya kasiku mi tipfa tingana.

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Mithumo 5:3

Aniko Pedro a txi khene kwakwe: “Ananiya, u mlekisile kutxani Sathani e fuma mbilu yako kani? U hembete Moya wo Sawuleka, u txi ti hungulela male ya thembwe ngu phuho.

Johani 13:27

Ku ti ngako ene a di amukete txikhwemu, Sathani a to mu wulelela. Se Jesu a txi khene kwakwe: “Ati u ti mahako, kuluveta u txi ti maha.”

Johani 13:2

Se hagari ka kulalela, ngako Sathani a nga ti wulete mapimoni ka Judha Iskariyoti, mwanana wa Simoni, kufela ku ene e ningela Jesu;

Luka 15:17

“Se a di zumbile a txi ti alakanya, a to khene: ‘Nza singi sithumi sa tate wangu, si dyako, si txi sela, kuve ani na fa hawa ngu nzala.

Luka 11:21

Ngako m'thu wa wurena a txi ñola matxhari, e woneleta nyumba yakwe, simaha sakwe sotshe si zumbisekile kha kwati.

Isaya 53:12

Ngu kumaha keto, ni na mninga txyavelo txa votala, se a nga abana sile so handwa kumweko ni va va mtamo ngutu; nguko a tshakunutile muhefemulo wakwe kufani, se e balwa kumweko ni sindaka-milayo; aniko ene a ti rwekile sionho sa votala, kambe a kombelete sindaka-milayo.

Isaya 28:13

Ngu toneto, dipswi da Mkoma, di na va mlayo txitimwi ka mlayo, mlayo ni mlayo, txileleto txitimwi ka txileleto, txileleto ni txileleto: Kudotho hawa, kudotho hale; Kasi kuve tsula va txiwa ngu msana, ve funyeka, ve bzetwa, ve ñolwa.

Jobe 2:6

Se Mkoma a to khene ka Sathani: Ndiyoyo a manzani kwako; aniko veketa wutomi wakwe.

2 Vakorinto 2:11

Kasiku hi si kanganyiswi ngu Sathani, nguko ha ma ziva marindi akwe.

Luka 5:10

A tetwe ngu kuthava nene Jakobe ni Johani, vanana va Zebhedhewu, i nga ti vakoki kulowe ni Simoni. Aniko Jesu a to gela Simoni a txi khene: “U nga thave. Kukhukhela ka nyamsi, u na va u di mkoki wa vathu.”