2 Timoti 2:24 - Bhiblia Yo Sawuleka

²⁴ Kasi awu i ku txithumi txa Mkoma kha faneli kulwa mazunga. A fanete kuhanya ngu kuthutha ni votshe vathu, a txi ziva kugondisa, a txi honisela amu ka sixaniso.

2 Timoti 2:24 Referans Kwoze

Titosi 3:2

ni ti to kha va nga ni fanelo yo womba kubiha ngu m'thu hambi kuwusa mazunga, aniko va na mahe vathu vavanene, va kombako txithavo ka votshe.

Titosi 1:7

Mthangeli wa dibanza a fanete kuva a si nga ni txisolo, ngako i ku muwoneleli wa Txizimu; kulaveka i si nga wo tikulisa, a si nga ni txihenyisani, i si nga disela, i si nga muwusi wa mazunga, a si nga ni timbiti ta dibhindu do mbi lulama.

1 Vatesalonika 2:7

hambiko hi nga ti fanete ku mi nemeta, aku hi ku Vapostoli va Kristu. Aniko hi ti mahile nga sivananana hagari kwanu, mwendo kufana ni mame wu a mamisako vanana va a nga va veleka.

1 Timoti 6:11

Aniko awe u ku m'thu wa ka Txizimu, si vayilele sotshe siya. U fanete kukhutalela kululama, kukhongela, kukholwa, lirando, kutimisela, kuthutha.

Vakolosa 3:13

mi timiselana ni kudivalelana mmwani ni mmwani, ngako m'thu a di ni txisolo ka mmwani, nga kule Kristu a nga mi divalela, na nanu mahisani toneto.

Vafilipiya 2:14

Thumani totshe mi si ngungurukeli ni kuphikizana,

Vafilipiya 2:3

Mi nga maheni to maha ngu kukanetana hambi kutikulisa, aniko thumani ngu kutiveka hahatshi, mi si alakanyi ti to ma pinda vamwani ngu wunene.

Vaefesu 4:2

ngu kotshe kutiveka hahatshi, ni kudikha, ni kuhonisela, mi divalelana ngu lirando,

1 Pedro 3:8

Ngu kugwitisa, engisanani motshenu; mi randa vananu ngu moya wa wumbilu, ni kutiveka hahatshi.

Jakobe 3:17

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

Titosi 1:9

i di wo thembeka kutxhumayelani ka dipswi, e sikota kugondisa gondo yo tsana, kumweko ni kuthumelisa avale va zamako kukaneta.

2 Vakorinto 10:1

Ani, Paulo ngu wutumbu wangu, na mi khongotela ngu kudikha, ni wunene wa Kristu, ani ni ti vekako hahatshi masoni kwanu, kambe ni mahako wurena ni di kule ni nanu.

Mithumo 7:26

Se ngu ditshiku di di londetako, a to mana vamwani vavambidi va txi lwa, se e va khongotela ngu ku va kamba, a txi khene: ‘Vavamna, mi va lixaka limwelo! Mi lwela txani kani?’

Matewu 12:19

Kha na mbi henya ni kukwangula. Dipswi dakwe kha di na mbi pfiwa mu mitendelani.

Jakobe 4:2

Ma navela so maha, kambe kha mi si mani; se mi tutumela kudaya. Mi na ni wukhuxu, kambe kha mi koti txilo. Se ngu toneto, mi khata mazunga, nguko kha mi kombeli.

Jakobe 1:1

Ani Jakobe, txithumi txa Txizimu ni txa Mkoma Jesu Kristu, ka tihunzu ta digumi ni timbidi ti nga hangalaka ni otshe matiko, ni mi navelela wutomi.

Isaya 40:11

A na dyisa mtxhambi wakwe kufana ni m'dyisi; a na sengeleta sinvutana mawokoni kwakwe, e si khutarela hakhana kwakwe; a na gola kha kwati ati ti mamisako.

Judha 1:3

Vorandeka, ni di ngadi ni txi xuva ku mi bhalela madingano ni kuhanyiswa kuwa i ku ka hotshethu, ni ti woni ti di ni fanelo ku mi bhalela, ni mi laya, ti to mi lwela likholo li Txizimu txi nga ninga vasawuleki va txona kumweko dwe.

Mithumo 23:9

Se ku to vangwa diguwa da hombe; vabhali vokari va mtxawa wa Vafarisi va to ema ve kaneta ngu mtamo, va txi kha vona: “Kha hi mani mnandu ni wawumwewo ka m'thu wuwa; se i di moya wu nga womba-womba nayo ko? Mwendo kambe ngelozi ko?”

Dhaniyeli 6:20

A di hokile diphalani, a to dhana Dhaniyeli ngu dipswi da kuxaniseka, a txi khene: Dhaniyeli, awe txithumi txa Txizimu txi txi hanyako! Ina Txizimu txako txi u txi thumelako masiku otshe, txi sikoti ku kuhulukisa ka tingonyamo, kani?

Titosi 1:1

Ani Paulo, txithumi txa Txizimu, mpostoli wa Jesu Kristu, ni nga rumelwa kuhokisa vasawuleki va Txizimu kukholwani ni kuziva ditshuri diya di gondiswako ngu wukhongeli wathu,

Vagalatiya 5:22

Kasi mihando ya Moya ngu yiya: Lirando, litsako, kudikha, kutimisela, wunene, kutshambisa, kuthembeka,

2 Vakorinto 10:4

Nguko, matxhari awa hi lwako ngu ona hi nga a kuthumiswa ngu vathu, aniko mtamo wa ona wuta ngu ka Txizimu. Athu ha hasamula makungo a mipalavanya;

Mithumo 15:2

Msana ka kukanetisana ni kuphikizana ka hombe ngutu hagari kwawe ni Paulo ni Bharnabhasi, konaho ku to lamulwa ti to Paulo ni vamwanyani va fanela kukwela veya Jerusalema, kasi kuya wotisa mhaka yiya ka Vapostoli ni ka madhota.

2 Makronika 24:6

Se mfumeli a to dhana mthangeli Joyadha, a txi khene kwakwe: Ngu kutxani u nga mbi gela Valevhi kuneha siningo si si nga leletelwa ngu Mosi, txithumi txa Mkoma, msengeletanoni ka va ka Israyeli, si humako ditikoni ka Judha ni Jerusalema, kasi ku si maha sa Ditenda da Wufakazi kani?

Dhewuteronome 34:5

Se Mosi, txithumi txa Mkoma, a to fa koneyo, ditikoni ka Mowabhi, nga kuwomba ka Mkoma.

Johani 6:52

Vajudha va to kanetisana ngu txawe, va txi kha vona: “Se ene a nga hi ningisa kutxani mmidi wakwe hidya kani?”

Joxuwa 1:1

Se ku to maheka to msana ka kufa ka Mosi, txithumi txa Mkoma, Mkoma a wombile ka Joxuwa, mwana Nune, txithumi txa Mosi, a txi khene:

2 Vakorinto 6:4

Aniko, ka totshe hi dhunda kukombisa ti to hi sithumi sa Txizimu; ngu kutimisela ka hombe sikaratoni ni wusiwanani ni mu tiphangoni.