2 Timoti 2:2 - Bhiblia Yo Sawuleka

² Ati u nga tiengisa kwangu masoni ka tifakazi ta tingi, ti veke manzani ka vavamna vo thembeka, ava va sikotako kugondisa vamwani.

2 Timoti 2:2 Referans Kwoze

1 Timoti 4:6

Ngako u txi txhamusela timhaka tiya ka vanathu, u na va u di m'dhiyakoni wamnene wa Jesu Kristu, awu a dyiswako ngu mapswi a likholo ni gondo ya yinene, ayi u yi londetelako ngu kale.

1 Timoti 6:12

Lwana yimbi ya yinene ya likholo ñolisisa wutomi wo mbi guma, awu u nga dhanelwa wona, awu u nga wu fakazela ngu nzila yo tshura masoni ka timwani tifakazi ta tingi.

Malakiya 2:7

Nguko txisofu txa mphaxeli txi na xayisa wuzivi, se va na mana mlayo ka txisofu txakwe, nguko ene i Ngelozi ya Mkoma wa Mabutho a Tiyimbi.

2 Timoti 3:10

Kambe awe u ni londisete ngu hafuhi amu ka kugondisa, amu ka mahanyelo, amu ka makungo, amu ka likholo, amu ka lihoniselo, amu ka lirando, amu ka kutimisela,

Jeremiya 23:28

Mprofeti wu aku ni mloro, a na wu xawutele; aniko awu a ku ni mhaka yangu, nga a txi txhumayela yona ngu kuthembeka. Ngu kutxani mi pata mthungu ni fulaho kani? Kuwomba Mkoma!

Luka 12:42

Mkoma a xamute a txi khene: “Ngu wuhi muwoneleti wo thembeka ni kutxhariha, awu Mkoma a no mu veka masoni ka sithumi, kasiku e avela sakudya ngu mbimo yi yi lavekako kani?

Ezra 7:25

Se awe Ezra, madingano ni wuzivi wa Txizimu txako, wu ku manzani kwako, veka vatsimbitisi ni vale va no lamula votshe vathu va ku mtxhatuko ka mnambo, ka vale va zivako milayo ya Txizimu txako, mi gondisa ni vale va si yi ziviko.

1 Timoti 1:18

Ayi ngu yona gondo yi ni ku vekelako manzani kwako, mwanangu Timoti, madingano ni siprofeto si si nga wombwa ngu kale, na si txi komba awe; lwana yimbi ya yinene, u txi tsaniswa ngu sona siprofeto sile;

1 Timoti 1:12

Na bonga ka wule a nga ni ninga mtamo, Kristu Jesu, Mkoma wathu, a nga ni wona ni di wo thembeka, a txi ni sawula kasiku ni mthumela,

Mavingu 13:17

Txirumwa txo biha txi wela kubihani, aniko txirumwa txo thembeka ngu hanya.

1 Timoti 4:14

U nga sakane ngu txiningo txi u ku natxo, atxi u nga amukeliswa ditshiku diya vahombe va dibanza va nga womba mapswi a ku kuphaxa, ve kusanzeka manza.

1 Vakorinto 4:2

Se vaaveli ta laveka va txi maneka i di vo thembeka.

Ezra 7:10

Nguko Ezra a ti ti vekisete mbiluni kwakwe, kulava Mlayo wa Mkoma, kasi ku wu londeta, ni kugondisa kona Israyeli, sileleto sa kona, ni madingano a kona.

2 Timoti 3:14

Aniko awe, zumba u di tsani ka tiya u nga gonda, u txi ti tumela ngu kuva i di ta ditshuri.

Vakolosa 1:7

Mi gondisilwe ngu Epafrasi, mngana wathu ni txithumi kulothu, awu a hi vhunako nga txithumi txo thembeka txa Kristu;

Masalmo 101:6

Ni na amukela avale vo sawuleka ha mafuni kasiku ve hanya ni nani; ni na tumela kuthumelwa ngu wule a ku ni mahanyelo amanene dwe.

Nehemiya 7:2

Ni to veka Hanani, mwanathu, ni Hananiya, wa hombe wa mkhokhola wa Jerusalema, nguko i ti wamwamna wo thembeka, wo thava Txizimu, kupinda votala;

1 Samuwele 2:35

Se ani ni na ti emisela mphaxeli wo thembeka, awu a no maha madingano ni kulava ka mbilu yangu ni muhefemulo wangu, kambe ani ni na muakela nyumba yo tsana, aniko a na tsimbila masoni ka msawuleki wangu kala kupinduka.

Vahebheru 2:17

Ngu toneto, ti ti fanete ku e fananiswa ka totshe ni vanawe, kasiku, masoni ka Txizimu e va mphaxeli wa hombe, wa kutala ngu wumbilu ni kuthembeka, ti to e sikota kudihela sionho sa vathu.

1 Timoti 5:22

U nga tutumele kusanzeka manza m'thu kasiku u si rwali sionho sa mmwani. Awe upune ti ñole, u txi zumba u di basile mbilu.

Matewu 24:25

Wonani, ni songolete ku mi gela.

Matewu 13:52

Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”

Mitengo 12:7

Kambe kha ni mahi eto ka Mosi txithumi txangu; a thembekile amu nyumbani kwangu kotshe.

2 Vakorinto 2:14

Txi na bongwe Txizimu, atxi, ngu Kristu, txi hi guletako yotshe mbimo, kudhumiswani ka txona; atxi kambe ngu ngathu txi lavako kuhangalasa ka otshe makhalo kubhumula ka wuzivi wa txona.

2 Vakorinto 3:5

Hi nga ti to athu hipune, hi nga sikota kumana mialakanyo ya txilo, nga ya kukhukhela mtamoni kwathu. Ahim-him. Mtamo wathu wuta ngu ka Txizimu.

Levhi 14:42

Ngu toneto, va na veketela mamwani marigwi o hambana kona hale ma nga ti ti kona mamwani, se va txi kopola nyumba kambe.