2 Timoti 2:14 - Bhiblia Yo Sawuleka

¹⁴ Va alakanyise timhaka tiya, u txi ti fakaza masoni ka Txizimu, ti to kulaveka va si kanetisani ngu mapswi, nguko kuphikizana kha kuvhuni txilo, tsena kuthuma kutimeta ava va ti engisako.

2 Timoti 2:14 Referans Kwoze

2 Timoti 2:23

Nyenya kukanetisana ka wuphukuphuku, ku si vhuniko txilo. Wa tiziva ti taku eto ti va nga mazunga.

2 Timoti 4:1

Na ku xambanyisa masoni ka Txizimu ni ka Jesu Kristu, awu a nota lamula vohanya ni vofa ngu kutiwonekisa kwakwe ni mfumo wakwe:

Varoma 14:1

Amukelani awu a nga mbi tsana likholoni, mi si kanetisani nayo ngu ti a kholwisako tona.

Vahebheru 13:9

Mi nga tumeleni kukanganyiswa ngu tigondo to mbi zivaneka. Nguko, ti ni lisima ngako mbilu yi txi tsaniswa ngu kateko kupinda sakudya, asi si si vhuniko txilo ka vale va namarelako ka sona.

1 Timoti 5:21

Na kulaya masoni ka Txizimu ni ka Jesu Kristu, kumweko ni ka tingelozi to sawuleka, ti to u veketa sileleto siya, u nga lamule ngu kuwona khohe ya m'thu, u nga mahe txilo ngu kulondisela wuxaka.

Mithumo 15:24

Ngako hi di engisile to vamwanyani vokari, va ka kwathu, va tile kwanu, na va sa rumelwa ngu ngathu, va ta mi dhukisela, va txi mi thela kukanakana timbiluni kwanu ngu mapswi awe,

2 Pedro 1:13

I fanelo yangu, ni di ngadi ni txi hanya ka ditenda diya da ha mafuni ku mi wusa, kasi ku mi zumba mi txi wonelela.

1 Timoti 6:13

Ani na kulaya, masoni ka Txizimu, txi ningako wutomi ka sotshe simaha, ni masoni ka Kristu Jesu, awu a nga fakaza masoni ka Ponsio Pilato ngu mafakazelo o tshura a kukholwa:

2 Vatesalonika 3:6

Ha mi leleta, vanathu, ngu ditina da Mkoma Jesu Kristu, ti to mi txi hambana ni mwanathu wuhi ni wuhi asi londiseliko nzila ya mlayo, a hambanako ni tigondo ti hi nga mi ninga tona.

Jeremiya 7:8

Anu mi themba timhaka ta makuhu ti si mi vhuniko txilo.

1 Samuwele 12:21

Se mi nga thuke mi hambuka, mi londetela timhaka ta kwa mbi vhuna txilo, ti ti si mi vhuniko ngu txilo, ti ni ka kudhoto ti no mba mi txhatxhisa, nguko kha ti vhuni txilo.

2 Timoti 2:16

Hambana ni mabhulo awalo, o mbi na wukhongeli, nguko ava va ma dhundako, va na ya masoni ngu kunyenya Txizimu,

1 Timoti 4:8

Nguko ku ti toloveta ka mithumo ya mmidi kuvhuna ka kudotho, kasi ku ti toloveta ka mithumo ya wukhongeli kuvhuna ka totshe, nguko ku na ni txithembiso txa wutomi wa konkuwa ni wa mbimo yi yi tako.

Vaefesu 4:17

Ndiye mhaka yi ni mi gelako, na ni txi yi tsanisa ngu ditina da Mkoma: Mi nga tshumeleni kambe mi hanya nga vamatiko, avava va londetelako mipimiso yawe yo biha.

Vagalatiya 1:7

Kha yi nga ho yimwani Evhangeli. Atxi txi kuho ngu vale va vhinganyiselako mapimo anu, va zamako kusoholota Evhangeli ya Kristu.

Mithumo 13:10

a txi khene: “Awe u nga tala ngu wukanganyisi ni wubihi wotshe, mwanana wa Sathani, mlala wa sotshe so lulama, khu leki kugombonyisa tinzila ta Mkoma, ati i ku to lulama kani?

Matewu 16:26

Kha ditshuri, ti siza txani m'thu kumana dotshe ditiko, na ngu msana a txi mwalalelwa ngu wutomi wakwe kani? Mwendo nji txani m'thu a no sikota kutekisa ngu txona wutomi wakwe?

Habhakuki 2:18

Ngu txihi txivhuno txa txithombe txo vatwa txi nga vatwa ngu m'vati wa txona kani? Se txithombe txo wumbwa txi gondisako makuhu, a txi themba ngu txani muwumbi wa txona, na kuve njifananiso txa txizimu txa txiduma kani?

Jeremiya 23:36

Mrwalo wa Mkoma kha mi na mbiswa mi txi wu khumbuka kambe: Nguko mhaka ya mmweyo ni mmweyo yi na va mrwalo wakwe; ngako mi nga somborota timhaka ta Txizimu txi txi hanyako, ta Mkoma wa Mabutho a Tiyimbi, Txizimu txathu.

Jeremiya 23:32

Ina, na wukela vale va profetako makuhu, kuwomba Mkoma, ngako va txi yi xawutela, ve hambukisa vathu vangu ngu makuhu awe ni kulalata kwawe. Kuve ani kha na va ruma, hambi ku va elela; kha va na txivhuno txa txilo ka vava vathu, kuwomba Mkoma!

2 Timoti 1:6

Ngu konaho, na ku layetela ti to u txi wuseta txihiwa txa Txizimu, atxi u nga ningwa ngu kuwa ni nga kusanzeka manza angu.

1 Timoti 1:6

Nguko ti hambukisa ka nzila yiya, vamwani va pepesekile veya wulela ka siwombawomba so mbi vhuna txilo;

1 Timoti 1:4

va si heti mbimo ngu tikaringane ni kulondetela sibongo so mbi guma, asi si vangako kukanetisana, akuwa ku si vhuniko mthumo wa kuranda ka Txizimu, wu tsimbitiswako ngu kukholwa.

1 Vatesalonika 4:1

Ngu kugwitisa, vanathu, athu hi mi kombela ni ku mi laya ngu ka Mkoma Jesu. Anu mi gondile kwathu ati mi fanelako kuhanyisa tona, kasiku mi txi tsakisa Txizimu. Se, ngu toneto mi fanelako kuhanyisa tona, simamisani mi anda ka toneto.

Jeremiya 16:19

O Mkoma, dikhokhola dangu, ni mtamo wangu, ni wuthavelo wangu ngu ditshiku da kuxaniseka! Matiko ma nata kwako ngu magwito ka mafu, ma txi ta kha ona: Vatate vathu thomba yawe i ti ti makuhu ni kutikulisa dwe, si nga si vhuni txilo.

Jeremiya 2:11

Di ngava di diho ditiko di di nga hundulusa sizimu sa dona, hambiko i singako sizimu kani? Aniko vathu va vangu va lekile wudhumo wawe, ve khozela sisi si vhuniko txilo.

Jeremiya 2:8

Vaphaxeli kha va nga wotisa, va txi kha vona: Ahani Mkoma kani? Ni vañoli va mlayo kha va nga ni ziva. Vathangeli va to ni tshuralela. Ni vaprofeti va profetile ngu Bhahali. Ve londeta sa kwa mbi vhuna txilo.

Titosi 3:1

Alakanyisa votshe ti to va fanete kutiveka hahatshi ka vafumeli ni ka vakoma, va fanete ku va engisa, ve zumba va di ti lulamisete kumaha mthumo wuhi ni wuhi wo lulama,