2 Timoti 2:13 - Bhiblia Yo Sawuleka

¹³ ngako hi si thembeki, ene a na zumba a di thembekile, nguko kha na ku ti kaneta apune.”

2 Timoti 2:13 Referans Kwoze

Mitengo 23:19

Txizimu kha txi na makuhu nga m'thu. Lambi, txona hi nga mwanana wa m'thu wo txitxa-txitxa. Txizimu hi nga txo womba dwe txi si mahi, ina kha txi mahi ti txi nga womba kani? Kasi hi nga txo womba ti txi tatiseka kani?

Varoma 3:3

Se hi na khathu txani, ngako vamwani kwawe va sa thembeka kani? Ina kuthembeka ka Txizimu ku nga fuviswa ngu ku ambi thembeka kwawe kani?

Titosi 1:2

ngu kuthemba wutomi wo mbi guma, wu nga thembiswa, ku sinzi kuhoka timbimo to mbi guma ngu Txizimu, atxi txi si wombiko makuhu,

2 Vatesalonika 3:3

Aniko, Mkoma mbwo thembeka: Ene a na mi ninga kutsana, a na mi vhikela ka m'bihi.

1 Vatesalonika 5:24

Awule a nga mi dhana a thembekile, ene a na ti thuma totshe tiya.

1 Vakorinto 1:9

Txizimu txi thembekile, txi mi dhanete ku ta tshangana ni Mwanana wa txona Jesu Kristu, Mkoma wathu.

Vahebheru 6:18

Ku ni simaha simbidi so tsana. Ka sona si sa simbidi, kha ti koteki ti to Txizimu txi hi kanganyisa. Ngu toneto, athu hi txi thembako, hi fanete kunamarela ngu kutsana ka txithembiso txi txi nga vekwa masoni kwathu.

Matewu 24:35

Nzuma ni mafu si na pinda, kambe mapswi angu kha ma na mbi pinda.”

Varoma 9:6

Hi nga ti to dipswi da Txizimu di to txhipa. Ahim-him. Nguko hi nga votshe va va humako ngu ka Israyeli i ku Vaisrayeli va ditshuri;

Isaya 25:1

Awe Mkoma, ngawe Txizimu txangu; ni na kuguleta, ni dhumisa ditina dako, nguko u mahile sixamaliso, makungo ako a kale nga ditshuri, ni kutsana.

Dhewuteronome 7:9

U na ti zive koko ti to Mkoma, Txizimu txako, Njizimu, Njzimu txo thembeka, a xayisako txitumelelano ni wumbilu, kala ka 1.000 wa tiveleko, ka vale va mrandako, ni kuvekisa sirumo sakwe;