2 Timoti 2:12 - Bhiblia Yo Sawuleka

¹² ngako hi txi xaniseka kumweko nayo, hi na fuma kumweko nayo. Ngako hi txi mlamba, nene a na hi lamba;

2 Timoti 2:12 Referans Kwoze

Varoma 8:17

Se ngako hi di vanana, ha fanelwa kambe ngu kudya thomba: Hi vadyi va thomba ya Txizimu, hi vadyi va yona kumweko ni Kristu, nguko akuwa hi xanisekako kumweko nayo, tikomba ti to kha ditshuri hi na dhumiswa kumweko nayo kambe.

Matewu 10:33

Aniko awule a no ni lamba masoni ka vathu, nanani ni na mlamba masoni ka Tate wangu a ku nzumani.

Mtuletelo 20:4

Konako ni to wona sikhalo sa wukoma. Se avava va nga ti khalahatshile ka sona va to ningwa mtamo wo lamula. Ni to wona kambe mimoya ya vale va nga wilwa misungo ngu mhaka ya wufakazi wa Jesu ni Dipswi da Txizimu; ni vale va nga mbi khizamela txikalani ni txithombe txa txona. Kambe kha va amukela txixambanyo txa txona ha timbanza kwawe mwendo manzani kwawe. Vona va tshumete ve hanya ve fuma kumweko ni Kristu, txipimo txa 1.000 wa malembe.

Mtuletelo 20:6

Va katekile ni kusawuleka avale va manako txyavelo txa kuwuka ko khata ka vafi. Txitimwi kwawe lifo la wumbidi kha li nga ni mtamo, vona va na va vaphaxeli va Txizimu ni va Kristu, va na fuma nayo 1.000 wa malembe.

Luka 12:9

Kambe awu a ni lambako masoni ka vathu, a na lambwa nene masoni ka tingelozi ta Txizimu.”

Mtuletelo 5:10

Ngu vona u mahete Txizimu txathu, mfumo wa vaphaxeli, se vona va na fuma ha mafuni.”

Luka 9:26

Nguko ni wuhi a telwako ngu tingana ngu ngani, ni timhaka tangu, Mwanana wa M'thu a na telwa ngu tingana ngu ngene, mbimo yi a no wuya, wudhumoni kwakwe ni ka Tate, ni ka tingelozi to sawuleka.

Mtuletelo 2:13

Na kuziva mu u zumbako kona: Ngu konamo ku ku ni txikhalo txa wukoma txa Sathani. Aniko awe, u ñote ta tinene ditina dangu, nguko khwa lamba likholo langu, hambi ka masiku ya Antipasi, fakazi yangu yo thembeka, a nga dawa hagari kwanu, ahawa Sathani a nga aka kona.

Mtuletelo 1:9

Ani, Johani, ani ni ku mwananu, na kambe ni ku mmweyo wanu, amu ka sixaniso, ni mu ka mfumo, ni mu ka kutimisela ditinani ka Jesu Kristu, ani ni ti Txitondoloni ka Patmosi ngu mhaka ya dipswi da Txizimu ni kufakazela Jesu.

Judha 1:4

Nguku ku txholovete vathu vokari hagari kwathu, ava ku nga bhalwa ngu kale ti to va na abaniswa, vathu va kwa mbi thava Txizimu, va hindulako kateko ya Txizimu txathu, ve yi maha txivhikelo txa wubhemba wawe, ve lamba kukholwa ka wu i ku ene ekha M'gondisi ni Mkoma wathu, Jesu Kristu.

Vafilipiya 1:28

mi si thavi kudhukiselwa ngu valala, kasi eto, kha ditshuri ti kombisa ti to vona va ya kulovani, ani anu mi ya kuhanyiswani. Atiya ti ta ngu ka Txizimu,

Marku 8:38

Nguko awu a ku ni tingana ngu ngani ni mapswi angu masoni ka liveleko liya lo mbi thembeka masoni ka Txizimu ni la vaonhi, nene Mwanana wa M'thu a na va ni tingana ngu ngene, ditshiku di a no wuya ni wudhumo wa Tate wakwe, ni tingelozi to sawuleka.”

Matewu 26:35

Pedro a to womba kambe a txi khene: “Hambi i di kulava kudawa kumweko ni nawe, kha ni na mbi kulamba.” Votshe vagondiswa va so wombisa toneto ni vona.

Mtuletelo 3:8

Na yi ziva mithumo yako: Wona, ni vekile masoni kwako ditimba do tulwa, adi ni mmweyo a no mbi sikota ku di seka, nguko mtamo wako mbudotho, aniko u veketile dipswi dangu, kambe khwa lamba ditina dangu.

Mavingu 30:9

Kasi ku ngu kupfa kukhura, ni si ku kaneti, ni txi khani: I mani Mkoma kani? Mwendo ku ni di txisiwana, nipa, ni wukela Txizimu ngu dianza dangu.

Mithumo 14:22

Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.

Marku 10:33

“Wonani, hi kwelela Jerusalema, se Mwanana wa M'thu a na ningelwa ka vaphaxeli va hombe ni ka vabhali. Vona va na mu avanisela lifo ve mningela ka vamatiko.

Matewu 26:75

Sekoko, Pedro a to alakanya mapswi a Jesu, a nga khene: “Wu sinzi kuemba mkuku, u na ni lamba kararu.” Msana keto, a to huma hahanze e dila ngu kupandiseka.

Mtuletelo 1:6

a txi hi maha vakoma ni vaphaxeli ngu mtamo wa Txizimu Tate wakwe: Kupfaliswa ni mtamo si na lumbe ene kala kupinduka. Amen.

Luka 22:29

Kufana ni kuwa Tate wangu a nga ni ninga wukoma, nanani na wu ningela wukoma wuwa kwanu,

Luka 22:30

kasi ku mi txi dya ni kusela ha mezani kwangu, ka Mfumo wangu; ni ti to mi txi khalahatsha ka sikhalo sa wukoma mi txi lamula tihunzu ta digumi ni timbidi ta ka Israyeli.”

Varoma 5:17

Ngu toneto, hambiko txionho txa m'thu mmweyo txi nga wuyisa mtamo wa lifo, ngu kota yakwe ene mthuyo wammweyo, ngutu-ngutu avale va amukelako ngu kutatiseka wuxinji ni txiningo txa kululama, va na mana kufuma ka wutomi ngu mtamo wa m'thu mmweyo dwe, ene Jesu Kristu.

1 Timoti 5:8

Awu asi khataleliko maxaka akwe, ngutu-ngutu ava i ku va mwaya wakwe, eyo a kanetile likholo, a bihile ngutu kupinda dihedheni.

Mtuletelo 3:10

Ngako u nga xayisa dipswi dangu da kutimisela, nanani ni na kuxayisa ka txikhati txa kudukwa ku ku nota ka dotshe ditiko, kasi ku ta duka votshe va va nga aka ha mafuni.

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.