2 Timoti 2:11 - Bhiblia Yo Sawuleka

¹¹ Di thembekile dipswi di di ku kha dona: “Ngako hi txi fa kumweko nayo, hi na wuka kumweko nayo kambe;

2 Timoti 2:11 Referans Kwoze

Varoma 6:8

Ngako hi txi fa kumweko ni Kristu, ha tiziva ti to hi na hanya kumweko nayo.

1 Timoti 1:15

Ni womba dipswi do thembeka ni da kuamukeleka ka votshe vathu: Kristu Jesu a tile ha mafuni ku ta hanyisa vaonhi, ava ani ni ku wo thanga kwawe.

Varoma 6:5

Nguko, ngako hi nga tshanganiswa kumweko nayo ngu lifo la kufana ni lakwe, ngu toneto hi na fananiswa nayo kambe ngu kuwuka ka vakufa ko fana ni kwakwe.

2 Vakorinto 4:10

txotshe txikhati hi rwate lifo la Jesu ha mmidi kwathu, kasiku wutomi wa Kristu ni wona wu txi tikomba ha mmidi kwathu.

Johani 14:19

Msana ka txikhatianyana, ditiko kha di na mbi ni wona kambe, aniko anu mi na ni wona, nguko ani na hanya, ni nanu mi na hanya.

Titosi 3:8

Di thembekile dipswi diya. Nanani ni lava ku u sunamisa kugondisa mhaka yiya, ti to avale va kholwako ka Txizimu va na khutala amu ka mithumo ya yinene. Atiya tina ni lisima kambe ta vhuna vathu.

1 Vatesalonika 5:10

a nga hi fela, kasiku athu, mwendo ha wonelela mwendo ha otela, hi hanya hi di patani kumweko nayo.

1 Vatesalonika 4:17

Konako, athu hi nota maneka hi txi hanya, athu hi nga sala hi nata gulwa kumweko navo hi txi yiswa marefuni, hi txi ya hingeta Mkoma txitimwi. Se ngu toneto, hi na ya zumba nayo yotshe mbimo.

2 Vakorinto 13:4

Ngu ditshuri, a gogotetwe ha txihambanoni a di ni dikhodho, aniko wa hanya ngu mtamo wa Txizimu. Nanathu hi ni dikhodho kwakwe, aniko hi na hanya kumweko nayo ngu mtamo wa Txizimu hagari kwanu.

1 Timoti 3:1

Di thembekile dipswi diya di ku: Awu a navelako kuva mthangeli wa dibanza, a navela mthumo wa wunene.