2 Timoti 1:8 - Bhiblia Yo Sawuleka

⁸ Ngu toneto, u nga telwe ngu tingana kufakazela Mkoma Wathu, hambi kufakazela ani ni ku txibotxhwa ngu kota yakwe, aniko sengela ni nani kuxanisekani kwangu ngu mhaka ya Evhangeli, u txi tsaniswa ngu mtamo wa Txizimu,

2 Timoti 1:8 Referans Kwoze

Varoma 1:16

Ani kha ni nga ni tingana ngu Evhangeli, nguko i mtamo wa Txizimu, awu wu hanyisako wuhi ni wuhi a kholwako, kukhata Mujudha, ngu msana nene Mugriki.

Marku 8:38

Nguko awu a ku ni tingana ngu ngani ni mapswi angu masoni ka liveleko liya lo mbi thembeka masoni ka Txizimu ni la vaonhi, nene Mwanana wa M'thu a na va ni tingana ngu ngene, ditshiku di a no wuya ni wudhumo wa Tate wakwe, ni tingelozi to sawuleka.”

2 Timoti 4:5

Aniko, awe, zumba u di tsani yotshe mbimo, timisela amu ka sixaniso, ti ningetele ka mthumo wa Evhangeli, hetisa mthumo wako.

Mtuletelo 12:11

Kambe vona va mu xute ngu mhaka ya mnoha wa Txinvutana ni ngu mhaka ya dipswi di va ngadi fakazela, nguko kha va khatala ngu wutomi wawe kala kufani.

2 Timoti 2:9

ayi ni xanisekako ngu mhaka ya yona, ni za ni sungwa ngu tingomondo nga no va txigevenga, kambe dipswi da Txizimu kha di na kusungwa ngu tingomondo.

2 Timoti 1:12

Ngu toneto, ni xanisekelako tona. Aniko kha ni na tingana, nguko ani na m'ziva awu ni thembako ene, na tiziva ngu ditshuri ti to ene ana ni mtamo wa kuveketa asi a nga ni vekela manzani kwangu, kala kedo ditshiku.

Vaefesu 3:1

Ngu konaho, ani Paulo ni maneka ku khotelwani ngu mhaka ya Jesu Kristu, kufela kuvhuna anu vamatiko,

Vafilipiya 3:10

Ngu kota yeto, ni na sikota ku m'ziva, ene ni mtamo wa kuwuka kwakwe, ni txi sengela nayo kuxanisekani kwakwe, ni txi dinganiswa nayo kufani kwakwe,

Luka 9:26

Nguko ni wuhi a telwako ngu tingana ngu ngani, ni timhaka tangu, Mwanana wa M'thu a na telwa ngu tingana ngu ngene, mbimo yi a no wuya, wudhumoni kwakwe ni ka Tate, ni ka tingelozi to sawuleka.

2 Timoti 1:16

Mkoma a na telwe ngu wumbilu ka mwaya wa Onesiforo, nguko sikhati so tala a ni rulisite mbilu, kha telwa ngu tingana ngu mhaka ya tingomondo tangu,

Vaefesu 4:1

Na mi khongotela koko ani txibotxhwa txa Mkoma, ti to mi hanya ngu nzila yi yi fanelako wukholwa wu mi nga dhanelwa wona,

Mtuletelo 1:9

Ani, Johani, ani ni ku mwananu, na kambe ni ku mmweyo wanu, amu ka sixaniso, ni mu ka mfumo, ni mu ka kutimisela ditinani ka Jesu Kristu, ani ni ti Txitondoloni ka Patmosi ngu mhaka ya dipswi da Txizimu ni kufakazela Jesu.

Judha 1:24

Ka txona Txizimu txi ku ni mtamo wo mi xayisa kasi ku mi si khuvekiswi, ni ku mi heleketa txi mi hokisa mi di tsakile, na mi si nga ni txionho masoni ka wudhumo wa txona,

1 Pedro 1:5

anu mi vhikelwako ngu mtamo wa Txizimu, ni likholo la kuhanyiswa kuwa hi ku hafuhi ni ku kuwona ka masiku o gwitisa.

2 Timoti 2:3

Nawe, xaniseka kumweko ni nani, nga disotxhwa da dinene da Jesu Kristu.

1 Vatesalonika 3:4

Kha ditshuri, mbimo yi hi nga ti ni nanu, hi txi mi gela ti to hi fanete kuxaniswa, se toneto ti mahekile, nga ti mi ti zivisako tona.

Vafilipiya 1:7

Ti lulamile ngako ni txi alakanya toneto ngu mhaka yanu motshe, nguko nina ni nanu mbiluni kwangu, nguko mi patani ni nani ka kateko yangu, amu kusungwani kwangu, kumweko ni mu ka kulwela ni kutsanisa Evhangeli.

Vaefesu 3:13

Ngu konaho, na mi kombela, mi si rereki ngu mhaka ya sixaniso sangu sa ku mi xuphekela, nguko kwanu, eto i mhaka ya kupfaliswa kwanu.

Varoma 16:25

Ka wule a ku ni mtamo wa ku mi tsanisa ka Evhangeli yangu, madingano ni kutxhumayela ka Jesu Kristu ni kuwonekeliswa ka msisalo wu wu nga ti tumbetilwe kukhukhela ka mbimo ya kale ni kale,

1 Johani 4:14

Se athu hi ti woni, kambe ha fakaza ti to Tate a rumete Mwanana wakwe ku ta maha Muhanyisi wa ditiko.

2 Timoti 4:17

Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.

Vafilipiya 4:13

Totshe na ti kota, ngu kutsaniswa ngu wule a ni ningako mtamo.

Varoma 9:33

nga ti ti nga bhalwa taku: “Ndiko na veka Siyoni dirigwi di di ku na va humba, txiwindi txi txi ku na va wisa; aniko awu a no kholwa ka dona dirigwi diya, kha na mbi wiswa tingana.”

Mithumo 5:41

Vona va to huma ngu banzani ka wukoma, na va txi tsaka ngu kumaneka va di ha mtengoni ka vale va ku ni fanelo yo xupheka ngu mhaka ya ditina da Jesu.

Mtuletelo 19:10

Konako ni to ti wisa minengeni ka ngelozi, kasiku ni yi khozela, aniko yona yi to ni tsimba, yi txi kha yona: “Lambi! U nga mahe eto. Ani ni txithumi kufana ni nawe ni vakakwanu va veketako wufakazi wa Jesu. Txizimu ngu txona u fanelako ku txi khozela!” Kunene wufakazi wa Jesu ngu wona i ku mtamo wa wuprofeti.

Mtuletelo 1:2

awu a xambanyako ti to totshe ti a nga ti wona i Dipswi da Txizimu ni wufakazi wa Jesu Kristu.

1 Vakorinto 1:6

Ngu toneto, wu tsanisilwe kwanu wufakazi wathu ka Kristu,

Johani 19:35

Se awu a nga yi wona mhaka yiya, ngene a fakazako, kambe wufakazi wakwe mbwa ditshuri. Ene wa tiziva ti to a womba ditshuri, kasiku nanu mi sikota kukholwa.

Masalmo 119:46

Ni na nuwela milayo yako ka vafumeli kuwalo ni wammweyo a no ni wisa tingana.

Vakolosa 1:24

Se ani na tsaka, ni tsakela sixaniso si ni si amukelako ngu mhaka yanu, ni txi eneta nyamani kwangu ati ti nga ti sate kuxanisekani ka Kristu, ni mahela Mmidi wakwe, i ku Dibanza.

Vaefesu 4:17

Ndiye mhaka yi ni mi gelako, na ni txi yi tsanisa ngu ditina da Mkoma: Mi nga tshumeleni kambe mi hanya nga vamatiko, avava va londetelako mipimiso yawe yo biha.

2 Vakorinto 6:7

ngu dipswi da ditshuri, ngu mtamo wa Txizimu, ngu matxhari a kululama hi ma ñolako ngu manza a txinene ni a txibhabha,

Varoma 8:36

Nga ti ti nga bhalwa taku: “Ha dawa ngu mhaka yako dotshe ditshiku. Hi wonwa nga tinvuta to emiselwa kuya kudawani.”

Johani 15:27

Nananu mi na va mi di tifakazi tangu, nguko mi ni nani kukhukhela kukhatani.”

Isaya 51:7

Ni engiseni anu mi zivako wululamo, anu vathunu mlayo wangu wu ku timbiluni kwanu; mi nga thaveni kutseketselwa ngu vathu, hambi kukarateka ngu siruko sawe.

Masalmo 19:7

Mlayo wa Mkoma mbwo hetiseka, wa ninga kuhanya kakuphya. Sirumo sa Mkoma nzo thembeka; sa ninga wuzivi ka m'thu wo divala.

1 Timoti 2:6

a nga ti ningela kasi kutirula votshe vathu. Awuwa ngu wona wufakazi wu wu nga vekwa ka masiku awa ma fanelako,

Vakolosa 1:11

mi txi mana kutsaniswa ngu mtamo wa hombe, madingano ni mtamo wa kupfaliswa ka txona, kasiku mi sikota kutimisela ta tinene ni kuhonisela ngu kutsaka;

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

2 Timoti 1:10

Kateko yiya yi ti kombisile konkuwa ngu kuwoneka ka Muhanyisi wathu Jesu Kristu, ene wuwa a nga fuvisa lifo, e tisa wutomi ni kuhanya ko mbi guma, asi si nga ti humelelisa kubasani ngu mtamo wa Evhangeli.

2 Timoti 2:8

Alakanya Jesu Kristu, a nga wuka ka vakufa, ene wa lixaka la Dhavhidha, madingano ni Evhangeli yi ni yi txhumayelako,